San Lucas 7:14 - Biblia Guarani Tumpa Iñee

¹⁴ Jayave Jesús ojo opoko tëogüe-rɨru re. Jare ovoɨ güeru vae reta güɨroyemboɨ. Jesús jei: —Taɨrusu vae, che jae ndeve: Epüa.

Nuevo Testamento Guaraní Pe

¹⁴ Jayave Jesús ojo oyavɨquɨ omano vae oñeno jese vae. Jare ovoɨ güeru vae reta opɨta. Jayave Jesús jei: —Taɨrusu, che jae ndeve: Epúa.

San Lucas 7:14 ပူးပေါင်းရင်းမြစ်များ

1 REYES 17:21

Jare oyapakua mboapɨ ye michia re, jare oyerure osapúkai reve yandeYa pe, jei: “CheYa Tumpa, ¡romoñera rembou ye vaerä kuae michia jekove chupe!”

1 REYES 17:22

YandeYa oendu Elías iyerure, jare michia jekove ou ye chupe, jare oikove ye.

JOB 14:12

Jökorai kuimbae omano, jare mbaetɨ opüa ye, oime ramboeve oiko ara, ngaraa oikove ye, ngaraa opüa ye oke oï vae güi.

JOB 14:14

Kuimbae omano yave, ¿oikove yeta ra? Opaete ara aikove aiko ramboeve, aärota, aiporara poi vaerä.

SALMOS 33:9

Echa jae jei vae, opaete oyeapo; omee mborookuai vae, jökorai oiko.

ISAÍAS 26:19

Ërei omanogüe reta oikove yeta, opüa yeta tëogüe reta. Ɨvɨ ndive opa ma oyea reta vae opüa yeta, jare osapukaita oyerovia güi. Echa, nde rembou tekove ɨsápɨi rami, jare omanogüe reta opüa yeta ɨvɨ güi.

San Marcos 5:41

Jayave Jesús oipɨɨ kuñatai ipo pe, jare jei chupe: —Talita cumi (kuae oipota jei: “Kuñatai, che jae ndeve, epüa.”)

San Lucas 7:13

Jare yandeYa oecha jókuae kuña yave, oiparareko jare jei chupe: —Agüɨye eyaeo.

San Lucas 7:15

Jayave omano vae oguapɨ jare omboɨpɨ imiari. Jare Jesús omee ichɨ pe.

San Lucas 7:17

Jare Jesús oyapogüe jërakua opaete Judea rupi jare opaete Judea iyɨ́vɨri rupi.

San Juan 11:25

Jesús jei chupe: —Che ko oporomoingove vae jare tekove omee vae. Cheré güɨrovia vae, yepe tëi omano oï, oikove yeta ko.

San Juan 5:21

Tu omoingove ye omano vae reta. Jaeramiño vi Taɨ omee tekove, jae oipota vae pe.

San Juan 5:25

Añetete che jae peve, oväeta ara, jae ko añave, omanogüe vae reta oendu vaerä che Tumpa Taɨ iñee jare opaete oendu vae reta oikoveta.

Romanos 4:17

Echa oyekuatía oï körai: “Che roñono ma jeta vae reta turä.” Jae Tumpa, Abraham güɨrovia jese vae, tekove omee omanogüe reta pe vae, oyapo mbaembae ndeiño oyeapo vae.

Efesios 5:12

Echa ñemomarai ko ñanemiari vaerä ave jókuae oyapo vɨari reta vae re.