MALAQUÍAS 2:10 - Biblia Guarani Tumpa Iñee

¹⁰ ¿Meteiñoä pa ko yandeRu? ¿Meteiñoä pa ko Tumpa yandeapoa? ¿Maera pa jayave mbaetɨ yaiko kavi oyoupii, jare yamboeteä Tumpa oyapo morogüɨrökuavee päve ñaneñemuñagüe reta ndive vae?

MALAQUÍAS 2:10 ပူးပေါင်းရင်းမြစ်များ

NEHEMÍAS 13:29

¡CheRu Tumpa: Agüɨye neakañɨ kuae omongɨa sacerdote pegua mbaravɨkɨ vae, jare morogüɨrökuavee päve oyeapo sacerdote reta jare levita reta peguarä vae!

JOB 31:15

Chesɨ jɨe pe cheapo vae, ¿jae viä pa oyapo jae reta? ¿Metei vaeñoä yera oreapo vae?

SALMOS 100:3

Peikuaa, kërai yandeYa ko jae Tumpa; jae ko yandeapo, yande aeñoä ko yayeapo; ¡jae imbae ko yande, ivecha reta ikapii jokɨ katúa pegua!

ÉXODO 19:4

“Pe reta peecha kërai ayapo Egiptoɨgua reta vae, jare peikuaa kërai pogüeru chekotɨ güɨraké ipepo re rami.

ÉXODO 19:5

Añave, peyeapɨsaka yave cheñee re jare peñovatu yave cheporogüɨrökuavee päve, peikota chembaerä mbae jepɨ yae vae rami opaete ïru tëta reta güi, echa chembae ko opaete ɨvɨ.

ÉXODO 24:3

Jare Moisés ou omombeu Israel iñemuña reta pe, opaete yandeYa iñee reta jare opaete mborookuai reta; jare opaete reve metei rami jei reta Moisés pe: —¡Toroyapo opaete yandeYa jei vae!

ÉXODO 24:7

Jare oipɨɨ tembikuatía morogüɨrökuavee päve regua oï pɨpe vae, jare omongeta opaete vae reta pe, jare jae reta jei: —Toroendu jare toroyapo opaete mbae yandeYa jei vae.

ISAÍAS 43:1

Añave, Israel, Jacob iñemuña reta, yandeYa, ndeapoa jei ndeve körai: “Agüɨye ekɨɨye, che ko roepɨ; che ko reenɨi, chembae ko nde.

ISAÍAS 43:15

Che ko peYa Iyoambae, Israel iyapoa, peRuvicha guasu.”

ISAÍAS 43:7

opaete jókuae cheree güɨnoi vae reta, jókuae ayapo jupi reta ayemboeteuka vaerä vae.’

ISAÍAS 44:2

NdeYa, ndeApoa ko che, che ko roapo, ndei rea mbove voi, che ko romborɨta. Agüɨye ekɨɨye, Jesurún, Jacob iñemuña reta, cherembiokuai, cherembiparavo,

ISAÍAS 51:2

Pemae peñemuñagüe Abraham re, jare Sara re, chugüi peñemuña vae. Abraham aenɨi yave, jaeño etei oiko yepi, ërei cheporerekua jese, jare jeta oñemuña.

ISAÍAS 63:16

¡Ërei nde ko jae oreru! Yepe tëi Abraham mbaetɨ oreñono iñemuña rami, ani yepe tëi Israel mbaetɨ imaendúa oreré, nde oreYa, jae ko oreru; nderee jae ko, OreReepɨ avei vae.

ISAÍAS 64:7

Mbaetɨ metei ave oyerure ndekotɨ vae, mbaetɨ metei ave imaendúa oyeko vaerä nderé; jáeramo orereeya, orereeya orepiru vaerä ñana rami, orembaeyoa reta pe.

ISAÍAS 64:8

Ërei oreYa, nde ko jae oreRu; ore ko ñaeu, nde ko jae oreapoa; ¡nderembiapo ko opaete ore reta!

JEREMÍAS 31:9

Yogüeru retata oyaeo reve oyerovia güi jare oyerure reve; araja retata ɨ katúa rupi, tape ipe kavía rupi, mbaetɨta oyepɨaka vae rupi. Echa Israel tu ko che, Efraín jae ko cheraɨ tenondegua ete.

EZEQUIEL 33:24

“Nde kuimbae, jókuae Israel iñemuña reta jëta guasu reta opa oyemboaia rupi yogüɨreko vae reta, jei: ‘Abraham meteiño ko, ërei oiko ɨvɨ iyarä; ërei yande reta ko jeta ñaï, yandepuere vi ko yaiko ɨvɨ iyarä, echa yandembae ko.’

MALAQUÍAS 1:6

YandeYa jei sacerdote reta pe: “Membɨ reta omboete tu, jare tembiokuai omboete iya. Añave che ko jae peRu yave, ¿maera pa mbaetɨ chemboete? Che ko jae peYa yave ¿Maera pa mbaetɨ peipoɨu chegüi? Jei peve yandeYa Imbaepuere yae ete vae: Pe sacerdote reta peröɨro cheree, jare pere: ‘¿Mbae pe pa rogüɨröɨro nderee?’

MALAQUÍAS 2:11

Judá iñemuña reta oyapo ikavimbae vae, Israel pe jare Jerusalén pe oyeapo pɨ̈chɨi yae vae. Echa Judá iñemuña reta omongɨa tupao guasu yandeYa oaɨu yae vae; jare omenda reta tumpa-raanga imboetea reta tayɨ ndive.

