MALAQUÍAS 1:6 - Biblia Guarani Tumpa Iñee

⁶ YandeYa jei sacerdote reta pe: “Membɨ reta omboete tu, jare tembiokuai omboete iya. Añave che ko jae peRu yave, ¿maera pa mbaetɨ chemboete? Che ko jae peYa yave ¿Maera pa mbaetɨ peipoɨu chegüi? Jei peve yandeYa Imbaepuere yae ete vae: Pe sacerdote reta peröɨro cheree, jare pere: ‘¿Mbae pe pa rogüɨröɨro nderee?’

MALAQUÍAS 1:6 ပူးပေါင်းရင်းမြစ်များ

SALMOS 123:2

Mase, ko romae ndekotɨ oreYa Tumpa, tembiokuai omae iya rei rami, ani tembiokuai kuña omae iya kuña rei rami, jökorai roäro, nde oreparareko vaerä.

ÉXODO 20:12

Pemboete peru jare pesɨ, peikopuku vaerä che peYa Tumpa amee peve ɨvɨ vae pe.

PROVERBIOS 17:6

Ndechi reta iyemboetea, jae ko jɨmɨmino reta; michia reta iyemboetea, jae ko tu reta.

PROVERBIOS 30:11

Oime amogüe oyepopeyu tu re vae, jare mbaetɨ iñee kavi ichɨ pe vae.

PROVERBIOS 30:17

Tu güɨnoti vae ichɨ iporomboe güɨröɨro vae, jupi ko omanoasɨ katu vaerä, jare chucha reta opa vaerä jou.

ISAÍAS 1:2

Peyeapɨsaka, ara jare ɨvɨ, echa yandeYa jei: “Ambokuakuaa cheraɨ reta, ambotuicha reta, ërei jae reta oyembopɨapochɨ chekotɨ.

ISAÍAS 43:23

Mbaetɨ peru cheve mɨmba oyeyukagüe opaetei oyeapɨ vaerä vae, mbaetɨ chemboete mɨmba oyeyukagüe pe ave. Che mbaetɨ ko pombogüérai aeka peve mbota vae rupi, mbaetɨ vi pomoambeko pemee vaerä cheve ikäti kavi vae incienso.

ISAÍAS 45:10

Paravete, kia jei yave tu pe: “¿Maera pa cheapo?” Ani jei yave ichɨ pe: “¿Maera pa remaeño aa?”

ISAÍAS 64:7

Mbaetɨ metei ave oyerure ndekotɨ vae, mbaetɨ metei ave imaendúa oyeko vaerä nderé; jáeramo orereeya, orereeya orepiru vaerä ñana rami, orembaeyoa reta pe.

ISAÍAS 64:8

Ërei oreYa, nde ko jae oreRu; ore ko ñaeu, nde ko jae oreapoa; ¡nderembiapo ko opaete ore reta!

JEREMÍAS 23:11

YandeYa jei: “Ñeemombeúa reta jare sacerdote reta ave iyoa; chetupao pe ave aväe ikavimbae oyapo reta vae.

JEREMÍAS 3:4

¿Rereä pa añave cheve: ‘CheRu, chetaɨrusu güɨroata vae,

JEREMÍAS 31:9

Yogüeru retata oyaeo reve oyerovia güi jare oyerure reve; araja retata ɨ katúa rupi, tape ipe kavía rupi, mbaetɨta oyepɨaka vae rupi. Echa Israel tu ko che, Efraín jae ko cheraɨ tenondegua ete.

JEREMÍAS 35:16

Jonadab, Recab taɨ iñemuña reta oyapo iñemuñagüe jeigüe vae; ërei ngatu pe tëta Israel mbaetɨ peipota peyapo che jae vae.

EZEQUIEL 22:26

Ndesacerdote reta oporomboe kaviä cheporookuai re, omongɨa reta chero mbaemboetea; mbaetɨ omboyoavɨ reta oporomboe oñeñono tee vae oñeñono teembae güi, mbaetɨ oikuaauka reta ikɨa Tumpa jóvai vae ikɨambae vae güi. Mbaetɨ omboete reta cheara reta mbutuu pegua, jare mbaetɨ chemboete reta.

OSEAS 12:8

Efraín jei: ‘¡Añete, ayemboikokatu yae, aväe mbaeyekou cheyeupeguarä; ngaraa kia ipuere chemboeko jupimbae rupi kuae mbaravɨkɨ ayapo vae re!’

OSEAS 4:6

Chembae vae reta opa okañɨtei, mbaetɨ ramo oipota chekuaa. Nde sacerdote reröɨro yemboarakuaa amee ndeve vae jeko pegua, che rogüɨnoeta sacerdote pegua mbaravɨkɨ güi. Neakañɨ neTumpa iporookuai güi jeko pegua, che cheakañɨta vi neñemuña reta güi.

