San Lucas 6:26 - Biblia Guarani Tumpa Iñee

²⁶ ¡Paravete, pe reta opaete vae jei ikavi vae pekotɨ yave! Echa jökorai ko iñemuñagüe reta oyapo yepi ñeemombeúa raanga reta pe.

Nuevo Testamento Guaraní Pe

²⁶ Jare opaete vae jei icavi vae jese vae reta oiporarata co. Echa jocoraiño vi oyapo itenondegua reta oporombotavɨ vae reta pe. Jocuae oporombotavɨ vae reta jei yapu reve: Che co jae metei Tumpa iñee omombeu vae —jei Jesús—.

San Lucas 6:26 ပူးပေါင်းရင်းမြစ်များ

PROVERBIOS 27:21

Korepoti jare oro oyetɨo kavi tata pe, ërei kuimbae ombokavi imboetea reta.

ISAÍAS 30:10

Maratuta vae imombeúa reta pe jei: “Agüɨye peecha mbae maratuta vae”, ñeemombeúa reta pe jei: “Agüɨye pemombeu oreve jupi rupi; pere oreve mbae ipöra vae, mbae nunga oremboyerovia vaeño.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

San Mateo 7:15

Peyeandu ñeemombeúa jaanga reta güi. Oyemonde yogüeru pekotɨ vecha reta rami vae, ërei iyɨvɨte ko aguarayaɨmba pochɨ yae vae rami.

San Lucas 6:25

¡Paravete, pe añave peangapɨɨ vae reta!, echa peyɨmbɨaɨta. ¡Paravete, pe añave pepuka vae reta!, echa pepɨatɨtɨta jare peyaeota.

San Juan 15:19

Pe reta mona ɨvɨ pegua yave, ɨvɨ pegua reta peraɨuta tëi ko. Ërei che poparavo ma ɨvɨ pegua reta ipɨte güi ramo, jae reta pemotareɨ. Echa pe reta ɨvɨ peguaä ma ko.

San Juan 7:7

Ɨvɨ pegua reta mbaetɨ mbae re pemotareɨ vaerä, ërei che chemotareɨ reta. Echa che amombeu chupe reta ikavimbae vae ko jae reta oyapo vae.

Romanos 16:18

Echa jókuae reta mbaetɨ ko oyeokuai yandeYa Jesucristo pe. Jaeño oparavɨkɨ reta ikavi chupe reta vaerä jeko peguaño, iñee-yukɨ rupi jare iñee kavi rupi ombotavɨ iyarakuaa katumbae reta.

Santiago 4:4

Pe reta menda re oyuvanga vae reta rami ko. ¿Mbaetɨ pa peikuaa oñomoïru ɨvɨ pegua ndive vae oyovaicho ko Tumpa ndive? Oipotagüe oñemoïru ɨvɨ pegua ndive vae, oyeapo ko Tumpa jovaichorä.