MALAQUÍAS 2:8

Ërei pe sacerdote pepia cheremimbota güi; jeta vae pembojopa peporomboe pe; perokomegua morogüɨrökuavee päve Leví iñemuña reta güi. Jei yandeYa Imbaepuere yae ete vae.

San Mateo 10:21

Jare metei kuimbae omeeta tɨvɨ oyeyukauka vaerä. Jaeramiño vi metei kuimbae omeeta taɨ oyeyukauka vaerä. Jare taɨ reta oyovaichota tu jare ichɨ ndive, jare oyukaukata.

San Mateo 22:16

Jayave jae reta omondo jemimboe reta herodiano reta ndive Jesús oïa pe. Jae reta jei Jesús pe: —Oporomboe vae, roikuaa nde rere vae añete ko. Jare nde reporomboe kavi Tumpa jemimbota re. Nde mbaetɨ reipoɨu kia güi ave, echa nde mbaetɨ remae kuimbae jova reño.

San Mateo 3:9

Jare agüɨye pere peyeupe: ‘Ñaneñemuñagüe jae ko Abraham.’ Echa che jae peve kuae: Tumpa ipuere ko oyapo kuae ita reta güi Abraham iñemuña retarä.

San Lucas 1:73

ñaneñemuñagüe Abraham ndive oyapo morogüɨrökuavee päve vae,

San Lucas 3:8

Peyapo ikavi vae, jökorai pemboyekuaa añetete peeya ko peyemongeta ikavimbae vae pepɨa pe penoi vae. Agüɨye pere peyeupe: ‘Ñaneñemuñagüe ko jae Abraham.’ Echa che jae peve kuae: Tumpa ipuere ko oyapo kuae ita reta güi Abraham iñemuña retarä.

San Juan 8:39

Jei reta chupe: —Abraham ko jae oreru. Jesús jei chupe reta: —Pe reta Abraham iñemuña ete yave mona, peyapota tëi ko Abraham oyapo rami.

San Juan 8:41

Pe reta peyapo ko peru jembiapo reta. Jayave jae reta jei: —¡Aguasa rupi oyeapo vaeä ko ore reta. Tumpaño ko jae oreRu!

San Juan 8:53

¿Tuicha yae ra ndembaepuere oreñemuñagüe Abraham imbaepuere güi? Jae omano jare ñeemombeúa reta omano vi. ¿Kia etei pa nde?

San Juan 8:56

Peñemuñagüe Abraham oyerovia chereechata vae re. Chereecha jare oyerovia.

Hechos 17:24

Jae ko Tumpa oyapo ɨvɨ jare opaete mbaembae oï pɨpe vae. Jae ko ara jare ɨvɨ iYa, ërei mbaetɨ oiko tupao reta yande yayapogüe reta pe.

Hechos 17:25

Jae mbaetɨ etei oeka ɨvɨ pegua reta omee vaerä mbae chupe. Echa jae ko omee yandeve tekove jare ñanepɨ̈túe, jare opaete mbaembae.

Hechos 17:26

Jae oyapo metei kuimbae güi opaete vae reta yogüɨreko vaerä ɨvɨ iárambo. Tumpa etei ko omee ɨvɨ pegua reta pe kërai yave jare kia pe yogüɨreko vaerä.

Hechos 7:2

Jayave Esteban jei joko pe ñogüɨnoi vae reta pe: —Tëtara reta, tëta guasu itenondegua reta, peyeapɨsaka cheré: Tumpa imboetea yae vae oyekuaa ñaneñemuñagüe Abraham pe, Mesopotamia pe oiko yave, ndei oiko Harán pe mbove.

Hechos 7:26

Pɨareve pe oecha mókoi jëtara oñeraro ñogüɨnoi, jare oipota tëi oñono kavi reta. Jáeramo jei chupe reta: “Kuimbae reta, pe reta metei tëtara vae ko. ¿Maera pa ikavimbae vae peyapo oyoupe?”

Romanos 4:1

¿Mbae pa yaeta? ¿Ñaneñemuñagüe Abraham mbae pa oväe opaete oyapo vae rupi?

Romanos 9:10

Ërei jokuaeñoä ko. Echa Rebeca imembɨ vae, imembɨ ko metei kuimbae güiño, jae ko ñaneñemuñagüe Isaac.

1 Corintios 8:6

Ërei ngatu yandevegua meteiño ko Tumpa. Jae ko yandeRu. Jae oyapo opaete mbaembae, jare yande yaiko chupeguarä. Jare meteiño yandeYa Jesucristo. Jae oyapo opaete mbaembae, jare omee yandeve tekove.

Efesios 4:25

Jáeramo, peeya mo apu, metei ñavo pemiari perapicha pe añete vae. Echa opaete yande metei jeteño ko.

Efesios 4:6

metei Tumpa opaete vae Tu, jae ipo pe oï opaete mbaembae, oï opaete rupi jare opaete vae re.

1 Tesalonicenses 4:6

Agüɨye peyapo kuae nunga ikavimbae vae. Echa kuae nunga ikavimbae vae peyapo yave, peyapo ko ikavimbae vae perɨvɨ reta pe. Echa yandeYa oiporaraukata ko peve kuae re, romombeu ma peve rami,

Hebreos 12:9

Añete ko, yanderu reta ɨvɨ pegua yandembosɨmbi ko, jare yamboete. Jayave ikavi ko ñañeñono vaerä yandeRu ara pegua ipo pe yaikove vaerä.

JOSUÉ 24:3

Che ko aru peñemuñagüe Abraham, jókuae ɨ̈aka Éufrates jembeɨ güi jare amboguatauka opaete ɨvɨ Canaán rupi. Jare amee jeta oñemuña vaerä, tenonde amee chupe taɨ Isaac,