San Lucas 7:25 - Biblia Guarani Tumpa Iñee

²⁵ ¿Kia re pa ko peo pemae? ¿Kuimbae oyemonde kavi vae re pa? Mase, temimonde ipöra vae omonde vae reta ipɨa jemimbota oyapo vae reta, yogüɨreko mburuvicha guasu reta jo pe.

Nuevo Testamento Guaraní Pe

²⁵ ¿Quia re pa co peo pemae? Jae mbaeti omonde temimonde ipora vae. Mase, temimonde ipora vae omonde vae reta yogüɨreco mburuvicha guasu reta jo pe jare icavi yae yogüɨreco —jei—.

San Lucas 7:25 ပူးပေါင်းရင်းမြစ်များ

2 SAMUEL 19:35

anoi ma ochenta año; akaru yave, mbaetɨ ma aikuaa jëe ngatu vae ani mbaetɨ vae; jare mbaetɨ ma vi chepuere aendu otairari vae reta itairari. ¿Maera pa ajaiñota romboavai vaerä cheruvicha guasu?

1 REYES 10:5

jaeramiño vi tembíu imesa pe oï vae, jare iyɨvɨrigua mburuvicha reta jo, oyeokuai chupe vae reta jemimonde jare kërai yogüɨreko vae, jare oporoëɨ vae itenondegua reta, jare yandeYa jo pe omee mɨmba oyeyukagüe opaetei oyeapɨ vae reta yave, ipɨakañɨ opɨta.

2 REYES 1:8

Jare jae reta jei chupe: —Metei kuimbae jemimonde camello jaagüe pegua, jare ikuakuaa guasupi pegua vae. Jayave mburuvicha guasu jei: —¡Elías Tisbe pegua ko!

ESTER 1:11

güeru reta vaerä jóvai Vasti, mburuvicha guasu jembireko, iñäka regua jembipe vae ndive, oechauka vaerä imaepöra opaete vae pe jare mburuvicha reta pe; echa ipöra yae ko.

ESTER 1:3

Mboapɨa año ma oiko mburuvicharä yave oyapo arete okaru reta vaerä opaete mburuvicha reta, iyɨvɨrigua reta, sundaro ruvicha imbaepuere yae vae reta Persia pegua jare Media pegua, mburuvicha reta jare ɨvɨ oyemboyao vae reta juvicha reta,

ESTER 4:2

Jare jökorai ou oväe mburuvicha guasu jöke jóvai; echa mbaetɨ jókuae nunga temimonde ndive kia ipuere oike mburuvicha guasu oïa pe.

ESTER 5:1

Jare mboapɨa ara pe Ester oyemonde kavi, jare oike mburuvicha guasu jo joka japɨpe pe, oyemboɨ mburuvicha guasu öke re katu oguapɨ oïa jóvai.

ESTER 8:15

Mardoqueo oë mburuvicha guasu oïa güi temimonde mburuvicha pegua jovɨ jare tïi vae ndive, jare äka-regua oro pegua tuicha vae ndive, jare oñeapeva lino pegua pɨ̈ta vae pe. Jayave tëta guasu Susa pegua reta oyerovia yae jare oyekou.

ISAÍAS 59:17

Oyemonde jupi vae pe, jete regua temimonde ñeraro pegua pe rami, jare oyemonde mborogüɨroasayepe pe, äka-ɨru ñeraro pegua pe rami, yepɨse pe oyemonde, temimonde pe rami, jare oñeova arasɨ pe, ñeapevaka pe rami.

San Mateo 11:8

¿Kia re pa ko peo pemae? ¿Kuimbae oyemonde kavi vae re pa? Mase, temimonde ipöra vae omonde vae reta, yogüɨreko mburuvicha guasu reta jo pe.

San Mateo 3:4

Juan jemimonde mɨmba camello jaagüe pegua ko, jare ikuakuaa guasupi pegua ko. Jare jembíu ko jae tuku jare ei ñana rupigua.

San Mateo 6:29

Ërei che jae peve, mbaepotɨ reta oasa ye ipöra Salomón jemimonde ipöra yae vae güi.

San Lucas 16:19

Oiko metei kuimbae oikokatu vae, oyemonde kavi avei temimonde ikavigüe pe jare ara ñavo oyapouka tembíu kavi.

San Lucas 7:24

Jare yogüɨraja ye Juan iñee jerúa reta yave, Jesús omboɨpɨ imiari joko pe ñogüɨnoi vae reta Juan re. Jei chupe reta: “¿Kia re pa ko peo pemae ñuu pe? ¿Täkuarasɨ ɨvɨtu oipeyu yave omɨi vae re pa?

San Lucas 7:26

Ërei ¿Kia re pa ko peo pemae? ¿Peo ra pemae metei ñeemombeúa re? Añete, jae ko, ërei oasa ete ye ñeemombeúa reta güi.