San Lucas 6:19 - Biblia Guarani Tumpa Iñee

¹⁹ Jare opaete vae oipota yae opoko Jesús re. Echa jae güɨnoi mbaepuere ombogüera vaerä opaete imbaerasɨ vae reta.

Nuevo Testamento Guaraní Pe

¹⁹ Jare opaete vae oipota oyavɨquɨ Jesús. Echa jae güɨnoi mbaepuere ombogüera vaera opaete imbaerasɨ vae reta.

San Lucas 6:19 ပူးပေါင်းရင်းမြစ်များ

2 REYES 13:21

Jese katu amogüe Israel iñemuña reta oñotɨta ñogüɨnoi metei tëogüe, oecha reta ñäpɨta yogüeru Moab pegua reta yave, oitɨ reta jókuae tëogüe Eliseo jɨvɨa pe; javoi jókuae tëogüe oa Eliseo ikägüegüe re yave rupive, oikove ye, jare opüa oyemboɨ.

San Mateo 14:36

Jare omoñera reta Jesús omaeño vaerä imbaerasɨ vae reta opoko jemimonde jembeɨ re yepe. Jare opaete jemimonde re opoko vae reta okuera.

San Marcos 3:10

echa jae ombogüera jeta vae; jáeramo opaete imbaerasɨ vae reta oñomoaña moaña yogüeru ikotɨ, oipota ramo kërai yepe opoko jese.

San Marcos 5:30

Ërei Jesús oikuaa imbaepuere oë chugüi yave, oyerova omae jeta vae re, jare oparandu: —¿Kia pa cheremimonde re opoko?

San Marcos 6:56

Jare Jesús ojoa rupi: Tëta raɨ reta rupi, tëta guasu reta rupi ani iyɨvɨrigua tëta reta rupi, joko pegua reta güeru oñono imbaerasɨ vae reta tape rupi, jare omoñera reta Jesús omaeño vaerä imbaerasɨ vae reta opoko jemimonde jembeɨ re yepe. Jare opaete opoko reta jese vae okuera opɨta.

San Marcos 8:22

Javoi Jesús jare jemimboe reta yogüɨraja Betsaida pe. Jayave güeru reta chupe kuimbae jesambae vae, jare omoñera oñono vaerä ipo jese.

San Lucas 5:17

Metei ara Jesús oporomboe oï, jare amogüe fariseo reta jare mborookuai re oporomboe vae reta oguapɨ ñogüɨnoi jokoropi. Jae reta yogüeru opaete tëta raɨ reta Galilea pegua güi, Judea pegua güi jare Jerusalén güi. Jesús güɨnoi yandeYa imbaepuere oporombogüera vaerä.

San Lucas 6:18

Jesús ombogüera vi aña oya jese vae reta oiporara vae güi.

Hechos 19:12

Echa ïru vae reta güɨraja yave Pablo ipañuera ani mbae nunga jemimonde omboya imbaerasɨ vae reta re yave okuera, jare aña reta osɨrɨ oya jese vae reta güi.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.