MALAQUÍAS 2:6 - Biblia Guarani Tumpa Iñee

⁶ Mborookuai añete vae re oporomboe kavi reta, jare mbaetɨ oñeväe jese reta ikavimbae, mbɨakatu rupi jare jupi rupi yogüɨreko che ndive, jare jeta vae ombosɨrɨuka ikavimbae güi.

MALAQUÍAS 2:6 ပူးပေါင်းရင်းမြစ်များ

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

GÉNESIS 6:9

Echa körai arakae Noé: Noé ko jae metei kuimbae jupi vae, ikavi jembiapo opaete vae reta güi jókuae ara rupi; oiko Tumpa jemimbota rupi kavi.

SALMOS 119:142

Ndembaejupi jupi avei ko, jare ndeporookuai reta añetete avei ko.

SALMOS 119:151

CheYa Tumpa, köi ko reï, jare opaete ndeporookuai reta añetete vae ko.

SALMOS 37:30

Jupi vae, iñee omoë yarakuaa katu reve, imiari jupi rupi.

SALMOS 37:37

Emae jupi oiko vae re, echa oime yerovia katu jókuae kuimbae mbɨakatu rupi oiko vae pe.

PROVERBIOS 5:2

Reñovatu vaerä yemboarakuaa, ndepuere vaerä nemiari arakuaa katu reve.

JEREMÍAS 23:22

Oikuaa reta yave mona cheyemongeta reta oyekuaambae vae, oikuaaukata tëi ko cheñee chembae vae reta pe; omombiata tëi ko jeko ikavimbae güi, jare jembiapo reta ikavimbae güi.”

DANIEL 12:3

Yarakuaa katu vae reta omboesapeta, ara jembipe rami; jeta vae omboe jupi re vae reta, omboesapeta yasɨtata rami jekuae avei pegua.

OSEAS 4:6

Chembae vae reta opa okañɨtei, mbaetɨ ramo oipota chekuaa. Nde sacerdote reröɨro yemboarakuaa amee ndeve vae jeko pegua, che rogüɨnoeta sacerdote pegua mbaravɨkɨ güi. Neakañɨ neTumpa iporookuai güi jeko pegua, che cheakañɨta vi neñemuña reta güi.

San Mateo 22:16

Jayave jae reta omondo jemimboe reta herodiano reta ndive Jesús oïa pe. Jae reta jei Jesús pe: —Oporomboe vae, roikuaa nde rere vae añete ko. Jare nde reporomboe kavi Tumpa jemimbota re. Nde mbaetɨ reipoɨu kia güi ave, echa nde mbaetɨ remae kuimbae jova reño.

San Marcos 12:14

Jare yogüeru oväe yave, jei Jesús pe: —Oporomboe vae, roikuaa nde rere vae añete ko. Nde mbaetɨ reipoɨu kia güi ave, echa nde mbaetɨ remae kuimbae jova reño. Nde reporomboe kavi Tumpa jemimbota re. ¿César okovara vae jupi pa yamboepɨ vaerä?, ani ¿mbaetɨ pa? ¿Yamboepɨta pa chupe?, ani ¿mbaetɨta pa?

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

San Lucas 20:21

Jayave jae reta jei Jesús pe: —Oporomboe vae, roikuaa nde rere jare reporomboe vae añete ko. Nde mbaetɨ remboyoavɨ metei ave ïru vae güi. Nde reporomboe jupi rupi kavi Tumpa jemimbota re.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

DEUTERONOMIO 33:10

Ndeporookuai reta re omboeta Jacob, jae ko Israel iñemuña reta; oñono retata ikäti kavi vae incienso nderóvai, jare mɨmba oyeyuka oyeapɨ jese vae ndembae re mɨmba oyeyuka opaetei oyeapɨ vae.

DEUTERONOMIO 33:8

Leví iñemuña reta pe jei: “CheYa ndeTumim jare ndeUrim emee nderembiokuai jupi vae pe, Masah pe rejäa vae, reyomboarasɨ jae ndive ɨ Meriba pegua pe vae,

DEUTERONOMIO 33:9

tu jare ichɨ kotɨ jei vae: ‘Mbaetɨi ko aecha reta’, jare mbaetɨ oipota oikuaa jëtara reta, jare taɨ reta ave mbaetɨ oipota oikuaa. Jae reta oyapo neñee jei vae, ombopo reta neporogüɨrökuavee päve.

Apocalipsis 14:5

Jare jese reta mbaetɨ oñeväe apu, echa ikɨambae reta ko Tumpa iguapɨa jóvai.

1 SAMUEL 2:12

Elí taɨ reta ko iyoa, jare mbaetɨ oipoɨu reta yandeYa güi.