San Lucas 8:33 - Biblia Guarani Tumpa Iñee

³³ Jare aña reta oë kuimbae güi, jare yogüɨraja oya kuchi reta re. Jayave jókuae kuchi reta täta osɨi oa ɨ̈vɨa ɨvate vae güi ɨupa guasu pe, jare opa ipɨ̈tupa reta.

Nuevo Testamento Guaraní Pe

³³ Jayave aña reta yogüɨraja cuimbae güi jare oya cuchi reta re. Jayave cuchi reta osɨi tanta oa ɨ guasu pe ɨvɨa güi, jare joco pe ipɨtupa reta.

San Lucas 8:33 ပူးပေါင်းရင်းမြစ်များ

San Mateo 8:32

Jayave Jesús jei chupe reta: —Pekua. Jare ñogüɨnoi kuimbae reta güi yave, yogüɨraja oya kuchi reta re. Jayave opaete jókuae kuchi reta täta osɨi oa ɨ̈vɨa ɨvate vae güi ɨguasu pe, jare joko pe opa ipɨ̈tupa reta.

San Lucas 5:1

Jare metei ara Jesús oï ramboeve ɨupa guasu Genesaret jee vae jembeɨ pe, jeta vae yatɨ jese oyeapɨsaka vaerä Tumpa iñee re.

San Lucas 8:32

Jare joko pe jeta kuchi reta okaru ñogüɨnoi ɨvɨtɨ re. Aña reta omoñera Jesús omaeño vaerä oya vaerä kuchi reta re. Jayave Jesús omaeño jese reta.

San Lucas 8:34

Jayave kuchi iyangarekoa reta kuae oecha yave, opa otekuarai yogüɨraja omombeu tëta guasu pe jare ikatu rupigua reta pe.

San Juan 8:44

Aña guasu ko jae peru; jare pe reta peipota peyapo peru oipota vae rupi. Jae oporoyuka iyɨpɨ güive vae ko, mbaetɨi oiko añete vae rupi, echa añetete vae peguaä ko. Iyapu yave, jeko aeño ko omboyekuaa, echa jae ko iyapu yae vae, apu iyɨpɨ ko.

1 Pedro 5:8

Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä.

Apocalipsis 9:11

Jare jókuae tuku reta juvicha guasu metei araɨgua jókuae ɨvɨkua guasu pe oiko vae ko. Hebreo iñee pe jee Abadón. Griego iñee pe Apolión.