San Marcos 10:21 - Biblia Guarani Tumpa Iñee

²¹ Jesús omae jese oiparareko oaɨu yae reve, jare jei chupe: —Metei mbae oata ndeve: Ekua emee opaete mbaembae renoi vae, jare jepɨgüe emee iparavete vae reta pe, jayave renoita mbaembae ara pe. Javoi eyu cherupíe, evoɨ ndekurusu.

Nuevo Testamento Guaraní Pe

²¹ Jesús omae jese oaɨu reve. —Oime mbae oata reyapo vaera —jei chupe—. Ecua emee opaete mbaembae renoi vae corepoti re, jare emee corepoti paravete vae reta pe, jare reicocatuta ara pe. Jayave evoɨ eraja ndecurusu, jare eyu cherupíe —jei.

San Marcos 10:21 ပူးပေါင်းရင်းမြစ်များ

GÉNESIS 34:19

Jare oärombae reve jókuae taɨrusu vae oyapo iyeupe jókuae circuncisión, echa Jacob tayɨ re iporopota yae, jare jae ko imboetea yae tu jo pe vae,

PROVERBIOS 23:23

Eväe añetete vae, arakuaa, mboromboe jare arakuaa katu, jare ¡agüɨye emee!

San Mateo 16:24

Jayave Jesús jei jemimboe reta pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tou cherupíe.

San Mateo 19:21

Jayave Jesús jei chupe: —Reipota yave reiko jupi vae, ekua emee opaete mbaembae renoi vae, jare jepɨgüe emee iparavete vae reta pe, jayave renoita mbaembae ara pe. Javoi eyu cherupíe.

San Marcos 10:22

Ërei kuae oendu yave, kuimbae ojo ipɨatɨtɨ reve. Echa jeta mbaembae güɨnoi.

San Marcos 8:34

Jare Jesús oenɨi jemimboe reta jare ïru joko pe ñogüɨnoi vae reta. Jayave jei chupe reta: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tojo cherupíe.

San Lucas 10:42

Ërei oime meteiño mbae ikavi yae vae. Jare María oiparavo ikavi vae ndegüi. Jókuae ngaraa kia ipuere opɨ̈ro chugüi.

San Lucas 12:33

Pemee pembaembae, jare jepɨgüe pemee paravete vae reta pe. Körai peyapo yave, penoita mbaeyekou opambae vae ara pe, imonda vae reta oikembaea pe jare kupii güɨrokomeguambaea pe.

San Lucas 16:9

Che jae peve peiporu vaerä pembaembae kuae ɨvɨ pegua peyapo vaerä vɨa-ïru retarä. Echa oata ma pembaembae yave, jae reta pemboresiveta tëta opambae vae pe.

San Lucas 18:22

Jesús kuae oendu yave, jei chupe: —Oimeño mbae oata ndeve. Emee opaete mbaembae renoi vae, jare jepɨgüe emee paravete vae reta pe, jayave renoita mbaembae ara pe. Javoi eyu cherupíe.

San Lucas 19:41

Jare Jesús köiño ma ou Jerusalén güi yave, oecha jare oäpiro,

San Lucas 9:23

Jayave Jesús jei opaete vae pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu ara ñavo, jare tojo cherupíe.

San Juan 12:26

Oyeokuai cheve vae tojo cherupíe. Cherembiokuai oïta che aïtaa pe. Jare cheRu ombotuichaukata oyeokuai cheve vae.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

Hechos 2:45

Omee imbaembae reta, jare omboyao jepɨgüe mbaetɨ mbae güɨnoi vae reta pe.

2 Corintios 12:15

Chekɨ̈reɨ ngatu reve aiporuta chembaembae, che etei añemeeta poaɨu vae jeko pegua. Yepe tëi che poaɨu yae reve pe reta mbaetɨ cheraɨu ete.

2 Timoteo 3:12

Jare opaete Cristo Jesús re oipota oiko jupi rupi vae oiporara yaeta ko;

Hebreos 10:34

Echa peiparareko tembipɨɨrɨru pe ñogüɨnoi vae reta. Jare ïru vae reta pembaembae opɨ̈ro pegüi yave, peiporara peyerovia katu reve. Echa peikuaa penoi ko ara pe mbaembae ikavigüe opambae.

Santiago 2:10

Echa oime yave kia oyapo opaete mborookuai jei vae, ërei metei oyavɨ yave, oyavɨ ma opaete mborookuai.

Apocalipsis 2:14

Ërei oime mbovɨ mbae jae vaerä ndeve: Oime joko pe Balaam iporomboe ñäteɨ oeya vae reta. Echa Balaam omboarakuaa Balac omboavai vaerä Israel iñemuña reta, echa jouka tembíu tumpa-raanga reta pe oñemee vae jare oyapo reta aguasa.

Apocalipsis 2:20

Ërei oime mbovɨ mbae jae vaerä ndeve: Jae ko remaeño jókuae kuña Jezabel ñeemombeúa jei iyeupe vae oporomboe jare ombotavɨ cherembiokuai reta aguasa oyapo vaerä jare jouka vaerä tembíu tumpa-raanga reta pe oñemee vae.

Apocalipsis 2:4

Ërei oime mbae jae vaerä ndeve, jae ko mbaetɨ ma cheraɨu tenonde yave rami.