MALAQUÍAS 2:2 - Biblia Guarani Tumpa Iñee

² Mbaetɨ yave peendu jare mbaetɨ yave pepɨakatu reve chemboete, ayepopeyuta peré jare mbaembae penoi vae re, echa mbaetɨ chemboete pepɨakatu reve.” Jei yandeYa Imbaepuere yae ete vae.

MALAQUÍAS 2:2 ပူးပေါင်းရင်းမြစ်များ

SALMOS 69:22

Iarete pegua tembíu kavi reta toï chupe reta ñuai rami, ikavi vaerä tëi vae, yemboavairä.

PROVERBIOS 3:33

YandeYa iyepopeyu oï jupimbae jo re, ërei iporerekua oï, jupi vae reta jo re.

ISAÍAS 42:25

Jáeramo ko oitɨ iyarasɨ jese reta ñeraro yavaetegüe rupi, opa oapɨ rami opɨta reta, ërei jeseve mbaetɨ oipota reta oendu.

ISAÍAS 47:7

Ndeyemongeta pe reiko aveita mburuvicha guasurä, mbaetɨ reyemongeta kuae re, mbaetɨ vi reyemongeta jaɨkue rupi këraita ko reiko vae re.

ISAÍAS 57:11

¿Kia pa jókuae tumpa-raanga reta reipoɨu chugüi jare remboete vae, jupimbae reiko vaerä cheve? Mbaetɨ kërai ave nemaendúa cheré; nde mbaetɨ chemboete yave, kïriiño apɨta iyɨpɨ güive jare mbaetɨi reipoɨu chegüi.

JEREMÍAS 34:17

Jáeramo, che peYa Israel iTumpa jae: Pe reta mbaetɨ peyapo cheporookuai, echa mbaetɨ peyora perëtara perembiokuairä pereko vae; jáeramo añave, che ambouta peve ñeraro, mbaerasɨ ovakatu vae jare karuai; jare poñonota ñemomarai pe opaete mborookuaía reta ñogüɨnoi ɨvɨ pe vae jóvai. Che peYa ko jae kuae.

EZEQUIEL 3:7

Ërei Israel iñemuña reta ñäteɨta oyeapɨsaka nderé, echa ñäteɨ oyeapɨsaka reta cheré; echa iñeereenduä jare ipɨatäta yae vae reta ko.

HAGEO 1:6

Pemaetɨ jeta, ërei mbovɨ yae pemboɨru; pekaru, ërei mbaetɨ perɨ̈vɨata; peɨu, ërei mbaetɨ peɨuve omboasa; peyemonde, ërei mbaetɨ pemboaku katu; jare ara ñavo oparavɨkɨ omongana vaerä vae omboresive korepoti yave, oñono ivosiko osoro vae pe rami.

HAGEO 1:9

Peeka tëi jeta, ërei mbovɨ yae peväe; pemboɨru pero pe vae, che opata amboai pegüi cheɨvɨtu pe. ¿Peikuaa pa maera? Jei yandeYa Imbaepuere yae ete vae. Chero oyemboai oï jeko pegua; echa metei ñavo peyemoambeko pero ae re.

MALAQUÍAS 2:1

“Sacerdote reta, añave kuae jae mborookuai peveguarä:

MALAQUÍAS 3:9

Yepopeyu rupi ko peiko, echa pe reta jare opaete tëtaguasu, peñomi ko chegüi.

San Lucas 17:18

¡Jaeño kuae metei judiombae vae ou ye omboete vaerä Tumpa!

JOSUÉ 7:19

Jayave Josué jei Acán pe: —Cheraɨ, emee mbaemboete yandeYa pe, Israel iTumpa pe, emboete, ere añave cheve mbae ko reyapo vae; agüɨye eikuaku chegüi.

1 Pedro 4:11

Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!

Apocalipsis 14:7

iñeeäta reve jei: “Peipoɨu Tumpa güi jare pemboete, echa iporojäa iora ou ma oväe. Pemboete ara, ɨvɨ, ɨguasu jare ɨesaɨ reta iyapoa.”

Apocalipsis 16:9

Jare ɨvɨ pegua reta ókai kuaraɨ jakugüe pe. Ërei mbaetɨ oyerova reta Tumpa kotɨ omboete vaerä. Jókuae güɨnoi mbaepuere opaete kuae susere reta re vae kotɨ.