MALAQUÍAS 1:11 - Biblia Guarani Tumpa Iñee

¹¹ Opaete tëtaguasu ñavo rupi chemboete, jare oipota rupi kuae ɨvɨ pe oapɨ reta ikäti kavi vae incienso cheree re jare omee reta mbota ikavi vae cheve, echa cheree jërakua opaete tëtaguasu reta rupi.

MALAQUÍAS 1:11 ပူးပေါင်းရင်းမြစ်များ

1 CRÓNICAS 16:25

echa yandeYa tuicha yae ko, jupi ko oyemboete vaerä, jare kɨɨyea yae ko opaete tumpa-raanga reta güi.

SALMOS 111:9

Oepɨ imbae vae reta, oñono iporogüɨrökuavee päve jekuae avei pegua. Jee ikɨambae jare ikɨɨyea ko.

SALMOS 113:3

¡Toyemboete yandeYa jee, opaete kerupi!

SALMOS 138:5

Otairari retata ndemboete cheYa, echa ndeyemboetea tuicha yae ko.

SALMOS 141:2

Cheyeyure tojo nderóvai ikäti kavi vae incienso rami, jare chepo aupi vae, kaaru yave mbota oñemee ndeve vae rami.

SALMOS 45:17

Che amomaenduaukata nderee re, opaete ñemuña reta jekuae avei rupi, jare opaete vae reta ndemboete aveita.

SALMOS 48:10

CheRu Tumpa, nderee Tuichagüe oï rami, jökorai ndemboete vae opaete ɨvɨ rupi. Ndembaepuere ndive reyapo jupigüe.

SALMOS 48:11

¡Toyerovia yae ɨvɨtɨ Sión! ¡Toyerovia tëta guasu reta Judá pegua reta, jupigüe reyapo vae re!

SALMOS 50:1

YandeYa, Tumpa imbaepuere tumpa-raanga reta güi vae, imiari; oenɨi opaetei ɨvɨ pegua reta.

SALMOS 65:9

Nde reyangareko ɨvɨ re, remongɨ jese jare jeta mbaagüɨye; ndeɨ jeta ombokuakuaa temitɨ, nderemimbota rupi.

SALMOS 67:2

opaete tëtaguasu reta ɨvɨ pegua oikuaa vaerä nderemimbota jare ndeporogüɨroasayepe.

SALMOS 86:9

Opaete tëtaguasu reta nde ko reyapo, yogüeruta omee mbaemboete ndeve cheYa, jare omboete yae retata nderee.

SALMOS 96:8

Pemee mbaemboete yandeYa pe, echa jupi ko oñemee vaerä chupe; peru mbota reta, peike joka pe.

ISAÍAS 12:4

Jókuae ara rupi petairarita körai: “Pemee yasoropai jare peyerure yandeYa pe, pemoërakua tëtaguasu reta pe, jae mbaembae oyapogüe, pemomaendúa jae ko tuicha yae vae.

ISAÍAS 12:5

Petairari yandeYa pe, echa oyapo mbae tuichagüe, ikavi ko opaete vae ɨvɨ pegua reta oikuaa vaerä kuae.

ISAÍAS 19:21

YandeYa oyekuaaukata Egiptoɨgua reta pe, jae reta oikuaata jare omboeteta, omeeta chupe mɨmba oyeyukagüe jare mbota. Oñererökuavee retata yandeYa pe jare ombopo retata iñee chupe.

ISAÍAS 30:27

Mase, yandeYa ou matɨ güi; iyarasɨ jendɨ tata yavaete yae vae rami, jembe re oyekuaa iyarasɨ vae, jare ikü tata yavaete yae vae rami,

ISAÍAS 45:6

Opaete ketɨ rupi: Kuaraɨ oëa kotɨ, kuaraɨ oikea kotɨ oikuaa reta vaerä mbaetɨ yé ko ïru chegüi vae. Cheño ko jae opaete vae iYa, mbaetɨ yé ko ïru chegüi.

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

ISAÍAS 59:19

Opaete ɨvɨ, kuaraɨ oëa kotɨ güive kuaraɨ oikea kotɨ, omboeteta yandeYa oecha yave iyemboetea. Echa yogüeruta tovaicho reta, ɨ ɨ̈aka rupi tuichagüe ou rami. Ërei yandeYa oñemopüata chupe reta.

ISAÍAS 66:18

“Echa che aikuaa nderembiapo reta, jare ndeyemongeta reta. Oväeta ara, amboatɨ vaerä opaete tëtaguasu jare ñee ambuae mbuae pe imiari vae reta, yogüeruta jare oecha retata cheyemboetea.

JEREMÍAS 10:6

CheYa, mbaetɨ kia nde rami vae; nde ko tuichagüe, nderee tuichagüe jare imbaepuere yae vae.

