San Marcos 1:5 - Biblia Guarani Tumpa Iñee

⁵ Jare opaete ɨvɨ Judea pegua reta jare Jerusalén pegua reta yogüɨraja Juan oïa pe. Jare iyoa reta opa omombeu rupive jae ombobautisa reta ɨ̈aka Jordán pe.

Nuevo Testamento Guaraní Pe

⁵ Jare opaete ɨvɨ Judea pegua reta jare tenta Jerusalén pegua reta yogüɨraja Juan oia pe. Jare Juan ombobautiza reta ɨaca Jordán pe, imbaeyoa reta opa omombeu güire.

San Marcos 1:5 ပူးပေါင်းရင်းမြစ်များ

SALMOS 32:5

Cheyoa amombeu ndeve, mbaetɨ añomi ndegüi mbaeyoa ayapogüe. Jae: “Tamombeu cheYa pe mbaetɨ iporookuai ayapo vae.” Jare nde neɨ̈ro cheyoa ikavimbae re.

PROVERBIOS 28:13

Ngaraa oiko kavi, imbaeyoa reta oikuaku vae, ërei oyemombeu vae jare oeya ete iyoa vae, oikota mboroparareko rupi.

San Mateo 4:25

Yogüɨraja Jesús jaɨkue jeta vae Galilea güi, ɨvɨ Decápolis güi, tëta Jerusalén güi, ɨvɨ Judea güi jare ɨ̈aka Jordán jovaicho güi.

San Marcos 1:4

Juan oporombobautisa ñuu pe, jare omombeu jeta vae reta pe, oyerova reta vaerä Tumpa kotɨ, jare oyembobautisauka vaerä jökorai Tumpa iñɨ̈ro vaerä chupe reta iyoa re.

San Marcos 1:6

Juan jemimonde mɨmba camello jaagüe pegua ko, jare ikuakuaa guasupi pegua ko. Jare jembíu ko jae tuku jare ei ñana rupigua.

San Juan 1:28

Opaete kuae oasa Betábara pe, ɨ̈aka Jordán jovaicho pe, Juan oporombobautisaa pe.

San Juan 3:23

Juan vi oporombobautisa oï Enón pe. Enón köiño oï Salim güi. Echa joko pe jeta ɨ. Jare amogüe vae yogüeru jare Juan ombobautisa reta.

San Juan 5:35

Juan kó jae metei mechero jendɨ jare omoembipe vae rami. Jare pe reta michi pegua yae peyerovia katu jese.

Hechos 19:18

Jare jeta oporogüɨrovia vae reta yogüeru omombeu jeko jare ikavimbae oyapo vae regua.

Hechos 2:38

Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Santiago 5:16

Peyoa yave oyokotɨ, pemombeu oyoupe, javoi peyerure oyoe, Tumpa pembogüera vaerä. Jupi vae iyerure opaete ipɨa reve vae, güɨnoi mbaepuere.

JOSUÉ 7:19

Jayave Josué jei Acán pe: —Cheraɨ, emee mbaemboete yandeYa pe, Israel iTumpa pe, emboete, ere añave cheve mbae ko reyapo vae; agüɨye eikuaku chegüi.