San Marcos 1:20 - Biblia Guarani Tumpa Iñee

²⁰ Jare Jesús oenɨi voi. Jayave jae reta oeya tu ibarco raɨ pe oparavɨkɨ chupe vae reta ndive, jare yogüɨraja Jesús jupíe.

Nuevo Testamento Guaraní Pe

²⁰ Jare Jesús oeni voi. Jayave jae reta oeya Zebedeo jare oparavɨquɨ chupe vae reta chalana pe, jare yogüɨraja Jesús jupíe.

San Marcos 1:20 ပူးပေါင်းရင်းမြစ်များ

1 REYES 19:20

Jayave jae oeya güeye reta, jare osɨi ou Elías jaɨkue jare jei: —Romoñera remaeño aja vaerä aovapɨte cheru jare chesɨ, jare jaɨkue rupi taja nderupíe. Jare jae jei chupe: —Ekua jare eyu ye. Ërei nemaendúa che ayapo ndeve vae re.

San Mateo 10:37

Oime yave kia ombotenonde yae tu jare ichɨ chegüi vae, ngaraa ipuere oiko cheremimboerä. Jaeramiño vi oime yave kia ombotenonde yae imichia reta chegüi vae, ngaraa ipuere oiko cheremimboerä;

San Marcos 1:19

Ndei mombɨrɨ katu joko güi ojo mbove, Jesús oecha mókoi Zebedeo taɨ reta: Jacobo jare tɨvɨ Juan. Oyapokatu ñogüɨnoi ipɨsa reta ibarco raɨ pe.

San Marcos 1:21

Jare yogüɨraja oväe tëta guasu Capernaum pe. Jare ara mbutuu pe Jesús oike judío reta itupao pe, jare omboɨpɨ oporomboe.

San Marcos 10:29

Jesús jei chupe reta: —Añete che jae peve, oime yave kia oeya jo, tɨkeɨ reta ani tɨvɨ reta, ani jeindɨ reta, ani tɨke ani ipɨkɨɨ ani ikɨvɨ, ani tu, ani ichɨ, ani jembireko, ani imichia reta, ani iɨvɨ reta chereko pegua jare Tumpa Iñee ikavi vae jeko pegua vae,

San Lucas 14:26

“Oime yave kia oipota ojo cherupíe vae, ërei ombotenonde yave tu, ichɨ, jembireko, imichia reta, tɨkeɨ jare tɨvɨ, jeindɨ jare jae etei oyembotenonde yave, ngaraa ipuere oiko cheremimboerä.

San Lucas 5:11

Jayave jae reta güeru ibarco reta ɨ jembeɨ pe. Joko pe opa oeya reta, yogüɨraja vaerä Jesús jupíe.

2 Corintios 5:16

Jáeramo añave güive ngaraa yandepɨa pe yayemongeta ïru vae re jae ko ɨvɨ peguaño. Yepe tëi Cristo re ñamae yepi kuae ɨvɨ peguaño ko vae, ërei añave mbaetɨ ma yayemongeta jese jökorai.

DEUTERONOMIO 33:9

tu jare ichɨ kotɨ jei vae: ‘Mbaetɨi ko aecha reta’, jare mbaetɨ oipota oikuaa jëtara reta, jare taɨ reta ave mbaetɨ oipota oikuaa. Jae reta oyapo neñee jei vae, ombopo reta neporogüɨrökuavee päve.