MALAQUÍAS 2:7 - Biblia Guarani Tumpa Iñee

⁷ Echa sacerdote reta oporomboe kavita ko, jare chugüi reta tëta pegua reta oekata mborookuai, echa jae reta ko Tumpa Imbaepuere yae ete vae iñeemombeúa.

MALAQUÍAS 2:7 ပူးပေါင်းရင်းမြစ်များ

2 REYES 16:11

Jare Urías omopüa mɨmba oyeyuka oyeapɨ jese vae, mburuvicha guasu Acaz ombou iä chupe Damasco güi rami kavi, jökorai opa oyapo sacerdote Urías, ndei mburuvicha guasu Acaz ou ye Damasco güi mbove.

2 REYES 16:16

Jare sacerdote Urías oyapo opaete mbaembae mburuvicha guasu Acaz oyókuai vae.

2 CRÓNICAS 30:22

Jare Ezequías oyapo yasoropai opaete levita reta oechauka kërai oyeokuai yandeYa pe vae reta pe. Javoi okaru reta arete chiu ara vae pe, omee reta reve mɨmba oyeyukagüe yembopɨakatu pegua jare omee reta reve yasoropai yandeYa pe, iñemuñagüe reta iTumpa pe.

2 CRÓNICAS 31:4

Oyókuai vi Jerusalén pe yogüɨreko vae reta omee vaerä sacerdote reta pe jare levita reta imbaerä vae, oyeokuai reta vaerä opaete ara rupi yandeYa iporookuai jei rami.

ESDRAS 7:10

Echa Esdras oñeñono opaete ipɨa ndive oyemboe kavi vaerä yandeYa iporookuai re, jae oyapo vaerä jare omboe vaerä Israel iñemuña reta jókuae mborookuai reta re.

ESDRAS 7:25

Jare nde Esdras, neTumpa omee arakuaa ndeve rupi kavi eñono mburuvicha reta oporojäa vae reta, tëta re oyangareko vae reta, omae vaerä ɨ̈aka Éufrates jovaicho kuaraɨ oikea kotɨ yogüɨreko vae reta re; eñono opaete neTumpa iporookuai oikuaa vae reta re, jare mbaetɨ oikuaa vae nde emboe.

PROVERBIOS 5:2

Reñovatu vaerä yemboarakuaa, ndepuere vaerä nemiari arakuaa katu reve.

ECLESIASTÉS 5:5

echa ikavi yae ko reñererökuavee yave rembopo vae, mbaetɨ rembopo vae güi.

ISAÍAS 42:19

Mbaetɨi kia jesaä jare iyapɨsaä mbatee cherembiokuai cheremimondo rami vae, mbaetɨi kia jesaä jare iyapɨsaä mbatee cherembiparavo cherembiokuai rami vae.

ISAÍAS 44:26

Ërei ayapo oyembopo vaerä cherembiokuai reta omombeu vae, jare ayapo oë kavi vaerä cheremimondo reta oyemongeta oyapo vaerä vae. Che amoërakua Jerusalén oñemopüa pɨau yeta vae, oime yeta ipo kuri vae, jare ɨvɨ Judá pegua tëta reta opa yeta oñemopüa pɨau. Che amopüa yeta, opa oyemboai oï vae.

JEREMÍAS 15:19

Jayave yandeYa jei cheve: “Reyerova ye yave chekotɨ, che romboresive yeta, javoi ndepuere reyeokuai cheve. Mbaetɨ yave nemiari miariiño, ikavi vae reño nemiari yave, nde reïta nemiari vaerä cheveguarä. Jae reta ko yogüeruta ndekotɨ, nde agüɨye ekua ikotɨ reta.

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

JEREMÍAS 2:8

Sacerdote reta mbaetɨ oparandu: ‘¿Ketɨ pa oime oï yandeYa?’ Cheporookuai güɨnoi vae reta mbaetɨ chekuaa, tenondegua reta oyembopɨapochɨ chekotɨ, jare ñeemombeúa reta imiari Baal jee re, omboete reta tumpa-raanga reta mbaetɨ etei osirive vae.

EZEQUIEL 22:26

Ndesacerdote reta oporomboe kaviä cheporookuai re, omongɨa reta chero mbaemboetea; mbaetɨ omboyoavɨ reta oporomboe oñeñono tee vae oñeñono teembae güi, mbaetɨ oikuaauka reta ikɨa Tumpa jóvai vae ikɨambae vae güi. Mbaetɨ omboete reta cheara reta mbutuu pegua, jare mbaetɨ chemboete reta.