OSEAS 5:1

Sacerdote reta, peendu kuae; peyeapɨsaka Israel pegua reta; peyeapɨsaka mburuvicha jo pegua reta. Echa peveguarä kuae morojäa, echa pe reta peiko ñuai rami ɨvɨtɨ Mizpa pe, metei pɨsa rami ɨvɨtɨ Tabor pe,

LEVÍTICO 19:3

Metei ñavo tomboete tu jare ichɨ, Tomboete vi cheara mbutuu pegua. Che ko peYa Tumpa.

SOFONÍAS 3:4

Joko pegua ñeemombeúa reta oporomboe raanga; ërei mbaetɨ jupi reta Tumpa kotɨ. Isacerdote reta omongɨa o mbaemboetea, mbaetɨ omboete reta Tumpa iporookuai.

MALAQUÍAS 2:1

“Sacerdote reta, añave kuae jae mborookuai peveguarä:

MALAQUÍAS 2:10

¿Meteiñoä pa ko yandeRu? ¿Meteiñoä pa ko Tumpa yandeapoa? ¿Maera pa jayave mbaetɨ yaiko kavi oyoupii, jare yamboeteä Tumpa oyapo morogüɨrökuavee päve ñaneñemuñagüe reta ndive vae?

MALAQUÍAS 2:8

Ërei pe sacerdote pepia cheremimbota güi; jeta vae pembojopa peporomboe pe; perokomegua morogüɨrökuavee päve Leví iñemuña reta güi. Jei yandeYa Imbaepuere yae ete vae.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Mateo 15:4

Echa Tumpa jei körai: Pemboete peru jare pesɨ. Jare jei vi: kia nunga vae jei ikavimbae tu jare ichɨ kotɨ vae, tomano.

San Mateo 15:6

Jökorai mbaetɨ omboete tu jare ichɨ. Jökorai pe reta pemboeteä Tumpa iporookuai peñemuñagüe reta jeko peyapo vae rupi.

San Mateo 19:19

Emboete nderu jare ndesɨ. Jare eaɨu nderapicha, nde reyeaɨu rami.

San Mateo 6:9

Jáeramo peyerure Tumpa pe körai: ‘OreRu ara pe reï vae, toyemboeteuka nderee.

San Mateo 7:21

Ngaraa opaete: ‘CheYa, cheYa’ jei cheve vae oike araɨgua mborookuaía pe. Jaeño oiketa cheRu ara pe oï vae jemimbota oyapo vae.

San Marcos 10:19

Nde reikuaa ko mborookuai reta: Agüɨye eyuvanga menda re. Agüɨye eporoyuka. Agüɨye ndemonda. Agüɨye ere añetembae nderapicha kotɨ. Agüɨye eporombotavɨ. Emboete nderu jare ndesɨ.

San Marcos 7:10

Moisés jei körai: “Pemboete peru jare pesɨ.” Jare jei vi körai: “Tu jare ichɨ kotɨ jei ñee kavimbae vae, tomano.”

San Lucas 10:29

Ërei jókuae mborookuai re oporomboe vae oipota oyereroviauka jupi vae rami ramo, oparandu Jesús pe: —¿Kia pa ko jae cherapicha?

San Lucas 18:20

Nde reikuaa ko mborookuai reta: “Agüɨye eyuvanga menda re; agüɨye eporoyuka; agüɨye ndemonda; agüɨye ere añetembae nderapicha kotɨ; emboete nderu jare ndesɨ.”

San Lucas 6:36

Peporoparareko, peRu Tumpa iporoparareko rami.

San Lucas 6:46

¿Maera pa pere cheve: ‘OreYa, oreYa.’ Peyapombae reve che jae peve peyapo vaerä vae?

Efesios 6:2

Emboete nderu jare ndesɨ, echa kuae ko jae mborookuai tenondegua morogüɨrökuavee ndive vae,

DEUTERONOMIO 1:31

Kuimbae oipoko taɨ güɨroata rami, peecha yandeYa Tumpa pereroata ñuu rupi opaete peguataa rupi, peyu regua peväe kuae pe.’

DEUTERONOMIO 32:6

¿Jökorai pa pemboekovia yandeYa pe? Tëta imbokere jare mbaetɨ arakuaa güɨnoi vae. ¿Jaeä pa peRu peapoa? ¡Jae ko peapo jare omee peiko vaerä!

DEUTERONOMIO 5:16

Pemboete peru jare pesɨ, peYa Tumpa peokuai rami, peiko puku vaerä jare peiko kavi vaerä ɨvɨ iárambo peYa Tumpa omee pevea pe.

1 Pedro 1:17

Jare Tumpa pe “cheRu” pere yave, peguata kavi opaete ara peikove peiko kuae ɨvɨ pe ramboeve; jae oporojäata opaete vae oyapo vae rupi.