San Marcos 1:13 - Biblia Guarani Tumpa Iñee

¹³ Jare opɨta joko pe cuarenta ara, jare añaguasu omomiari omokɨ̈reɨ vaerä tëi iyoa. Jare oiko Jesús mɨmba pochɨ vae reta oimea pe. Jare yogüeru araɨgua reta omborɨ vaerä.

Nuevo Testamento Guaraní Pe

¹³ Jare opɨta ñuu pe cuarenta ara, jare Satanás imiari chupe oyapouca vaera tei mbaeyoa chupe. Jare oico Jesús maemɨmba ñuu rupigua reta ñogüɨnoia pe. Jare yogüeru araɨgua reta oyeócuai chupe.

San Marcos 1:13 ပူးပေါင်းရင်းမြစ်များ

ÉXODO 24:18

Jare Moisés oike amapɨtu iyɨvɨte pe, oyeupi ɨvɨtɨ re; Moisés oiko ɨvɨtɨ re cuarenta ara jare cuarenta pɨ̈tu.

ÉXODO 34:28

Moisés opɨta yandeYa ndive joko pe cuarenta ara jare cuarenta pɨ̈tu, okarumbae jare oɨumbae; jare oikuatía ita ipe vae re ñee reta morogüɨrökuavee päve pegua, payandepo mborookuai reta.

San Mateo 26:53

Mbaetɨ pa reikuaa chepuere ko ayerure cheRu pe ombou voi vaerä jeta araɨgua chereepɨ vaerä.

San Mateo 4:1

Jayave Espíritu Santo güɨraja Jesús ñuu pe. Jare joko pe aña guasu omomiari oyavɨuka vaerä tëi chupe.

San Lucas 4:1

Jesús ou ye ɨ̈aka Jordán güi. Jae tɨnɨe Espíritu Santo pe. Jayave Espíritu Santo güɨraja Jesús ñuu pe.

DEUTERONOMIO 9:11

Jare oasa yave cuarenta ara jare cuarenta pɨ̈tu, yandeYa omee cheve mókoi ita ipe vae, morogüɨrökuavee päve pegua,

DEUTERONOMIO 9:18

Javoi ayetavatɨka yandeYa jóvai tenonde yave rami, cuarenta ara jare cuarenta pɨ̈tu akarumbae jare aɨumbae, pe reta peyoa pemboarasɨuka yandeYa jeko pegua.

DEUTERONOMIO 9:25

Ayetavatɨka yandeYa jóvai cuarenta ara jare cuarenta pɨ̈tu, echa yandeYa jei ko opa vaerä pemokañɨtei,

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Hebreos 4:15

Echa yandesacerdote tenondegua ete yandeparareko ko ñanepɨ̈ratambae re, echa jae oiporara opaete morojäa reta yande rami, ërei jae mbaetɨ etei iyoa.