San Lucas 7:46 - Biblia Guarani Tumpa Iñee

⁴⁶ Nde mbaetɨ reñono asaite cheäka re. Ërei kuae kuña oipichɨ mbae ikäti kavi vae chepɨ re

Nuevo Testamento Guaraní Pe

⁴⁶ Nde mbaeti reñono aceite cheaca re. Erei cuae cuña oipichɨ mbae ipiche cavi vae chepɨ re —jei—.

San Lucas 7:46 ပူးပေါင်းရင်းမြစ်များ

2 SAMUEL 12:20

Jayave David opüa ɨvɨ güi, oyau jare oñemokäti asaite pe, oipoepɨ jemimonde, oike yandeYa jo pe jare omboete. Jaɨkue rupi ou jo pe jare oiporu mbae jou vaerä, jare omee reta chupe tembíu jare okaru.

2 SAMUEL 14:2

jayave omondo güeruruka Tecoa güi metei kuña ipoki yae oporombotavɨ vaerä vae, jare jei chupe: “Eyeapo kia omano ndeve rami, eyemonde temimonde mbɨatɨtɨ pegua pe, agüɨye eipichɨ ndeyé mbae ikäti kavi vae, eyeapo ɨma ma kia omano chugüi vae re ipɨatɨtɨ oiko rami.

SALMOS 104:15

jókuae tembíu reta, omee vaerä mɨ̈rata chupe, vino, omboyerovia vaerä ipɨa, jare asaite pe jova jembipe kavi vaerä oyekuaa reta.

SALMOS 23:5

Reñono kavi mesa cheróvai, chembopɨatɨtɨuka vae reta jovake; cheäka re reñono asaite ikäti kavi vae; chekopa tɨnɨeasɨ yae oï.

ECLESIASTÉS 9:8

Opaete ara rupi eyemonde avei temimonde tïi vae pe, jare eñono avei neäka re mbae ikäti kavi vae.

DANIEL 10:3

Mbaetɨ jau tembíu jëe ngatu vae, mbaetɨ jau soo ani vino ave yepe, mbae ikäti kavi vae ave mbaetɨ añono cheyé mboapɨ semana rupi.

AMÓS 6:6

peu vino tasa guasu pe, jare peipichɨ peyé mbae ikäti kavi vae, ¡jare mbaetɨ pepɨatɨtɨ José iñemuña reta isusere re!

MIQUEAS 6:15

Pemaetɨta, ërei ngaraa pembaarɨvo; peyapasota temitɨ olivo jee vae iagüe, ërei ngaraa peyembopiche pɨpe; peitɨamita uva pɨau, ërei ngaraa peu vino.

San Mateo 6:17

Ërei nde reyekuaku tembíu güi yave, eyuvae jare eyeavɨkɨ,

San Lucas 7:47

Jáeramo che jae ndeve, cheɨ̈ro chupe jeta iyoa vae re, echa jae ipororaɨu yae. Ërei oime yave kia michiño iñɨ̈ro chupe vae, jae michiño vi oporoaɨu.

RUT 3:3

Jayave eyau, eñemokäti kavi, jare emonde nderemimonde ikavi vae, jare ekua jokotɨ mbaembopiriría renda pe; ërei agüɨye eyeechauka chupe, jae opa regua okaru jare oɨu.