San Marcos 11:18 - Biblia Guarani Tumpa Iñee

¹⁸ Jayave mborookuai re oporomboe vae reta jare sacerdote reta itenondegua reta kuae oendu yave, oeka reta kërai oyuka vaerä Jesús. Echa jae reta okɨɨye chugüi, opaete vae ipɨakañɨ iporomboe re ramo.

Nuevo Testamento Guaraní Pe

¹⁸ Jayave sacerdote reta itenondegua reta jare mboroócuai re oporomboe vae reta cuae oendu yave, oeca quirai ipuere oyucauca Jesús. Echa jae reta oquɨye chugüi, opaete vae ipɨacañɨ iporomboe re rambue.

San Marcos 11:18 ပူးပေါင်းရင်းမြစ်များ

1 REYES 21:20

Jare Acab jei Elías pe: —¿Jayave cheväe cherovaicho? Elías jei: —Jökorai. Echa ikavimbae vaeño reyapo yandeYa jesa róvai.

1 REYES 22:18

Mburuvicha guasu Israel pegua jei Josafat pe: —¿Jaeä pa ndeve, kuae kuimbae mbaetɨi omombeu cheve ñee ikavigüe, jaeño ikavimbae?

1 REYES 22:8

Mburuvicha guasu Israel pegua jei Josafat pe: —Oime metei, jupi yandepuere yaparandu yandeYa pe, jae ko Micaías, Imla taɨ, ërei che amotareɨ yae ko, echa mbaetɨi omombeu kavi ñee ikavigüe cheve, jaeño ikavimbae. Ërei Josafat jei chupe: —Agüɨye jökorai ere mburuvicha guasu.

ISAÍAS 49:7

YandeYa, oPoroepɨ vae, Tumpa Iyoambae Israel pegua, jei oñemotareɨuka ïru tëtaguasu reta pe vae pe, ipɨarai vae reta jembipɨɨrä oiko vae pe: “Mburuvicha guasu jare mburuvicha reta ndereecha yave, opüata jare ndemboeteta; echa che ndeYa, Tumpa Iyoambae Israel pegua jupi vae ko, che ko roparavo.”

San Mateo 21:15

Ërei sacerdote reta itenondegua reta jare mborookuai re oporomboe vae reta oecha yave mɨakañɨ Jesús oyapogüe jare oendu vi michia tupao pe osapúkai reve jei: “¡Hosanna David Taɨ!” Jáeramo jae reta pochɨ yae.

San Mateo 7:28

Jare Jesús opa imiari kuaekuae yave, opaete jókuae oyeapɨsaka jese vae reta ipɨakañɨ iporomboe re.

San Marcos 1:22

Jare oyeapɨsaka jese vae reta ipɨakañɨ iporomboe re. Echa omboe reta mbaepuere reve, mbaetɨ oporomboe mborookuai re oporomboe vae reta rami.

San Marcos 11:32

Ani yae yave: “Kuimbae reta ko ombou…” Ërei jae reta okɨɨye tëta guasu pegua reta güi. Echa opaete vae güɨrovia Juan jae ko añetete ñeemombeúa.

San Marcos 12:12

Jayave jókuae oyeapɨsaka jese vae reta oipota tëi oipɨɨ Jesús. Echa oikuaa reta, jókuae ombojaanga reve jei vae ikotɨ reta ko jei. Ërei okɨɨye reta tëta guasu pegua reta güi. Jáeramo oeyaño, jare yogüɨraja.

San Marcos 3:6

Jare fariseo reta ñogüɨnoe judío reta itupao güi yave, oyomboemboe herodiano reta ndive Jesús kotɨ oyuka vaerä.

San Marcos 6:20

Echa Herodes oikuaa Juan ko jae kuimbae jupi vae. Jáeramo oipoɨu, jare omaeñoä kia re oyapo vaerä ikavimbae vae chupe. Jare oyeapɨsaka Juan re yave, ipɨakañɨ yae opɨta, ërei ikɨ̈reɨ ngatu reve oyeapɨsaka jese.

San Lucas 19:47

Jare Jesús oporomboe tupao pe ara ñavo. Ërei sacerdote reta itenondegua reta jare mborookuai re oporomboe vae reta jare tëta guasu pegua reta itenondegua reta oeka kërai oyuka vaerä.

San Lucas 2:47

Jare opaete oyeapɨsaka jese vae reta, ipɨakañɨ iyarakuaa katu re jare mbarandu omombeu vae re.

San Lucas 20:19

Jayave jupivei sacerdote reta itenondegua reta jare mborookuai re oporomboe vae reta oipota tëi oipɨɨ Jesús. Echa oikuaa jókuae ombojaanga reve jei vae ikotɨ reta ko jei. Ërei okɨɨye tëta guasu pegua reta güi.

San Lucas 4:22

Jare opaete joko pe ñogüɨnoi vae reta imiari kavi jese. Echa ipɨakañɨ reta ñee ikavigüe jei vae re, jei reta: —¿Jaeä yera kuae José taɨ?

San Juan 7:1

Kuae jaɨkue rupi Jesús ojo ɨvɨ Galilea pe. Mbaetɨ ojo Judea pe. Echa judío reta oipota oyuka.

San Juan 7:19

¿Moisés omeeä pa ko peve mborookuai? Ërei metei ave pe reta peyapoä mborookuai jei vae. ¿Maera pa peipota cheyuka?

San Juan 7:46

Jembiokuai reta jei: —¡Echa mbaetɨi kia imiari jókuae kuimbae imiari rami!

Hechos 24:25

Ërei Pablo jei chupe kërai ikavi yayapo vaerä jupi vae, jare yayopia vaerä yanderete oipota vae güi, jare kërai Tumpa ojäata ɨvɨ pegua reta. Félix kuae oendu yave okɨɨye jare jei Pablo pe: —Ekuaño räri. Chepuere yave, toroenɨi ye kuri.