MALAQUÍAS 2:8 - Biblia Guarani Tumpa Iñee

⁸ Ërei pe sacerdote pepia cheremimbota güi; jeta vae pembojopa peporomboe pe; perokomegua morogüɨrökuavee päve Leví iñemuña reta güi. Jei yandeYa Imbaepuere yae ete vae.

MALAQUÍAS 2:8 ပူးပေါင်းရင်းမြစ်များ

2 REYES 16:11

Jare Urías omopüa mɨmba oyeyuka oyeapɨ jese vae, mburuvicha guasu Acaz ombou iä chupe Damasco güi rami kavi, jökorai opa oyapo sacerdote Urías, ndei mburuvicha guasu Acaz ou ye Damasco güi mbove.

NEHEMÍAS 13:29

¡CheRu Tumpa: Agüɨye neakañɨ kuae omongɨa sacerdote pegua mbaravɨkɨ vae, jare morogüɨrökuavee päve oyeapo sacerdote reta jare levita reta peguarä vae!

SALMOS 119:102

Mbaetɨ asɨrɨ ndeporookuai reta güi, echa nde ko chemboe.

SALMOS 18:21

echa che aiko yandeYa jemimbota rupi, ¡mbaetɨ ayembosɨrɨ mbaeyoa rupi cheTumpa güi!

PROVERBIOS 12:8

Kuimbae oyemboeteuka iyarakuaa katu güɨnoi rupi, ërei ipɨapochɨ vae, oñereröɨrouka vaeräño ko.

ISAÍAS 30:11

Peeya jupi vae, peyembosɨrɨ jókuae güi, agüɨye peyapo jókuae, agüɨye peñono oreróvai Iyoambae Israel pegua.”

ISAÍAS 59:13

Nde oreYa oreokuai tëi vae mbaetɨ royapo jare oreapu ndekotɨ, jare rosɨrɨ nde oreYa Tumpa güi, royangao jare royembopɨapochɨ, orepɨa güi oë oreapu vaerä. Roporombotavɨ vaerä.

ISAÍAS 9:16

Echa mburuvicha kuae tëta pegua reta oporombotavɨ vae reta ko, jare opaete vae reta opa ombojopa.

JEREMÍAS 17:13

CheYa Tumpa, nde jae ko Israel iyeroviaka. Opaete ndereeya vae imarata ko. Opaete oyembosɨrɨ ndegüi vae, okañɨta metei kuimbae jee oyekuatía ɨvɨkúi re rami, echa ndereeya, nde ɨesaɨ osɨrɨ vae.

JEREMÍAS 17:5

YandeYa jei körai: “Tijeko jókuae ipɨa opia chegüi vae, kuimbae reta rei güɨrovia katu vae, oeka jare oyeko jese reta vae.

JEREMÍAS 18:15

Ërei tëta chembae iñakañɨ chegüi, oapɨ ikäti kavi vae incienso tumpa-raanga reta pe. Opia jape ñɨma vae güi, jare oguata jókuae tape oikuaambaea rupi.

JEREMÍAS 2:8

Sacerdote reta mbaetɨ oparandu: ‘¿Ketɨ pa oime oï yandeYa?’ Cheporookuai güɨnoi vae reta mbaetɨ chekuaa, tenondegua reta oyembopɨapochɨ chekotɨ, jare ñeemombeúa reta imiari Baal jee re, omboete reta tumpa-raanga reta mbaetɨ etei osirive vae.

EZEQUIEL 22:26

Ndesacerdote reta oporomboe kaviä cheporookuai re, omongɨa reta chero mbaemboetea; mbaetɨ omboyoavɨ reta oporomboe oñeñono tee vae oñeñono teembae güi, mbaetɨ oikuaauka reta ikɨa Tumpa jóvai vae ikɨambae vae güi. Mbaetɨ omboete reta cheara reta mbutuu pegua, jare mbaetɨ chemboete reta.

