MALAQUÍAS 2:14 - Biblia Guarani Tumpa Iñee

¹⁴ Ërei pere: “¿Maera pa?” ¡Echa yandeYa pereecha ko kërai peiko petaɨrusu yave pemenda jae ndive vae ndive; echa mbaetɨ pereko kavi ikotɨ, jae ko peïru, jae ko perembireko pemenda kavi jae ndive vae!

MALAQUÍAS 2:14 ပူးပေါင်းရင်းမြစ်များ

GÉNESIS 2:18

Jayave yandeYa Tumpa jei: “Mbaetɨ ikavi kuimbae oiko vaerä jaeño; tayapo chupe imborɨarä.”

GÉNESIS 31:50

Mbaetɨ yave rereko kavi cherayɨ reta ani ambuae vae rereko chugüi reta yave, yepe tëi mbaetɨ kia oï yande ndive, Tumpa etei tomae toï yanderé.

PROVERBIOS 2:17

Taɨrusu güive omenda jae ndive vae güi ojo vae, iñakañɨ morogüɨrökuavee päve oyapo Tumpa jovake vae güi vae.

PROVERBIOS 30:20

Kuña menda re oyuvanga vae körai ko oiko: Okaru jare oyoe iyuru, jare jei: “Mbaetɨ ko ayapo mbae ikavimbae.”

PROVERBIOS 5:20

Cheraɨ, ¿maera pa reikota kuña iyaguasa pota vae ndive nderesambae rami? ¿Maera pa reiküavata kuña iyaguasa pota vae?

ECLESIASTÉS 9:9

Evɨakatu avei jókuae kuña reaɨu vae ndive, opaete ara michi peguaño mbaeä etei reikove ramboeve kuae ɨvɨ pe; jae ko kuae opaete ndeparavɨkɨ reyemoambeko jese kuae ɨvɨ pe vae jekovia.

CANTARES 1:15

Roaɨu vae, ¡ndekavi yae! ¡Oasa ete yé nepöra! ¡Nderesa reta, pɨkasu jesa rami ko!

ISAÍAS 54:6

Echa yandeYa nereenɨi kuña oyemombogüe jare mbɨatɨtɨ rupi oiko vae oñeenɨi rami; tembireko taɨrusu vae oyemombogüe rami, neTumpa nereenɨi jare jei ndeve:

ISAÍAS 58:3

ërei ngatu jei reta: ‘¿Maera pa yayekuakuta tembíu güi? Tumpa mbaetɨ ko yandereecha. ¿Maera pa ñañemomichita? Tumpa mbaetɨ ko oikuaa.’ Yekuaku tembíu güi iara pe, peyapo pepɨa jemimbotaño, jare perekoasɨ katu oyeokuai peve vae reta.

JEREMÍAS 29:23

Echa ɨvɨ Israel pe oyapo reta ikavimbae: Yogüɨreko aguasa rupi japicha reta jembireko ndive jare jei reta cheree re añetembae, che mbaetɨ ayókuai tëi jei vaerä reve. Che peYa jae kuae.’ ”

JEREMÍAS 42:5

Jayave jae reta jei Jeremías pe: —YandeYa Tumpa jupi vae jare añete vae, jae toï oreve oecha vaerä, mbaetɨ yave royapo opaete jae ndeokuai remombeu oreve vae.

JEREMÍAS 8:12

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.’ ”

JEREMÍAS 9:2

¡Kia mona omee cheve ñuu pe teyupa aputuu vaerä, aja vaerä mombɨrɨ aï cherëtaɨgua reta güi! Echa opaete jae reta jupimbae ko, ipɨapochɨ vae reta ko.

EZEQUIEL 16:8

Aasa ye ndeɨpɨ rupi yave, roecha rekuakuaa ma jare reñemokuña ma; jare cheñeapevaka pe roñova nenandi reï vae; añererökuavee ndeve jare ayapo morogüɨrökuavee päve nde ndive, jökorai reiko chembaerä. Che ndeYa Tumpa jae.

MIQUEAS 1:2

Peyeapɨsaka opaete vae; peyeapɨsaka peï opaete kuae ɨvɨ pe peiko vae: YandeYa jëta ikɨambaea güi, tomae toï peré.

MALAQUÍAS 2:15

Tumpa ko oyapo mókoi vae güi meteiño, güɨnoi jete jare jekove. ¿Maera pa oyapo metei ramiño? Echa oipota tëi ko peñemuña vaerä Tumpa peguaräño. ¡Jáeramo, peñeñovatu agüɨye pembotavɨ perembireko, petaɨrusu güive pemenda jae ndive vae!

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

MALAQUÍAS 3:8

¿Kuimbae ipuere pa mbae oñomi Tumpa güi? ¡Echa pe reta pemaeñomi ko chegüi! Ërei pere: “¿Mbae pa roñomi ndegüi?” ¡Peñomi ko mbota reta jare pediezmo reta!

JUECES 11:10

Jare Galaad pegua tenondegua vae reta jei chupe: —YandeYa oikuaa oï yanderegua, toroyapo opaete kuae rere vae.

1 SAMUEL 12:5

Jare jae jei chupe reta: —YandeYa jare mburuvicha guasurä peiparavo vae jovake mbaetɨ peväe teko cheré. Jare jae reta jei chupe: —¡Jökorai ko!