MALAQUÍAS 3:10 - Biblia Guarani Tumpa Iñee

¹⁰ Peru opaete pediezmo mbotarɨru pe, oime vaerä tembíu chero pe; jare peikuaa añave jokoropi, mbaetɨta ra aipea ara jöke ambou vaerä peve mborerekua oarasa regua. Jei yandeYa Imbaepuere yae ete vae.

MALAQUÍAS 3:10 ပူးပေါင်းရင်းမြစ်များ

GÉNESIS 28:22

Kuae ita añono kuae pe vae topɨta oporomomaendúa avei vaerä, toiko Tumpa jo rami; jare opaete mbaembae remeeta cheve vae güi ambosɨrɨta payandepo güi metei ndeveguarä.”

GÉNESIS 7:11

Noé seisciento año ma güɨnoi yave; mokoía yasɨ re, diecisiete araa pe etei. Jókuae ara osoro ɨguasu jɨru ɨvɨgüɨ güi, jare ara güi oyepɨyere vi ama guasu.

2 REYES 7:19

Jayave jókuae mburuvicha guasu imborɨa jei yepe Tumpa iñeemombeúa pe: —Yepe tëi yandeYa oipea yave ara, ngaraa ko jökorai oasa jókuae rere vae. Eliseo jei chupe: —Mase, nde reechata, ërei ngaraa reu jókuae güi.

2 REYES 7:2

Mburuvicha guasu imborɨa jei Tumpa iñeemombeúa pe: —Yepe tëi yandeYa oipea ara, ngaraa ko oasa jókuae rere vae. Ërei Eliseo jei: —Mase, nde reechata, ërei ngaraa reu jókuae reta güi.

1 CRÓNICAS 26:20

Levita reta güi, Ahías ipo pe opɨta oyangareko vaerä Tumpa jo pe mbaembae jepɨ vae re, jare mbaembae jepɨ vae oñeñono tee Tumpa peguarä vae oñeñovatúa re.

NEHEMÍAS 12:44

Jókuae ara oyeparavo kuimbae reta oyangareko vaerä mbaembae jepɨ vae oñeñovatúa re, mbota reta oñeñovatúa re, mbaagüɨyerɨpɨ oñeñovatúa re, payandepo güi metei oñemee vae oñeñovatúa re, jae reta oñovatu vaerä pɨpe opaete mbaembae oyereru tëta ñavo güi vae, sacerdote jare levita reta peguarä vae; echa Judá pegua reta oyerovia yae sacerdote jare levita reta oyeokuai ñogüɨnoi vae reta ndive.

NEHEMÍAS 12:47

Zorobabel jare Nehemías yogüɨreko ramboeve, opaete vae reta omee tembíu ara ñavo otairari vae reta pe, jare öke iyangarekoa reta pe; jare omee reta vi levita reta pe, chupegua retarä vae, jare levita reta omee yoapɨ ye joko güi jëtara Aarón iñemuña sacerdote reta pe.

NEHEMÍAS 13:5

jare oiporuka yepe chupe cuarto tuicha vae oñeñovatuse pɨpe mbota reta vae, ikäti kavi vae incienso, tembiporu reta, jare payandepo güi metei oñemee trigo vae, vino vae, jare olivo iasaite reta güi vae, echa joko güi ko oñemeese yepi levita reta pe, otairari vae reta pe, öke iyangarekoa reta pe, jare vi mbota sacerdote reta peguarä oñemee vae.

SALMOS 37:3

Eyeko yandeYa re, jare eyapo ikavi vae; reikota ɨvɨ pe, jare jae ndeangarekota jupi rupi.

SALMOS 78:23

Ërei ngatu, jae ombou amapɨtu reta ɨvate güi, oipea ara jöke reta.

ECLESIASTÉS 11:3

Amapɨtu jeta güɨnoi ɨ yave, okɨta ko ɨvɨ re. Ɨvɨra oa yave arayevɨ kotɨ ani ɨvɨtuguasu kotɨ, jókuae oaa pe ko opɨtata.

EZEQUIEL 34:26

Cheɨvɨtɨ iyɨ́vɨri yogüɨreko retata jare cheporerekuata jese reta; ambouta ama okɨ iara pe kavi.

EZEQUIEL 44:30

Opaete mbaagüɨyerɨpɨ jare opaete mbota reta oñemee vae güi, sacerdote reta peguarä toiko. Jaeramiño vi pemeeta sacerdote reta pe opaete trigokúi oyemómbɨu ramo mbɨyaperä vae güi; jökorai oime vaerä cheporerekua pero pe.

OSEAS 2:21

Che peYa jae körai: Jókuae ara rupi, che ayeapɨsakata ara re, jare ara oyeapɨsakata ɨvɨ re;

JOEL 2:19

jare jeita: “Ambouta peve tembíu, vino jare olivo iasaite, jare perïvɨatata jese; jare ngaraa ye ma amaeño ïru tëtaguasu reta oyuvanga peré.

JOEL 2:24

Trigo jɨru reta tɨnɨeta, jare uva iñetɨamía reta tɨnɨeasɨta vino pe jare olivo iasaite pe.

LEVÍTICO 26:10

Jare mbaagüɨye oarasagüe peuta, jare penoeta peñono ikatu pe mbaagüɨye oarasagüe peñovatu vaerä ipɨau vae.

LEVÍTICO 26:3

Peiko yave jare peñovatu pepɨa pe yave, jare peyapo yave cheporookuai reta,

LEVÍTICO 27:30

Opaete ɨvɨ omoñemuña vae, temitɨ jäɨ, ɨvɨra reta ia payandepo güi metei chembae ko, toñeñono tee cheve.

HAGEO 2:19

Mase, kuae ara güive ngaraa ma oata peve temitɨ jäɨgüe pe avatío pe. Yepe tëi ndeiño ipotɨ uva, ɨva, temitɨ granada, ɨvɨra olivo ave; ërei kuae ara güive cheporerekuata peré.’ ”

NÚMEROS 18:21

Mase, che amee Leví iñemuña reta imbaerä opaete payandepo güi metei vae Israel iñemuña reta omee vae, echa jae reta oyeokuai kuae tupao guakapi pegua pe.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

DEUTERONOMIO 12:6

Joko pe perajata pemee mɨmba oyeyuka opaetei oyeapɨ vae, mɨmba oyeyukagüe, pediezmo reta, mbota oñererökuavee vae, ñererökuavee pegua, mbota kɨ̈reɨ ngatu pegua, jare peguaka reta imembɨrɨpɨ, jare pevecha reta imembɨrɨpɨ.

DEUTERONOMIO 14:22

Oatambae reve, año ñavo pembaagüɨye reta güi pembosɨrɨta payandepo güi metei.

DEUTERONOMIO 14:29

jare yogüeru Leví iñemuña reta yave, echa kuae reta pe mbaetɨ oñemee ɨvɨ peve oñemee rami, ani ketɨgua yogüɨreko pepɨte pe vae, ani tɨ̈reɨ jare imemano vae oiko perëta pe vae, tokaru jare tijɨ̈vɨata. Jökorai yandeYa Tumpa iporerekua vaerä peré opaete mbae peyapo vae rupi.

DEUTERONOMIO 28:12

YandeYa oipeata peve mbaeyekou ara pegua, omongɨ vaerä ɨvɨ re iara pe kavi, iporerekua vaerä opaete peparavɨkɨ re. Peiporukata jeta tëtaguasu reta pe, ërei pe mbaetɨta pembaeporu kia güi.