San Lucas 5:37 - Biblia Guarani Tumpa Iñee

³⁷ Jaeramiño vi mbaetɨi ikavi yamboɨru vaerä vino ipɨau vae, vino jɨru mɨmbapire pegua indechi vae pe. Echa jökorai yave, omondorota jare vino oyepɨyereta, jare jókuae jɨru opa osoro.

Nuevo Testamento Guaraní Pe

³⁷ Jae ramiño vi mbaeti icavi ñamboɨru vaera vino ipɨau vae vino jɨru guasupi indechi vae pe. Echa jocorai yayapo yave, vino ipɨau vae omondoro jɨru, jare vino oyepɨyere jare jɨru mbaeti ma icavi —jei—.

San Lucas 5:37 ပူးပေါင်းရင်းမြစ်များ

SALMOS 119:83

Echa ɨrɨru mɨmbapire pegua tätati pe vae rami ko che, ërei mbaetɨ cheakañɨ ndeporookuai reta güi.

San Mateo 9:17

Jaeramiño vi ngaraa ikavi yamboɨru vaerä vino ipɨau vae, vino jɨru mɨmbapire pegua indechi vae pe. Echa jökorai yave, omondorota jare vino oyepɨyereta, jare jókuae jɨru opa osoro. Jáeramo yamboɨru vino ipɨau vae jɨru ipɨau vae pe. Echa jökorai yayapo yave, vino jɨru mbaetɨ osoro jare vino mbaetɨ oyepɨyere.

San Lucas 5:36

Jayave imiari chupe reta ombojaanga reve. —Mbaetɨi kia oyasɨa temimonde ipɨau vae omboya vaerä pɨpe temimonde indechigüe. Echa jökorai yave, ñarokomeguaiño ma ko temimonde ipɨau vae jare indechi vae.

San Lucas 5:38

Jáeramo yamboɨru vino ipɨau vae jɨru ipɨau vae pe. Echa jökorai yayapo yave, vino jɨru mbaetɨ osoro jare vino mbaetɨ oyepɨyere.

JOSUÉ 9:13

Kuae vino jɨru mɨmba pire pegua, roñoña pɨpe vino yave ipɨau ko, mase, añave osoro ma. Jökoraiño vi kuae oreremimonde reta jare orepɨapaa reta indechi yae ma, mombɨrɨ yae ma roguata jeko pegua.

JOSUÉ 9:4

oyemongeta reta ombotavɨ vaerä. Oyeapo reta mburuvicha jekovia pe yogüɨraja imiari vae rami, oñono reta imburika re voɨta jɨru indechigüe, vino jɨru mɨmba pire pegua indechigüe, osorogüe jare oyemboyagüe;