San Lucas 6:28 - Biblia Guarani Tumpa Iñee

²⁸ Peñee kavi oyepopeyu peré vae reta kotɨ; peyerure Tumpa pe indaye pekotɨ vae reta re.

Nuevo Testamento Guaraní Pe

²⁸ Iru vae reta oyepopeyu peré yave jare icavi mbae vae jei peve yave, peyerure Tumpa pe jae omovendise reta vaera —jei—.

San Lucas 6:28 ပူးပေါင်းရင်းမြစ်များ

1 REYES 13:6

Jayave mburuvicha guasu Jeroboam jei Tumpa iñeemombeúa pe: —Romoñera reyerure vaerä cheré ndeYa Tumpa pe, chepo okuera vaerä. Tumpa iñeemombeúa oyerure yandeYa pe, jare mburuvicha guasu ipo okuera, opɨta tenonde rami.

EZEQUIEL 25:15

Che ndeYa Tumpa jae körai: “Filisteo reta oyepɨ Israel pegua reta re omotareɨ yae reve, jovaichorä ñomai güɨreko ramo.

EZEQUIEL 36:5

yandeYa Tumpa jei körai: Chearasɨ yae cherägüɨro reve amoë cheñee ïru tëtaguasu reta kotɨ, jare opaete Edom pegua reta kotɨ, echa cheɨvɨ re oyemombae reta oyerovia reve, jare omotareɨ yae reve güɨnoe reta joko güi mbaagüɨye.’

San Mateo 5:44

Ërei che jae peve, peaɨu perovaicho reta. Peñee kavi oyepopeyu peré vae reta kotɨ. Peyapo ikavi vae pemotareɨ vae reta pe. Peyerure Tumpa pe ikavimbae vae oyapo peve vae reta re.

San Lucas 23:34

Jayave Jesús jei: —¡CheRu, neɨ̈ro chupe reta. Echa mbaetɨ oikuaa reta oyapo ñogüɨnoi vae! Jayave sundaro reta omboyao oyoupe Jesús jemimondegüe, oyombosuerte reta jese.

San Lucas 6:27

Ërei pe reta peyeapɨsaka cheré vae pe jae kuae: Peaɨu perovaicho reta, jare peyapo ikavi vae pemotareɨ vae reta pe.

San Lucas 6:35

Ërei peaɨu perovaicho reta, jare peyapo ikavi vae chupe reta. Peiporuka mbae ïru vae pe jare agüɨye peäro omboekovia ye peve vaerä. Jökorai peyapo yave, Tuichagüe yae vae, omeeta peve mbae ikavi yae vae jare peapota taɨ retarä. Echa Tumpa ipɨakavi ko yasoropai mbaetɨ omee chupe vae reta pe jare jeko kavimbae vae reta pe.

Hechos 14:5

Judío reta jare judiombae vae reta juvicha reta ndive oporepeña temimondo reta re, oyapo vaerä ikavimbae chupe reta jare oyapi vaerä ita pe yave,

Hechos 7:60

Jayave oyetavatɨka, jare iñeeäta reve jei: “CheYa, agüɨye eiporarauka chupe reta kuae mbaeyoa re.” Jare kuae jei yave, omano.

Romanos 12:14

Peñee kavi, ikavimbae oyapo peve vae reta kotɨ. Peñee kavi, agüɨye peyepopeyu jese reta.

1 Corintios 4:12

Orekangɨ ore etei roparavɨkɨ. Ïru vae reta oyepopeyu oreré, ërei ore royerure jese reta. Ïru vae reta oyapo ikavimbae vae oreve, ërei ore rogüɨropɨa.

Santiago 3:10

Metei vae yandeyuru güiño oë mbaemboete jare yepopeyu. Cherɨvɨ reta, mbaetɨ jaekavi yayapo vaerä jökorai.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.