San Marcos 1:21 - Biblia Guarani Tumpa Iñee

²¹ Jare yogüɨraja oväe tëta guasu Capernaum pe. Jare ara mbutuu pe Jesús oike judío reta itupao pe, jare omboɨpɨ oporomboe.

Nuevo Testamento Guaraní Pe

²¹ Jare yogüɨraja ovae tenta Capernaum pe. Jare mbutuu iara ñavo Jesús oique judío reta itupao pe, jare oporomboe.

San Marcos 1:21 ပူးပေါင်းရင်းမြစ်များ

San Mateo 4:13

Mbaetɨ ma oiko Nazaret pe, ojo tëta guasu Capernaum pe jare joko pe oiko. Capernaum ko oï ɨguasu jembeɨ pe Zabulón jare Neftalí iɨvɨ pe.

San Mateo 4:23

Jare Jesús ojo opaete Galilea rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi.

San Marcos 1:20

Jare Jesús oenɨi voi. Jayave jae reta oeya tu ibarco raɨ pe oparavɨkɨ chupe vae reta ndive, jare yogüɨraja Jesús jupíe.

San Marcos 1:29

Jare Jesús judío reta itupao güi oë yave, yogüɨraja Simón jare Andrés jo pe, Jacobo jare Juan ndive.

San Marcos 1:33

Jare jeta joko pegua reta yatɨ jókuae o jöke pe.

San Marcos 1:39

Jare ojo opaete ɨvɨ Galilea rupi, jare omombeu Tumpa iñee judío reta itupao ñavo rupi, jare ombosɨrɨ aña reta oya jese vae reta güi.

San Marcos 10:1

Jayave Jesús ojo Capernaum güi Judea pe ɨ̈aka Jordán jovaicho pe. Joko pe jeta oyemboatɨ ye jae oïa pe. Jayave Jesús omboe reta, oporomboeñoi rami.

San Marcos 2:1

Mbovɨ ara rupi Jesús ojo ye Capernaum pe, jare jërakua jae oime oï jo pe.

San Marcos 3:1

Jesús oike ye judío reta itupao pe, jare joko pe oï metei kuimbae ipo jovaicho tɨpa vae.

San Marcos 6:2

Jayave ara mbutuu pe Jesús omboɨpɨ oporomboe judío reta itupao pe. Jare jeta vae oyeapɨsaka jese, jare ipɨakañɨ reve jei reta oyoupe: —¿Kia pe ra oyemboe kuae kuimbae opaete kuae re? ¿Mbae nunga arakuaa ra oñemee chupe? ¿Mbae nunga mɨakañɨ ra kuae oyapo vae?

San Lucas 10:15

Jare nde Capernaum, ndeyemongeta pe tuichagüe yae ko reï. Ërei reyemomboukata omanogüe reta ñogüɨnoia pe.

San Lucas 13:10

Jesús oporomboe oï metei judío reta itupao pe ara mbutuu pe.

San Lucas 4:16

Jayave ou ye Nazaret pe, jókuae jae okuakuaa pe. Jare ara mbutuu pe oike judío reta itupao pe, oyapoñoi rami, jare opüa Tumpa iñee omongeta vaerä.

San Lucas 4:23

Jayave Jesús jei chupe reta: —Arovia pereta cheve jókuae ñee jei vae: “Nde ko jae metei oporopoano vae. Jáeramo eñepoano.” Echa roikuaa jeta mbaembae reyapo Capernaum pe, eyapo vi kuae ndeɨvɨ pe.

Hechos 17:2

Jare Pablo ojo jókuae tupao pe. Echa jökorai oyapo opaete tëta guasu reta rupi. Jare ara mbutuu ñavo oyoaka judío reta ndive, mboapɨ ara mbutuu rupi,

Hechos 18:4

Ara mbutuu ñavo Pablo oyoaka judío reta itupao pe. Kuae oyapo, judío reta jare judiombae vae reta güɨroviauka vaerä.