EZEQUIEL 44:10

Leví iñemuña reta oyembosɨrɨ chegüi vae, Israel iñemuña reta oyembosɨrɨ chegüi yave yogüɨraja omboete tumpa-raanga vae reta, oiporara retata jeko ae re.

EZEQUIEL 44:12

Oyeokuai reta tumpa-raanga reta jare oyavɨuka reta Israel iñemuña reta pe jeko pegua. Jáeramo jae cheree re ae ikotɨ reta, toiporara reta iyoa re ae.

EZEQUIEL 44:7

Pe reta pemongɨa chetupao, ketɨgua reta peru ipɨa oyembocircuncidambae jare isoo oyembocircuncidambae oike vaerä pɨpe vae rupi. Mbɨyape, mbaekɨra jare tugüɨ pemee vae rupi pemongɨa, pemboeteä cheporogüɨrökuavee, opaete ikavimbae yae peyapo vae rupi.

OSEAS 4:6

Chembae vae reta opa okañɨtei, mbaetɨ ramo oipota chekuaa. Nde sacerdote reröɨro yemboarakuaa amee ndeve vae jeko pegua, che rogüɨnoeta sacerdote pegua mbaravɨkɨ güi. Neakañɨ neTumpa iporookuai güi jeko pegua, che cheakañɨta vi neñemuña reta güi.

LEVÍTICO 21:15

agüɨye vaerä omongɨa iñemuña reta, jëtaɨgua reta ipɨte pe; echa che peYa ko añono tee reta.”

SOFONÍAS 3:4

Joko pegua ñeemombeúa reta oporomboe raanga; ërei mbaetɨ jupi reta Tumpa kotɨ. Isacerdote reta omongɨa o mbaemboetea, mbaetɨ omboete reta Tumpa iporookuai.

MALAQUÍAS 1:6

YandeYa jei sacerdote reta pe: “Membɨ reta omboete tu, jare tembiokuai omboete iya. Añave che ko jae peRu yave, ¿maera pa mbaetɨ chemboete? Che ko jae peYa yave ¿Maera pa mbaetɨ peipoɨu chegüi? Jei peve yandeYa Imbaepuere yae ete vae: Pe sacerdote reta peröɨro cheree, jare pere: ‘¿Mbae pe pa rogüɨröɨro nderee?’

MALAQUÍAS 2:5

“Jókuae cheporogüɨrökuavee päve Leví iñemuña reta ndive jae ko tekove jare mbɨakatu. Kuae reta amee chupe oipoɨu vaerä chegüi jare chemboete vaerä; oipoɨu reta chegüi jare chemboete.

NÚMEROS 25:12

Jáeramo emombeu chupe reta, ayapo ko jae reta ndive morogüɨrökuavee päve mbɨakatu pegua;

NÚMEROS 25:13

güɨnoita jae jare iñemuña reta jae jaɨkue rupi, morogüɨrökuavee sacerdote pegua jekuae avei pegua, jägüɨro cheré jeko pegua jare oyapo Israel iñemuña reta re Tumpa iñɨ̈ro vaerä mbaeyoa re.

Romanos 14:21

Ikavi ko agüɨye reu soo, ani vino, ani oipotagüe mbae ïru oporogüɨrovia vae ipuere ombogüɨapi, omboarasɨ ani ombopɨtu vae.

Hebreos 3:12

Jáeramo cherɨvɨ reta, peyeandu agüɨye vaerä pepɨa oñemotäta mbaetɨ peporogüɨrovia ramo, jare pesɨrɨ Tumpa oikove vae güi;

1 SAMUEL 2:17

Jökorai tuicha yae iyoa kuae kunumi reta yandeYa kotɨ, echa omboeteä mbota reta oñemee yandeYa pe vae.

1 SAMUEL 2:24

Agüɨye, cheraɨ reta, echa che aendu mbaetɨ perërakua ikavigüe pe, echa jökorai peyapouka mbaeyoa yandeYa imbae vae reta pe.

1 SAMUEL 2:30

Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.