MALAQUÍAS 3:12 - Biblia Guarani Tumpa Iñee

¹² “Jare opaete ïru tëtaguasu reta jeita peve: ‘Oyerovia vae reta’, echa peɨvɨ kavi yaeta.” Jei yandeYa Imbaepuere yae ete vae.

MALAQUÍAS 3:12 ပူးပေါင်းရင်းမြစ်များ

2 CRÓNICAS 32:23

Jare jeta güeru reta Jerusalén pe mbota yandeYa pe vae, jare vi mbota jepɨ vae Ezequías mburuvicha guasu Judá pegua pe. Jókuae güire Ezequías jërakua yae opaete ïru tëtaguasu rupi.

SALMOS 72:17

¡Mburuvicha guasu jee toiko avei! ¡Tijërakua avei jee toiko, kuaraɨ oime ramboeve! ¡Jese toyekou opaete tëtaguasu reta! ¡Jese timiari kavi opaete tëtaguasu reta!

ISAÍAS 61:9

Jërakua yaeta iñemuña reta opaete tëtaguasu reta rupi; opaete oecha vae, oikuaata jae ko metei tëta Tumpa iporerekua jese vae.

ISAÍAS 62:4

Ngaraa ye ma ndembojee reta “Oyeeyagüe pe”, ngaraa ye ma jei reta ndeɨvɨ pe “Oyemboai vae”, ërei ndembojee retata Hefzi-bá pe jare ndeɨvɨ oyembojeeta Beula, echa yandeYa iporoaɨu oï nde ndive, jare jae oikota ndeve, ndeɨvɨ ndive omenda rami.

ISAÍAS 62:5

Echa kunumi omenda kuñatai, mbaetɨ kuimbae ndive oasa vae rami, jökorai Tumpa omendata nde ndive. Kuimbae oyerovia katu jembireko ndive rami, jökorai neTumpa oyerovia katuta nde ndive.

JEREMÍAS 33:9

Jare Jerusalén oïta cheve yerovia katurä, mbaemboete jare yemboete pegua opaete tëtaguasu reta ɨvɨ pegua jóvai. Jare jae reta oikuaa che amee opaete mbae ikavi vae Jerusalén pegua reta pe yave, orɨrɨi retata okɨɨye güi.”

DANIEL 11:41

Oiketa vi ɨvɨ ikavi yae vae pe jare oyukata jeta yeyé kuimbae reta; ërei oasayepeta chugüi reta Edom pegua reta, Moab pegua reta jare jeta Amón pegua reta.

DANIEL 8:9

Jókuae jäti reta güi metei vae re oë ye ïru michi vae, kuae okuakuaa arayevɨ kotɨ, kuaraɨ oëa kotɨ jare ɨvɨ ikavi yae vae kotɨ.

ZACARÍAS 8:23

YandeYa Imbaepuere yae ete vae jei körai: Jókuae ara payandepo kuimbae reta ïru tëtaguasu pegua reta oipɨɨ retata metei judío jemimonde, jei reve: ‘¡Torojo perupíe, echa roendu Tumpa oiko pe ndive!’ ”

MALAQUÍAS 3:13

YandeYa jei: “Peñee reta jasɨ katu yae chekotɨ. Jare pere: ‘¿Mbae pa roe ndekotɨ?’

San Lucas 1:48

Yepe tëi che cheparavete, ërei jae cheparareko. Mase, añave güive opaete vae jeita Tumpa iporerekua jese vae.

DEUTERONOMIO 11:12

Jae ko ɨvɨ yandeYa Tumpa etei oyangareko jese vae, año oyemboɨpɨ güive año opa regua.