JEREMÍAS 10:7

Nde ko tëtaguasu reta Juvicha guasu, ¿kia pa oipoɨu potaä ndegüi? Jupi ko ndegüi oipoɨu vaerä opaete vae. Echa opaete yarakuaa katu vae reta güi jare mburuvicha guasu reta ɨvɨ pegua güi, mbaetɨ kia nde rami.

JEREMÍAS 4:2

ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

DANIEL 2:45

jókuae ɨvɨtɨ güi reecha oa metei ita vae rami, mbaetɨ kia ipo pe oyoka reve, jókuae omonguruvi jiero, jiero iyu vae, ñaeu, korepoti jare oro. Tumpa tuicha yae vae oechauka ndeve mburuvicha guasu, maratuta oasa kuri vae; kuae mbaɨu añetete ko, jare mbae oipota jei vae jupigüe ko.

AMÓS 9:12

Edom güi jembɨregüe jare ïru tëtaguasu reta ou ye vaerä opɨta tëta Israel, cheree omboete vae imbaerä.” YandeYa, opaete mbaembae oyapo vae, jei körai.

MIQUEAS 5:4

Jae oïta jare oyangarekota yandeYa imbaepuere rupi, yandeYa Tumpa jee tuicha yae vae rupi; jare yogüɨreko kavita, echa yandeYa oyembotuichaukata opaetei ɨvɨ iyapɨ rupi.

SOFONÍAS 2:11

YandeYa ngaraa ipïri jese reta. Opata omboai tumpa-raanga reta jókuae ɨvɨ pegua, jare opaete vae tëtaguasu omboeteta, ɨguasu ipäu pegua reta ave.

SOFONÍAS 3:9

Jókuae ara, che ameeta opaete vae pe iñee kavi vaerä, jökorai opaete vae chereenɨi vaerä jare oyeokuai vaerä cheve ipɨa-kɨ̈reɨ ngatu reve.

ZACARÍAS 8:7

Mase, ko che ayorata tëta chembae, ïru tëta guasu kuaraɨ oëa kotɨgua imbaepuere güi; jare tëta guasu kuaraɨ oikea kotɨgua imbaepuere güi,

MALAQUÍAS 1:14

¡Yepopeyu toa oporombotavɨ vae re, oime tëi güɨnoi mɨmba kavi jɨmba pɨte pe reve, güɨrökuavee jare güeru oikomeguagüe omee oyeyuka vaerä vae! Che ko jae Mburuvicha Guasu, cheree kɨɨyea ko opaete tëtaguasu ñavo rupi. Jei yandeYa Imbaepuere yae ete vae.

MALAQUÍAS 3:3

Jare oguapɨta ombokavi jare oitɨo korepoti, jökoraita oitɨo Leví iñemuña reta; ombokavita oro jare korepoti rami; jare güeru retata mbota yandeYa pe jupi rupi.

San Mateo 28:19

Jáeramo pekua pemboe opaete tëtaguasu pegua reta cheremimboerä, jare pembobautisa cheRu jee re, cheree re jare Espíritu Santo jee re.

San Mateo 8:11

Che jae peve, jeta vae yogüeruta kuaraɨ oëa kotɨ güi jare kuaraɨ oikea kotɨ güi jare oguapɨ retata Abraham, Isaac jare Jacob ndive araɨgua mborookuaía pe.

San Lucas 1:10

Jare jeta Israel pegua reta yatɨ oyerure ñogüɨnoi tupao joka pe, Zacarías oapɨ oï ramboeve ikäti kavi vae incienso.

Romanos 12:1

Jáeramo, cherɨvɨ reta, pomoñera Tumpa iporopareko rupi, pemee chupe perete, mɨmba oyeyukagüe Tumpa pe oñemee rami, peñeñono tee chupe, jae omboyerovia vae. Echa jupi ko körai añetete rupi pemboete vaerä Tumpa.

Romanos 15:16

ayeokuai vaerä Jesucristo pe judiombae vae reta ipɨte pe, amoërakua Tumpa ñee ikavi vae. Judiombae vae reta vi oñemee vaerä mbota Tumpa pe oñemee vae rami, oñono tee Espíritu Santo rupi vae.

Filipenses 4:18

Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.

2 Tesalonicenses 1:12

Jökorai yave yandeYa Jesucristo jee oyemboeteukata peré, jare pe reta jese, yandeRu Tumpa jare yandeYa Jesucristo ipɨakavi rupi.

1 Timoteo 2:8

Jáeramo aipota kuimbae reta oyerure vaerä Tumpa pe opaete kerupi rupi omopüa reve ipo, iyarasɨmbae reve jare ñerarombae reve.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 15:4

¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”

Apocalipsis 5:8

Jare tembikuatía güɨnoi ma yave, jókuae irundɨ oikove vae reta jare jókuae veinticuatro tenondegua okuakuaa vae reta oyetavatɨka Vecha kuimbae taɨrusu vae jóvai. Metei ñavo güɨnoi arpa jare kopa oro pegua tɨnɨe ikäti kavi incienso, jae ko oporogüɨrovia vae reta iyerure;