EZEQUIEL 7:26

Oyoaɨkue yoaɨkueta ou mbaesusere; mbae ikavimbae jërakua vae jaeramiño vi. Oeka reta tëita ñeemombeúa omombeu kavi vaerä chupe reta, sacerdote reta mbaetɨta oporomboe ani tenondegua vae reta mbaetɨta vi oporomboarakuaa.

DANIEL 11:33

Tëta guasu pegua yarakuaa vae reta omboeta jeta vae; ërei jaɨkue rupi omano retata kɨsepuku pe, oapɨ retata, opɨ̈rota chugüi reta opaete mbae güɨnoigüe jare opata güɨraja reta tembipɨɨrä ïru ɨvɨ pe. Kuae oikota mbovɨ año rupi.

OSEAS 4:6

Chembae vae reta opa okañɨtei, mbaetɨ ramo oipota chekuaa. Nde sacerdote reröɨro yemboarakuaa amee ndeve vae jeko pegua, che rogüɨnoeta sacerdote pegua mbaravɨkɨ güi. Neakañɨ neTumpa iporookuai güi jeko pegua, che cheakañɨta vi neñemuña reta güi.

LEVÍTICO 10:11

jare pemboe vaerä Israel iñemuña reta opaete mborookuai che peYa jae Moisés rupi vae.”

SOFONÍAS 3:4

Joko pegua ñeemombeúa reta oporomboe raanga; ërei mbaetɨ jupi reta Tumpa kotɨ. Isacerdote reta omongɨa o mbaemboetea, mbaetɨ omboete reta Tumpa iporookuai.

HAGEO 1:13

Jayave Hageo, yandeYa jemimondo imiari yandeYa iporookuai rupi, opaete vae pe, jei reve: “YandeYa jei: ‘Che aï pe ndive.’ ”

ZACARÍAS 7:3

Jare Sacerdote reta yandeYa Imbaepuere yae ete vae jo pe ñogüɨnoi vae reta pe jare ñeemombeúa reta pe oparandu körai: “¿Jekuaeñota pa orepɨatɨtɨ pandepoa yasɨ pe, jare royekuaku tembíu güi año ñavo, royapo roiko rami?”

MALAQUÍAS 3:1

YandeYa Imbaepuere yae ete vae jei: “Mase, ko amondo cheñeemombeúa, jae oyapo kavita cheraperä; jare yandeYa outa güɨramoiño tupao guasu pe jókuae pe reta peeka vae, araɨgua morogüɨrökuavee päve pegua, jókuae pe reta peipota vae.”

NÚMEROS 27:21

Jare tojo sacerdote Eleazar jóvai, jae toparandu cheve Urim rupi. Josué tomee mborookuai, jae iporookuai rupi opaete mbae toyeapo.

San Juan 13:20

Añetete che jae peve, che amondo vae omboresive vae, che ko chemboresive. Jare che chemboresive kavi vae, omboresive ko chembou vae.

San Juan 20:21

Jayave Jesús jei ye chupe reta: —Mbɨakatu toï pe ndive. CheRu chembou rami, che pomondo vi.

Hechos 16:17

Kuae kuñatai ou oreraɨkue, jare osapúkai reve jei: —¡Kuae kuimbae reta Tumpa Tuichagüe yae vae jembiokuai reta ko. Jae reta omoërakua peve yemboasa regua!

2 Corintios 5:20

Jáeramo Cristo yandemondo jae jee re jekovia pe, Tumpa etei imiari oï yande rupi rami. Jáeramo pomoñera Cristo jee re, peñeñono kavi ye Tumpa ndive.

Gálatas 4:14

Jare mbaetɨ chereröɨro jare chemotareɨ chembaerasɨ tëi reve, ërei chemboresive kavi, metei Tumpa iaraɨgua rami, Cristo Jesús etei rami.

DEUTERONOMIO 21:5

Jaɨkue rupi toyogüeru sacerdote Leví iñemuña reta, echa yandeYa Tumpa ko oiparavo jae reta jei vaerä ñee kavi yandeYa jee re, jare iñee reta rupi oyemboapɨ vaerä ñeapo ani yoaka reta.

DEUTERONOMIO 24:8

Oime yave pire mbaerasɨ ókui vae, peyapo opaete sacerdote Leví iñemuña reta jeigüe. Toyeapo che amee mborookuai chupe reta rami.

1 Tesalonicenses 4:8

Jáeramo, kia güɨröɨro yave oreporomboe, güɨröɨro ko Tumpa, jókuae omee yandeve Espíritu Santo vae.

1 SAMUEL 2:17

Jökorai tuicha yae iyoa kuae kunumi reta yandeYa kotɨ, echa omboeteä mbota reta oñemee yandeYa pe vae.