MALAQUÍAS 1:9 - Biblia Guarani Tumpa Iñee

⁹ Añave peyerure Tumpa ipɨakavi re yandeparareko vaerä. Ërei, ¿kërai pa pepuere pembopɨakatu, kuae nunga mbota reta peru reve? Jei yandeYa Imbaepuere yae ete vae.

MALAQUÍAS 1:9 ပူးပေါင်းရင်းမြစ်များ

2 CRÓNICAS 30:27

Javoi sacerdote reta jare levita reta oyemboɨ jare oyerure opaete vae reta re; jare yandeYa oendu chupe reta, iyerure ojo oväe ara pe, Tumpa oikoa pe.

ÉXODO 32:11

Jayave Moisés oyerure yandeYa Tumpa pe, jei: —CheYa, ¿maera pa ndearasɨta ndembae vae reta kotɨ, nde renoe ɨvɨ Egipto güi ndembaepuere yae rupi vae?

JEREMÍAS 26:19

¿Mburuvicha guasu Ezequías jare opaete Judá pegua reta oyuka yera Miqueas? Okɨɨye reta yandeYa güi, jare oyerure chupe. Jare yandeYa ¿oipoepɨä yera iyemongeta, oyapota tëi ikavimbae ikotɨ reta vae güi? Jayave yande, ¿yayapota pa ikavimbae yae vae yandekotɨ ae?”

JEREMÍAS 27:18

Añetete ko jae reta ñeemombeúa yave, jare añetete ko chemiari jae reta ndive yave, toyerure cheve reta che peYa imbaepuere yae ete vae pe, agüɨye vaerä oñemaeño oyereraja tembiporu reta Babilonia kotɨ, oimeño oï tupao pe vae, mburuvicha Judá pegua jëta pe vae jare Jerusalén pe oï vae.’

LAMENTACIONES 2:19

Epüa, esapúkai pɨ̈tu-ɨpɨ güive; nemiari opaete ndepɨa reve yandeYa pe; eupi ndepo ikotɨ jare eyerure chupe nemembɨ reta re, jovaruru ma tëta guasu ikaye rupi vae reta re.

JOEL 2:12

YandeYa jei: “Jáeramo añave peyerova ye chekotɨ opaete pepɨa ndive, ¡peyekuaku tembíu güi, peräse jare peyaeo!”

JOEL 2:17

Tupao joka pe toyaeo sacerdote yandeYa jembiokuai reta, jare tei reta: “Neïro oreYa, kuae tëta ndembae pe, agüɨye emee ñemomarai pe ndembae vae reta; agüɨye ïru tëtaguasu reta toyuvanga jese. ¿Remaeñota pa ïru tëtaguasu reta jei vaerä: ‘Jama pa neTumpa’?”

AMÓS 5:22

Mbaetɨ aipota mɨmba oyeyukagüe opaetei oyeapɨ vae pemee tëi cheve vae, jare mbota reta temitɨ jäɨgüe; ngaraa aipɨɨ pegüi perɨmba pemongɨragüe ave mbota yembopɨakatu peguarä pemee tëi yave.

San Juan 9:31

Yaikuaa kavi ko, Tumpa mbaetɨ oyeapɨsaka iyoa vae reta re. Ërei kia oipoɨu jare oyapo yave Tumpa jemimbota, jae oyeapɨsaka jese.

Romanos 2:11

Echa Tumpa mbaetɨ ko oporomboyoavɨ.

1 Pedro 1:17

Jare Tumpa pe “cheRu” pere yave, peguata kavi opaete ara peikove peiko kuae ɨvɨ pe ramboeve; jae oporojäata opaete vae oyapo vae rupi.