San Lucas 6:49 - Biblia Guarani Tumpa Iñee

⁴⁹ Ërei oyeapɨsaka cheré vae mbaetɨ oyapo che jae chupe oyapo vaerä vae yave, jae ko kuimbae omopüa jorä iguapɨkambae ɨvɨ re vae rami. Jare ɨporu ou yave oyererokua tätagüe jókuae o re yave jupiveiño oitɨ; jare opaetei oyemboai jókuae o.”

Nuevo Testamento Guaraní Pe

⁴⁹ Erei oime yave quia oyeapɨsaca cheré vae, mbaeti yave oyapo che jae chupe oyapo vaera vae, jae co iru cuimbae jora oyapo vae rami. Erei jae mbaeti oyoo oñono vaera o iguapɨara ita tuicha vae ɨvɨgüɨ pe oi vae re. Oñono jora ɨvɨ iárambue eteiño. Jayave oquɨ tanta jare jeta yae ɨ osɨrɨ o iyɨpɨ rupi jare opa omboyapara. Opa oñemboai jocuae o —jei.

San Lucas 6:49 ပူးပေါင်းရင်းမြစ်များ

PROVERBIOS 28:18

Jupi rupi oiko vae, oasayepeta, ërei ipɨapochɨ vae, oata ikavimbae pe.

EZEQUIEL 33:31

Yogüeru ndekotɨ chembae vae reta rami, ñogüɨnoi nderóvai tenonde yave yogüɨrekose rami, oendu reta neñee, oyeapɨsaka reta neñee re. Ërei mbaetɨ oyapo reta oendugüe. Yepe tëi oikatu imiari reta vaerä pɨpe, ërei ipɨa reta korepoti pota reteiño.

OSEAS 4:14

Ngaraa aiporarauka tayɨ reta pe iyaguasa pota jeko pegua ani taɨtatɨ reta pe, menda re oyuvanga jeko pegua, echa jae reta etei ko yogüɨraja kuña iyaguasa pota vae ndive jare kuña jeko kavimbae ndive; oyogüɨroyapakua vae rupi omee reta mbaemboete. ¡Jáeramo oñemokañɨtei tëta mbaetɨ arakuaa güɨnoi vae!

San Mateo 23:3

Jáeramo jekuaeño peyapo jei reta peve peyapo vaerä vae. Ërei agüɨye pemomoe jae reta oyapo vae; echa jae reta jei, ërei mbaetɨ oyapo.

San Mateo 24:10

Jare jeta vae oyerova yeta Tumpa güi, oñomee retata jare oñomotareɨta.

San Marcos 4:17

Ërei kuae reta jókuae temitɨ japo matɨä ɨ́vɨkotɨ ojo vae jarembae ipiru rami ko. Jáeramo tembiporara reta ou chupe reta ñee ikavi vae jeko pegua yave, jupiveiño ogüɨapi reta.

San Lucas 12:47

Oinupata täta, echa tembiokuai oikuaa tëi iya jemimbota, ërei mbaetɨ oyapo.

San Lucas 19:14

Ërei jëtaɨgua reta omotareɨ jókuae mburuvicha, jare omondo reta jaɨkue jei reta vaerä: ‘Mbaetɨ roipota kuae kuimbae oiko vaerä oreruvicha guasurä.’

San Lucas 19:27

Ërei peru kuae pe cherovaicho reta, jókuae mbaetɨ oipota juvicharä aiko vae reta. Peñäka-sɨa cheróvai.’ ”

San Lucas 6:46

¿Maera pa pere cheve: ‘OreYa, oreYa.’ Peyapombae reve che jae peve peyapo vaerä vae?

San Lucas 6:48

Jae ko metei kuimbae jorä omopüa vae rami. Jo omopüa yave oyoo kɨ̈pe oñono vaerä iguapɨkarä ita re. Jare ɨporu ou yave, ɨ ou oyererokua tätagüe jókuae o re, ërei mbaetɨ omomɨi, echa ita re oï iguapɨka.

San Lucas 7:1

Jare opa ma imiari oyeapɨsaka jese vae reta pe yave, Jesús oike Capernaum pe.

San Juan 15:2

Opaete jäka iambae oï cheré vae cheRu oyasɨata. Jare opaete jäka ia vae reta oitɨota, jeta ia vaerä.

Hechos 20:29

Che aikuaa katu ko aja ma yave, oiketa pepɨte pe aguarayaɨmba rami vae reta, jae reta ikɨ̈reɨta opa omokañɨtei oporogüɨrovia vae reta.

Hechos 26:11

Jare jeta rupi ainupa opaete judío reta itupao reta ñavo rupi, jare jaeuka chupe reta ikavimbae vae Jesús kotɨ. Jare chearasɨ yae ikotɨ reta ramo, aja aeka reta ïru tëta guasu reta rupi ave.

1 Tesalonicenses 3:5

Jáeramo, mbaetɨ ma aropɨa ramo, amondo Timoteo aikuaa vaerä peporogüɨrovia regua. Echa aipoɨu oporombotavɨ vae oyapouka vaerä peve ikavimbae vae, jare jökorai roparavɨkɨiño ma.

2 Pedro 2:20

Echa kia oyembosɨrɨ mbae ikavimbae vae ɨvɨ pegua güi yandeYa Jesucristo yandemboasa vae oikuaa vae rupi, ërei taɨkue rupi oyapo ye yave ñamɨri ma ko, jare ou opɨta ikavimbae yae tenonde oiko vae güi.

1 Juan 2:19

Jae reta oë yandegüi, mbaetɨ añetete oñemoïru yande ndive ramo. Echa añetete oñemoïru yande ndive yave oimeñota tëi yogüɨreko yande ndive. Ërei oë reta yandegüi, oyekuaa vaerä opa reveä ko ñaneïru vae.