San Marcos 10:24 - Biblia Guarani Tumpa Iñee

²⁴ Jemimboe reta ipɨakañɨ Jesús jei vae re. Ërei Jesús jei ye: —Cheraɨ reta, yavai yae ko mbaeyekou re oyeko vae reta oike vaerä Tumpa iporookuaía pe.

Nuevo Testamento Guaraní Pe

²⁴ Jemimboe reta ipɨacañɨ Jesús jei vae re. Erei Jesús jei ye: —Yavai yae co, cherɨvɨ reta, oicocatu vae reta oique vaera Tumpa iporoocuaia pe. Echa jei tei ipɨa pe: Icavi yaeta co cheve. Echa jeta mbaembae anoi —jei, jei Jesús—.

San Marcos 10:24 ပူးပေါင်းရင်းမြစ်များ

SALMOS 17:14

ndembaepuere pe chereroasayepe chugüi reta cheYa, ¡emokañɨtei reta kuae ɨvɨ güi, echa jae reta imbae güɨnoi kuae ɨvɨ peño! Jae reta oyemboikokatu yae ndeporerekua pe, omoɨ̈vɨata taɨ reta, jembɨre ye jɨmɨmino reta peguarä.

SALMOS 52:7

“Mase, ko kuimbae mbaetɨ Tumpa re oyeko vae, mbaeyekou jeta güɨnoi reño güɨrovia katu, jare oiko jeko kavimbae peño.”

SALMOS 62:10

Agüɨye eyeko ndepɨarai re, jare repɨ̈rogüe rupi remboatɨ vae re; reikokatu yae ma yave, agüɨye ndepɨa jeseiño.

PROVERBIOS 11:28

Imbaeyekou reño oyeko vae, ñana ipiru vae rami ko, ërei jupi vae reta jokɨta ñana jokɨ katu vae rami.

PROVERBIOS 18:11

Oikokatu vae imbaeyekou, tëta guasu jëguambae rami ko chupe; metei tëta guasu ikësea ɨvate yae vae rami ko chupe.

PROVERBIOS 23:5

¿Reipotata pa remae mbaeyekou re, mbaeä etei vae re? Echa ipepo ramita ko, ɨmambae opata oveve, güɨraké oveve rami.

JEREMÍAS 9:23

YandeYa jei körai: “Agüɨye yarakuaa vae toyemboete iyarakuaa re, jäta ngatu vae ave agüɨye toyemboete jäta ngatu re, jare oikokatu vae agüɨye toyemboete imbaeyekou reta re.

HABACUC 2:9

¡Paravete, omotɨnɨe jo mbaembae oñomigüe pe vae, ombokavi jo oasayepe vaerä ikavimbae güi!

SOFONÍAS 1:18

YandeYa iporojäa iara pe, kuimbae reta ngaraa oyereroasayepe, ikorepoti rupi ani ioro rupi ave, echa yandeYa jägüɨro jeko pegua iyarasɨ yae, opaeteita omboai mbaembae kuae ɨvɨ pe. ¡Opaete ɨvɨ pegua reta okañɨteita jarembae pegua!

San Mateo 19:25

Jesús jemimboe reta kuae oendu yave, ipɨakañɨ jare jei reta: —Jökorai yave, ¿kia pa ipuereta oyemboasauka?

San Marcos 1:27

Jare opaete oecha vae reta ipɨakañɨ, jare oparandu oyoupe: —¿Mbae pa ko kuae oyapo vae? ¡Mboromboe ipɨau mbaepuere reve vae! Echa mbaepuere reve jei aña reta osɨrɨ vaerä oya jese vae reta güi, jare jae reta oyapo jae jei vae.

San Marcos 10:23

Jayave Jesús omae iyɨ́vɨri jare jei jemimboe reta pe: —Yavai yae ko oike vaerä Tumpa iporookuaía pe mbaeyekou güɨnoi vae reta.

San Lucas 16:14

Jare fariseo reta kuae oendu vi yave opaete kuae mbaembae, oyóyai reta Jesús. Echa jae reta imbaepotarai yae ko.

San Juan 13:33

Cheraɨ michi reta, michi peguaño ma aïta pe ndive. Jayave chereeka tëita, ërei pe reta ngaraa pepuere peo che ajataa pe. Echa körai jae judío reta pe, jare añave jae vi peve.

San Juan 21:5

Jayave Jesús jei chupe reta: —Cheraɨ reta, ¿oime pa mbae penoi yau vaerä? Jae reta jei chupe: —Mbaetɨ.

San Juan 6:60

Kuae oendu reta yave, jeta Jesús jemimboe reta jei oyoupe: —Yavai yae ko kuae ñee. ¿Kia pa ikɨ̈reɨta oendu?

Gálatas 4:19

Cheraɨ reta, jekuae oiporara ye peré, metei kuña imembɨrasɨ vae oiporara yae oï rami; Cristo etei oyekuaa regua peré.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.

1 Juan 2:1

Cheraɨ aaɨu vae reta, aikuatía kuae mbaembae regua peve agüɨye vaerä peyoa. Ërei kia nunga vae iyoa yave, oime ñanoi oñemoe vaerä yanderé yandeRu Tumpa jóvai vae, jae ko Jesucristo jupi vae.

1 Juan 4:4

Cheraɨ aaɨu vae reta, pe reta ko jae Tumpa imbae reta, jare pemoamɨri ma añetembae re oporomboe vae reta. Echa oï peré vae tuichagüe yae ko jókuae kuae ɨvɨ pe oï vae güi.

1 Juan 5:21

Cheraɨ aaɨu vae reta, peyeandu tumpa-raanga reta güi. ¡Amén!

Apocalipsis 3:17

Echa nde rere: Aikokatu ko, jeta mbaembae anoi, mbaetɨ etei mbae oata yandeve. Ërei mbaetɨ reikuaa, ndepɨatɨtɨ yae, ndeporiau, ndeparavete, nderesambae jare nenandi.