MALAQUÍAS 3:2 - Biblia Guarani Tumpa Iñee

² Jare, ¿kia pa ipuereta güɨropɨa jae ou yave?, jare ¿kia pa ipuereta oyemboɨ jae jóvai, jae oyeechauka yave? Echa jae tata mbae ikɨagüe oekɨ rami, jare ombaeputuka vae reta ijavo rami.

MALAQUÍAS 3:2 ပူးပေါင်းရင်းမြစ်များ

GÉNESIS 19:28

jare omae Sodoma kotɨ jare Gomorra kotɨ, jare vi opaete ñuu kotɨ, jare oecha tätati opüa opaete jókuae ɨvɨ güi, horno güi tätati opüa rami.

JOB 28:1

Añete, korepoti oime jenda ɨvɨgüɨ pe, oro oime kia pe oyembokavi vaerä.

SALMOS 130:3

CheYa, remae mbaeyoa reta yave, ¿kia pa ipuereta oï nderóvai?

SALMOS 2:7

Che amoërakuata yandeYa jei vae; yandeYa jei cheve: “Cheraɨ ko nde; che ko romoñemuña añave.

SALMOS 76:7

¡Nde, kɨɨyea yae ko! ¿Kia pa ipuereta oyemboɨ nderóvai ndearasɨ reï yave?

PROVERBIOS 25:4

Eikɨa yoe korepoti, jare korepoti imondɨkuía oyapota jókuae güi mbae ipöra vae;

ISAÍAS 1:18

YandeYa jei: “Peyu yayoaka. Yepe tëi peyoa reta pɨ̈taasɨ yae, ërei amotïasɨta iroɨ rami; ani temimonderä vae pɨ̈taasɨ vae rami yave, vecharaa tïi vae rami amotïasɨta;

ISAÍAS 33:14

Sión pegua iyoa vae reta, orɨrɨi okɨɨye güi, jare jovayoyavi vae reta, okɨɨye jare jei reta: “¿Kia pa yandegüi ipuere oiko tata oporombokañɨtei vae pe? ¿Kia pa yandegüi ipuere oiko tata ogüembaea pe?”

ISAÍAS 4:4

YandeYa oporojäata jare oporonupata vae rupi oitɨota Sión pegua kuña reta iyoa, jare oyoeta Jerusalén pe jeta tugüɨ oyepɨyere vae,

JEREMÍAS 2:22

Yepe tëi reyau javo lejía pe, ani oipotagüe javo pe, ërei cheróvai jekuaeñoi ndekɨa ndeyoa pe. Che ndeYa jae.

EZEQUIEL 22:14

Agüɨye eyemongeta ndepuereta reyemboɨ cheróvai rojäa yave. Che peYa jae jare ayapota kuae:

DANIEL 11:35

Jökoraiño amogüe yarakuaa vae reta oiporarata oyetɨo, oyeyoe jare oñemotïi vaerä, ara iyapɨ Tumpa omoërakua vae oväe regua.

JOEL 2:11

YandeYa oenduka iñee isundaro reta jenonde; jeta yae ko isundaro reta, jëia yae ko oyeokuai chupe vae reta; ¡tuicha jare yavaete yae ko yandeYa iporojäa iara! ¿Kia pa ipuereta güɨropɨa?

NAHUM 1:6

Iyarasɨ yave, ¿kia pa ipuereta oyemboɨ jae jóvai? ¿Kia pa ipuereta güɨropɨa iyarasɨ? Iyarasɨ oñemoai tata rami, jae jóvai osururu ɨ̈vavira reta.

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

MALAQUÍAS 4:1

YandeYa Imbaepuere yae ete vae jei: “Ko ma ou ara jaku rai yae horno rami vae. Opaete oyembopɨa pochɨ vae reta jare opaete ikavimbae iyapoa reta okaita kapii jendɨ rami. Jókuae ara outa oï vae oapɨ retata, jare ngaraa jembɨre jäka jare japo ave chugüi reta.

San Mateo 25:10

Jare jókuae kuñatai reta opa ramboeve yogüɨraja ogua asaite, ou oväe jókuae kuimbae omendata vae. Jare kuñatai iyarakuaa vae reta oike jae ndive mendaa pe. Jayave öke oyeokenda.

San Marcos 9:3

Jemimonde jembipe tïiasɨ iroɨ rami. Mbaetɨ metei ave ombaeputuka vae ipuere omotïiasɨ jökorai.

San Lucas 2:34

Jare Simeón jei ñee kavi jese reta. Jayave jei ichɨ María pe: —Mase, kuae nemembɨ oïta jeta Israel pegua reta ogüɨapi vaerä jare opüa vaerä. Jare jeta vae reta güɨröɨrota.

San Lucas 21:36

Jáeramo peyeandu, jare peyerure avei ara ñavo Tumpa iporoaɨu rupi peasayepe vaerä opaete kuae mbaembae outa vae güi, peyemboɨ vaerä che Kuimbaerä oyeapo vae jóvai.”

San Lucas 3:17

Jae güeru ipo pe imbaembovevea, omboveve vaerä trigo; oñovatuta trigo jɨru pe. Ërei oapɨta ɨtɨ tata ogüembaea pe.”

San Lucas 3:9

Jáeramo temitɨ oyeasɨa vaerä ma ko oï japo reve, echa opaete temitɨ ikavimbae vae iya oyasɨa ko oapɨ vaerä.”

San Lucas 7:23

¡Jare oyerovia ko jókuae mbaetɨ yemboavai oväe cheré vae!

San Juan 8:55

Ërei pe reta mbaetɨ peikuaa Tumpa, ërei che aikuaa. Che jae yave mbaetɨ aikuaa, cheaputa tëi ko pe reta rami. Ërei aikuaa ko, jare ayapo jei cheve ayapo vaerä vae.

Hebreos 12:25

Jáeramo peyeandu, agüɨye peäteɨ peyeapɨsaka imiari yandeve vae re, echa mbaetɨ ojoyepe jókuae ñäteɨ oyeapɨsaka kuae ɨvɨ pe omboarakuaa tëi vae reta, vɨtei pa yande ñaneäteɨ yayeapɨsaka yave ara güi yandemboarakuaa vae re.

Apocalipsis 19:8

Jembirekorä vae pe oñemee ma temimonde lino ikavigüe, ikɨambae jare jembipe vae. Echa lino ikavi vae ko jae oporogüɨrovia vae reta jeko jupi vae.”

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.

Apocalipsis 6:17

Echa oväe ma ara Vecha kuimbae taɨrusu vae iyarasɨ yae vaerä, ¿kia pa ipuereta güɨropɨa?

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.

1 SAMUEL 6:20

Jayave Bet-semes pegua reta jei: “¿Kia pa ipuere oï yandeYa Tumpa iyoambae jóvai? ¿Ketɨ pa yamondota Tumpa ikäjou yandegüi?”