MALAQUÍAS 4:2 - Biblia Guarani Tumpa Iñee

² Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

MALAQUÍAS 4:2 ပူးပေါင်းရင်းမြစ်များ

2 SAMUEL 23:4

oikota tembipe ou köe yave vae rami, kuaraɨ jembipe oyekuaa ndeimbove yave, mbaetɨ amapɨtu yave rami. Ama omojeñɨi temitɨ ɨvɨ re vae rami.’

SALMOS 103:3

Iñɨ̈ro ko cheve opaete cheyoa reta re, jae ko chembogüera opaete chembaerasɨ güi,

SALMOS 147:3

Jae ombopɨakatu ipɨatɨtɨ vae reta, jare oipoano ipere reta.

SALMOS 61:5

Echa nde, cheRu Tumpa, reendu cheñererökuavee, remee chembaerä ɨvɨ nderee omboete vae reta imbae.

SALMOS 67:1

CheRu Tumpa, oreparareko jare ndeporerekua oreré, emae kavi oreré,

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

SALMOS 85:9

Añetete, köiño yae oï Tumpa iporogüɨroasayepe, oipoɨu chugüi vae reta peguarä, iyemboetea oiko vaerä yandeɨvɨ pe.

PROVERBIOS 4:18

Ërei jupi vae reta jape köembipe rami ko: Köe jembipe ojo oiko köe kavi regua rami.

ISAÍAS 30:26

YandeYa oipoanota pepere. Jayave yasɨ omoembipeta kuaraɨ rami, jare kuaraɨ omoembipeasɨ yaeta chiu kuaraɨ jembipe rami.

ISAÍAS 35:6

iköcho vae reta oporiseta guasukaka rami, jare iupa vae reta osapukaita oyerovia güi. Echa ñuu güi, ɨvɨ otini yae vae güi oëta jeta ɨ osɨrɨ vae.

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 50:10

Opaete pe reta peipoɨu yandeYa güi vae, jare peendu jembiokuai iñee vae: Pɨtumimbía rupi peguata yave, ani mbaetɨ jembipe ete kavi mbatee peve yave, peyeko yandeYa re, peyeko peTumpa re.

ISAÍAS 53:5

Ërei ngatu jae ipere ko, yandepɨapochɨ reta re, oiporara ko yandeyoa jeko pegua; jae oiporara mbɨakatu ñanoi vaerä, jare ipere rupi ko yakuera.

ISAÍAS 9:2

Tëta pɨtumimbi pe oguatase vae oecha tembipe tuicha yae vae; mano ipo pe yogüɨrekose vae reta re, tembipe oesape.

JEREMÍAS 17:14

Chepoano cheYa Tumpa, jare takuera; chereepɨ cheYa, jare taasayepe, echa ndeño ko romboete.

JEREMÍAS 30:17

Ërei pombogüerata, aipoanota pegüi pepere reta, perovaicho reta jei tëita peve: ‘Sión oyemombo oï, mbaetɨ kia oyemoambeko jese.’ Che peYa ko jae kuae.”

JEREMÍAS 33:6

Ërei aipoano retata, oikovekatuta jare ameeta chupe reta mbɨakatu jare oiko pɨagüive reta vaerä.

EZEQUIEL 47:12

Ɨ̈aka jembeɨ jovaicho icho rupi okuakuaata oipotagüe ɨvɨra oime ia vae, mbaetɨta osururu joo reta jare ia aveita. Jarembae mbae iata, echa tupao güi ɨ oë vae omoäkɨta. Iagüe ikavita oyeu vaerä jare joogüe moarä.

OSEAS 6:1

Peyu jare yayerova ye yandeYa kotɨ; echa jae yandemboai, ërei jae ñaneñono kavi yeta, jae yandembopere, ërei jae ñanepoanota.

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

MALAQUÍAS 3:16

(Jayave yandeYa güi oipoɨu vae reta imiari oyoupe; yandeYa oyeapɨsaka jese jare oendu. Kuae reta jee oyemboguapɨ yandeYa jóvai metei tupapire pe, yandeYa güi oipoɨu vae reta jare omboete vae reta regua.)

San Mateo 11:5

Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omanogüe vae reta oikove ye. Jare iparavete vae reta pe oñemoërakua ñee ikavi vae.

San Mateo 23:37

¡Jerusalén! ¡Jerusalén!, reyuka ñeemombeúa reta. Reyapi reyuka ita pe Tumpa ombou ndekotɨ vae reta. Jeta vese chekɨ̈reɨ tëi amboatɨ ndeipo reta, uru omboatɨ imembɨ reta ipepo igüɨ pe rami, ërei nde mbaetɨ reipota.

