San Marcos 10:33 - Biblia Guarani Tumpa Iñee

³³ “Mase, ko yaja Jerusalén kotɨ. Jare che Kuimbaerä ayeapo vae chemeeta sacerdote reta itenondegua reta jare mborookuai re oporomboe vae reta ipo pe vae, jare jae reta jeita amano vaerä jare chemeeta judiombae vae reta pe,

Nuevo Testamento Guaraní Pe

³³ —Mase, yaja co Jerusalén cotɨ —jei chupe reta—. Jare che cuimbaera ayeapo vae metei vae chemoeterengata sacerdote reta itenondegua reta jare mboroócuai re oporomboe vae reta pe. Jae reta jeita amano vaera, jare chemoeterengata judío mbae vae reta pe —jei—.

San Marcos 10:33 ပူးပေါင်းရင်းမြစ်များ

ISAÍAS 53:3

Oñereröɨro jare oyemombo kuimbae reta ipɨte güi, kuimbae oiporara vae, tembiporara oikuaa; jare yanderova ñañomi chugüi rami, ñaröɨro jare mbaetɨ yaaɨu.

San Mateo 16:21

Jókuae ara güive Jesús omombeu jemimboe reta pe kërai jae ojota ko Jerusalén pe, jare oiporarauka yaeta chupe tenondegua reta, sacerdote reta itenondegua reta, jare mborookuai re oporomboe vae reta vae; jare oyuka retata ërei mboapɨ araa pe oikove yeta vae.

San Mateo 26:66

¿Mbae pa pere añave? ïru reta jei chupe: —Güɨnoi ko teko omanota ko.

San Mateo 27:2

Oipokua reta jare güɨraja mburuvicha Poncio Pilato pe omee.

San Marcos 14:64

Peendu ma ikavimbae yae jei Tumpa kotɨ vae. ¿Mbae pa pere añave? Jayave opaete reve jei reta: —Jupi ko omano vaerä.

San Marcos 15:1

Jayave ndeimboveasɨ opa oyemongeta güire sacerdote reta itenondegua reta, tëta guasu pegua reta itenondegua reta, mborookuai re oporomboe vae reta, jare opaete ïru mburuvicha reta oipokua Jesús güɨraja reta Pilato pe omboeterenga.

San Marcos 8:31

Jayave Jesús omombeu kavi chupe reta, kërai jae Kuimbaerä oyeapo vae jetata ko oiporara. Jare tëta guasu pegua reta itenondegua reta, sacerdote reta itenondegua reta, jare mborookuai re oporomboe vae reta güɨröɨrota jare oyukaukata. Ërei mboapɨ ara rupi oikove yeta.

San Marcos 9:12

Jesús jei chupe reta: —Añete Elías räri ko outa, jare oyapokatuta opaete mbaembae. ¿Mbaetɨ yera oyekuatía oï che Kuimbaerä ayeapo vae aiporara yaeta jare opaete vae chereröɨrota?

San Marcos 9:31

echa omboe güɨnoi jemimboe reta, jei: —Che Kuimbaerä ayeapo vae chemeeta opaete vae reta ipo pe vae. Jare cheyuka retata Ërei amano yave, mboapɨ araa pe aikove yeta.

San Lucas 23:21

Ërei osapúkai reve jei reta ye: —¡Eikutuuka kurusu re! ¡Eikutuuka kurusu re!

San Lucas 9:22

jei reve: —Che Kuimbaerä ayeapo vae aiporara yaeta. Jare tëta guasu pegua reta itenondegua reta, sacerdote reta itenondegua reta, jare mborookuai re oporomboe vae reta chereröɨrota jare cheyukata. Ërei mboapɨ ara rupi aikove yeta.

San Juan 18:28

Jayave güɨraja reta Jesús Caifás jëta güi mburuvicha oporojäa pe. Ndeimboveasɨ ko jare jae reta mbaetɨ oike mburuvicha oporojäa pe, agüɨye vaerä oyemongɨa, jare jökorai reve jou vecha kuimbae taɨrusu vae isoo Pascua pe.

San Juan 18:32

Jökorai jei reta, oyembopo vaerä Jesús jei ma oyeapota chupe vae. Echa Jesús omombeu ma këraita ko omano vae.

San Juan 19:11

Jesús jei chupe: —Ngaraa tëi mbaepuere renoi cheré, Tumpa omaeñoä nderé yave. Jáeramo chemee ndeve vae iyoa yae ma ko.

Hechos 13:27

Echa Jerusalén pegua reta jare juvicha reta mbaetɨ oikuaa kia ra ko Jesús vae ani ñeemombeúa reta jeigüe, ara mbutuu ñavo pe jae reta omongeta tëi vae. Jáeramo jae reta jei Jesús oyeyukauka vaerä, jare jökorai ombopo reta oyekuatía oï jese vae.

Hechos 20:22

Jare añave, ko aja Jerusalén kotɨ Espíritu Santo chemondo ramo, aikuaambae reve mbae ra cheräro joko pe.

Santiago 5:6

Pe reta pemboeko jare peyuka jókuae jupi vae. Jare jae mbaetɨ oyeepɨ pegüi.