San Lucas 9:55 - Biblia Guarani Tumpa Iñee

⁵⁵ Ërei Jesús oyerova ikotɨ jare omboeta chupe reta, jei reve: —Pe reta mbaetɨ peikuaa kia nunga pegua ma ko peiko vae.

Nuevo Testamento Guaraní Pe

⁵⁵ Erei Jesús oyerova icotɨ jare oñeengata chupe reta. Jei chupe reta: —Agüɨye peñemongueta jocorai.

San Lucas 9:55 ပူးပေါင်းရင်းမြစ်များ

2 SAMUEL 19:22

Ërei David jei: —¿Maera pa jökorai peyemongeta cheve Sarvia imembɨraɨe reta? Echa aikuaa aï ye ma ko mburuvicha guasurä kuae ara, jayave mbaetɨta kia omano Israel pe kuae ara.

JOB 2:10

Jayave jae jei chupe: —Oipotagüe kuña iyarakuaambae reta rami neñee. ¿Kërai pa? ¿Ikavi vaeño pa ñanoita Tumpa güi jare mbaesusere mbaetɨta pa? Opaete kuaekuae rupi, Job mbaetɨ iyoa iñee rupi ave.

JOB 26:4

¿Kia pa ndemborɨ rere vaerä jókuae ñee? ¿Kia pa ndemboe nemiari vaerä jökorai?

JOB 42:6

Jáeramo añemotareɨ, jare cheyemongeta aipoepɨ aguapɨ reve ɨvɨkúi jare tanimbu pe, chepɨatɨtɨ güi.

PROVERBIOS 9:8

Agüɨye emboeta oporoyóyai yóyai vae pe, agüɨye vaerä nemotareɨ; emboarakuaa iyarakuaa katu vae, jare jae nderaɨuta.

JEREMÍAS 17:9

Oporombotavɨ katu yae vae ko yandepɨa opaete ïru mbaembae reta güi, jare jeko kavimbae yae ko, ¿kia ra ipuere oikuaa?

San Mateo 16:23

Ërei Jesús oyerova jei Pedro pe: —Esɨrɨ chegüi, Satanás. Echa reipota chemboavai. Reyemongeta ɨvɨ pegua reta oyemongeta rami, mbaetɨ Tumpa oyemongeta rami.

San Mateo 26:33

Jayave Pedro jei chupe: —Yepe tëi opaete ïru reta ndereeya, ërei che ngaraa roeya.

San Mateo 26:41

Agüɨye peke. Peyerure Tumpa pe, agüɨye vaerä peyoa. Pepɨa pe peräta ngatu, ërei perete iyakɨ.

San Mateo 26:51

Ërei metei Jesús ndive oï vae güɨnoe ikɨsepuku jare oiporu sacerdote tenondegua jembiokuai re, jare oyasɨa inambi chugüi.

San Lucas 9:54

Jesús jemimboe reta Jacobo jare Juan kuae oecha yave jókuae, jei reta Jesús pe: —OreYa, ¿reipota pa roe ou vaerä tata ara güi Elías oyapo rami, opa vaerä omokañɨtei kuae tëta raɨ pegua reta?

San Lucas 9:56

Echa che Kuimbaerä ayeapo vae ayu aporomboasa vaerä. Mbaetɨ ayu aporomokañɨtei vaerä. Jayave yogüɨraja ïru tëta raɨ kotɨ.

San Juan 16:9

Mbaeyoa regua, echa mbaetɨ güɨrovia reta cheré.

Santiago 3:10

Metei vae yandeyuru güiño oë mbaemboete jare yepopeyu. Cherɨvɨ reta, mbaetɨ jaekavi yayapo vaerä jökorai.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

Apocalipsis 3:19

Che amboete jare aiporarauka aaɨu vae pe; jáeramo, eñemoäta ngatu jare eeya ndeyemongeta ikavimbae vae ndepɨa pe oï vae.