MALAQUÍAS 3:18 - Biblia Guarani Tumpa Iñee

¹⁸ Jayave pe reta peikuaa yeta jupi vae jare jupimbae vae, Tumpa pe oyeokuai vae jare mbaetɨ oyeokuai chupe vae.”

MALAQUÍAS 3:18 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

JOB 17:10

Ërei pe reta peyu ye, jare mbaetɨta aväe pepɨte pe metei ave yarakuaa vae.

JOB 6:29

Peipoepɨ peregüe, agüɨye peyoa; peyemongeta pɨau ye ayapogüe re.

ÉXODO 11:7

Ërei opaete Israel iñemuña reta güi, kuimbae reta jare mɨmba, ngaraa metei yaɨmba ave iñaro oyeendu; peikuaa vaerä ambuaeyee ko cheYa, pe Egiptoɨgua reta Israel iñemuña reta güi vae.

JEREMÍAS 12:15

Ërei anoe güire cheporoparareko yeta jese reta, aroyerova reta yeta iɨvɨ ae ae pe jare jëta jëta ae pe.

DANIEL 2:18

oyerure reta vaerä mboroparareko re Tumpa ara pe oï vae pe, jókuae yaikuaambae vae regua, agüɨye vaerä jae jare iñeïru reta opa oyeyukauka Babilonia pegua ïru yarakuaa katu vae reta ndive.

JOEL 2:14

Mbaetɨ yaikuaa oipoepɨta ra iyemongeta agüɨye vaerä oiporarauka peve, jare ombou mborerekua peve, oime vaerä temitɨ jäɨgüe jare mbota vino oyepɨyere vae, yandeYa Tumpa pe mbota oñemee vaerä.

AMÓS 5:15

¡Pemotareɨ ikavimbae! ¡Jare peaɨu ikavi vae! Ñejäa pe toime jupi vae; güɨramoi jayave yandeYa Tumpa Imbaepuere yae ete vae iñɨ̈rota José iñemuñagüe reta pe.

ZACARÍAS 1:6

Ërei, cheñee jare cheporookuai reta amee cherembiokuai cheñeemombeúa reta pe omombeu vaerä vae, ¿mbaetɨ pa oa peñemuñagüe reta re? Jáeramo, jae reta oyerova ye jare jei reta: YandeYa Imbaepuere yae ete vae oyemongeta kërai yanderereko vaerä yandereko jare yanderembiapo oï rupi, jökorai oyapo yande ndive.’ ”

MALAQUÍAS 1:4

Edom iñemuña reta jei yave: “Opa yandemboai vae, ërei ñamopüa pɨau ye ñanerëta opa oyemboai vae.” YandeYa Imbaepuere yae ete vae jei: “Jae reta omopüa pɨau yeta jëta, ërei che opa yeta ko amboai. Jare jókuae ɨvɨ oyembojeeta ‘Ɨvɨ, teko kavimbae renda’, ‘YandeYa iyarasɨ opambae vae oï jese vae.’ ”

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

San Juan 12:26

Oyeokuai cheve vae tojo cherupíe. Cherembiokuai oïta che aïtaa pe. Jare cheRu ombotuichaukata oyeokuai cheve vae.

Hechos 16:17

Kuae kuñatai ou oreraɨkue, jare osapúkai reve jei: —¡Kuae kuimbae reta Tumpa Tuichagüe yae vae jembiokuai reta ko. Jae reta omoërakua peve yemboasa regua!

Hechos 27:23

Echa pɨare oyekuaa cheve metei Tumpa iaraɨgua. Jókuae Tumpa imbae ko che jare chupe ayeokuai.

Romanos 1:9

Che ayeokuai Tumpa pe opaete chekɨ̈reɨ reve. Echa amombeu ïru vae reta pe ñee ikavi vae Tumpa Taɨ regua. Jae oikuaa kërai ayerure avei chupe peré vae.

1 Tesalonicenses 1:9

Echa jae reta etei omombeu ïru vae reta pe kërai ore rojo perëta pe yave kërai oremboresive vae re, jare kërai peeya tumpa-raanga reta jare peyerova Tumpa kotɨ, peyeokuai vaerä Tumpa oikove vae jare añetete vae kotɨ,

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.