San Lucas 1:50

Jare Tumpa güɨnoi avei mboroparareko oipoɨu chugüi vae reta re.

San Lucas 1:78

Körai Tumpa oyapo, yandeparareko ramo, ombou yandeve ɨvate güi ara ipɨau vae;

San Lucas 2:32

Jae ko tembipe ramita judiombae vae reta pe. Jare ndembae vae Israel pegua reta iyemboetearä.”

San Juan 1:14

Jókuae Ñee oyeapo Kuimbaerä, jare ou oiko orepɨte rupi mbɨakatu ndive jare añetegüe rupi. Jare ore roecha iyemboetea, Tumpa Taɨ jae vaeño vae iyemboetea.

San Juan 1:4

Jese ko oï tekove, jare jókuae tekove jae ko tembipe ɨvɨ pegua reta pe.

San Juan 1:8

Juan jaeä ko jókuae tembipe. Jae ko ou jókuae tembipe re omombeu vaeräño.

San Juan 12:40

“Tumpa oesaöva reta jare ombopɨa täta, agüɨye vaerä oecha kavi reta jare agüɨye vaerä oikuaa kavi reta, jare agüɨye vaerä oyepoepɨ reta. Echa oyepoepɨ reta yave, Tumpa ombogüerata.”

San Juan 8:12

Kuae jaɨkue rupi Jesús jei jeta vae reta pe: —Che ko tembipe ɨvɨ peguarä. Oiko che ndive vae ngaraa oguata pɨtumimbi pe. Echa güɨnoita tembipe tekove pegua.

San Juan 9:4

Ikavi ko ayapo vaerä chembou vae iparavɨkɨ ndei pɨ̈tu mbove. Echa outa pɨ̈tu; echa pɨ̈tu yave mbaetɨ kia ipuere oparavɨkɨ.

Hechos 13:26

Tëtara reta, Abraham iñemuña reta jare pe kuaeɨgua peipoɨu Tumpa güi vae reta. Tumpa ombou peve kuae ñee peyemboasauka vaerä.

Hechos 13:47

Echa yandeYa oreokuai körai: “Poñono tembipe rami judiombae vae reta pe, peraja vaerä yemboasa opaete ɨvɨ pegua reta pe.”

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

2 Tesalonicenses 1:3

Cherɨvɨ reta, jupi ko romee avei vaerä yasoropai Tumpa pe peré, echa peporogüɨrovia okuakuaa avei ojo oiko, jare peporoaɨu jeiete okuakuaa vi oyokotɨ.

2 Pedro 1:19

Ñanoi vi ñeemombeúa reta omoërakua vae, jókuae re perovia vae ikavi yae ko. Jókuae ñee ko metei mechero omoembipe pɨtumimbía pe rami köe regua, yasɨtata köembiya omoembipe pepɨa pe regua;

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!

1 Juan 2:8

Ërei aikuatía peve mborookuai ipɨau vae, jae ko oï añetete Cristo re jare peré vi. Echa pɨtumimbi oasa ojo oiko jare tembipe añetete vae jembipe ma ou.

Apocalipsis 11:18

Jare tëtaguasu reta iyarasɨ. Ërei ndearasɨ oväe ma rejäa vaerä omanogüe reta, jare remboekovia vaerä nderembiokuai ñeemombeúa reta, oporogüɨrovia vae reta, jare omboete nderee vae reta michia reta jare okuakuaa vae reta, jare remboai vaerä ɨvɨ omboai vae reta.”

Apocalipsis 2:28

jare ameeta chupe yasɨtata ndeimboveasɨ oyekuaa vae.

Apocalipsis 22:16

“Che Jesús ambou chearaɨgua oikuaauka vaerä opaete kuaekuae oporogüɨrovia vae reta pe. Che ko jae David Iyɨpɨ jare iñemuña pegua. Che ko jae yasɨtata guasu jembipeasɨ köe pota yave vae.”

Apocalipsis 22:2

Jare tëta guasu ikaye mbɨte pe, ɨ̈aka jovaicho icho pe oï ɨvɨra tekove pegua. Jókuae ɨvɨra ia doce. Yasɨ ñavo ia. Jare ɨvɨra jogüe ikavi tëtaguasu reta oñepoano vaerä.

RUT 2:12

¡YandeYa tomboekovia ndeve opaete nderembiapo rupi! ¡Jare tandeangareko yandeYa Tumpa Israel pegua, kërai reyu reñepɨ̈ro jese vae!