MALAQUÍAS 2:5 - Biblia Guarani Tumpa Iñee

⁵ “Jókuae cheporogüɨrökuavee päve Leví iñemuña reta ndive jae ko tekove jare mbɨakatu. Kuae reta amee chupe oipoɨu vaerä chegüi jare chemboete vaerä; oipoɨu reta chegüi jare chemboete.

MALAQUÍAS 2:5 ပူးပေါင်းရင်းမြစ်များ

SALMOS 61:5

Echa nde, cheRu Tumpa, reendu cheñererökuavee, remee chembaerä ɨvɨ nderee omboete vae reta imbae.

PROVERBIOS 14:2

Jupi rupi oiko vae, oipoɨu yandeYa güi; ërei jeko kavimbae, güɨröɨro.

EZEQUIEL 34:25

Ayapota morogüɨrökuavee päve yembopɨakatu pegua jae reta ndive; amokañɨta mbaeporou reta jókuae ɨvɨ güi, chevecha reta yogüɨreko pɨagüive vaerä ñuu pe jare oke pɨagüive vaerä kaa reta rupi.

EZEQUIEL 37:26

Jare morogüɨrökuavee päve yembopɨakatu pegua ayapota jae reta ndive, morogüɨrökuavee päve jekuae avei pegua. Añono kavita, ambojeta retata jare añonota chero mbaemboetea pegua ipɨte reta pe jekuae avei pegua.

NÚMEROS 25:7

Jare Finees Eleazar taɨ, sacerdote Aarón jɨmɨmino oecha yave, opüa jëtara reta ipɨte güi, jare oipɨɨ metei mii;

NÚMEROS 25:8

jare ojo jókuae Israel iñemuña reta pegua jaɨkue o guakapi pegua pe, jare oɨe rasa päve, kuimbae Israel iñemuña pegua jare kuña Madián pegua. Javoi osondo mbaerasɨ pɨ̈chɨi yae vae oparapiti oï Israel iñemuña reta ipɨte rupi vae,

NÚMEROS 3:45

“Eiparavo cheve Leví iñemuña reta opaete Israel iñemuña taɨrɨpɨ reta jekovia pe, jaeramiño vi Leví iñemuña reta jɨmba reta Israel iñemuña reta jɨmba imembɨrɨpɨ kuimbae reta jekovia pe. Echa Leví iñemuña reta chembae ko. Che ko peYa.

NÚMEROS 8:15

Kuae jaɨkue rupi Leví iñemuña reta toyogüeru toparavɨkɨ tupao guakapi pegua pe. Eitɨo reta jare emee reta cheve mbotarä,