San Lucas 24:27 - Biblia Guarani Tumpa Iñee

²⁷ Jayave Jesús omboɨpɨ omombeu kavi chupe reta Moisés jembikuatía reta güive jare opaete ñeemombeúa reta oikuatiagüe, kërai opaete jókuae Tumpa Iñee imiari jese vae.

Nuevo Testamento Guaraní Pe

²⁷ Jayave Jesús omombeu chupe reta jeta Moisés jare Tumpa iñee aracae omombeu vae reta oicuatiagüe vae güi, jare omombeu cavi chupe reta quirai opaete jocuae oyecuatía oi vae imiari Cristo re.

San Lucas 24:27 ပူးပေါင်းရင်းမြစ်များ

GÉNESIS 12:3

Cheporerekuata iporerekua nderé vae reta re, ërei ayepopeyuta oyepopeyu nderé vae reta re; nderupi opaete ɨvɨ pegua reta oyekouta.”

GÉNESIS 22:18

Neñemuña rupi outa cheporerekua opaete kuimbae reta ɨvɨ pegua re, nde reyandu cheñee ramo.”

GÉNESIS 26:4

Ambojetata neñemuña, ara re yasɨtata rami, jare ameeta ndeve opaete kuae ɨvɨ. Jare neñemuña rupi opaete tëtaguasu reta re outa mborerekua.

GÉNESIS 3:15

Añonota ñemotareɨ peyokotɨ, peñomotareɨ vaerä kuña ndive, neñemuña ndive jare kuña iñemuña ndive; jae ndembopereta neäka pe, jare nde rembopereta ipɨta pe.

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

SALMOS 132:11

Añetete, yandeYa jei jee re aeño David pe, ngaraa jae oipoepɨ iñee; echa jei:

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 50:6

Amee chekupe, chenupa reta vaerä vae reta pe, jare amaeño cherendɨvaa mondoro reta. Cherova mbaetɨ arova iñeenguru jare ondɨvɨ cheré vae reta güi.

ISAÍAS 7:14

Jáeramo, yandeYa etei oyapota mɨakañɨ peve: Mase, ko metei kuñatai ndei etei kuimbae ndive oasa vae ipuruata, oata imembɨ metei kunumi raɨ, jare ombojeeta Emanuel pe.

ISAÍAS 8:17

Yepe tëi yandeYa oñomi jova Jacob iñemuña reta güi, ërei jeseve che ayeko avei ko jese. Añonota chepɨa jeseño.

ISAÍAS 9:1

Ërei ngatu ngaraa pɨtumimbi avei oiko, mbɨatɨtɨ pe añave ñogüɨnoi vae reta pe, jókuae mbɨatɨtɨ ou tenonde ete yave Zabulón jare Neftalí iɨvɨ pe rami vae; ërei metei ara outa tembipe, opaeteita tɨnɨe tape ɨguasu kotɨ ojo vae, Jordán jovaicho kotɨ Galilea pe, Judaɨguambae vae reta jëta pe.

EZEQUIEL 34:23

Jare ambouta metei vecha iyangarekoa, jae oyangarekota jese reta; jae ko cherembiokuai David, jae oyangarekota jese reta; jae oikota iyangarekoarä.

EZEQUIEL 37:25

Yogüɨreko retata jókuae ɨvɨ amee cherembiokuai Jacob pe vae pe, joko pe yogüɨrekose peñemuñagüe reta. Joko pe yogüɨrekota jae reta, taɨ reta jare iñemuña reta jekuae avei pegua; jare cherembiokuai David rami vae oikota juvicharä jekuae avei pegua.

DANIEL 7:13

Oimeño amae aï ramboeve: Aecha ou amapɨtu re metei kuimbaeecha vae, kuae ojo jókuae Ndechi Tenondegua ete oïa pe; jare omboyauka reta jese.

MIQUEAS 5:6

Kuae reta omboaita ɨvɨ Asiria pegua reta kɨsepuku pe, Nimrod iɨvɨ; jare yandereepɨta Asiriaɨgua reta güi, yogüeru opɨ̈ro yandeɨvɨ yandegüi yave.

MIQUEAS 7:20

¡CheYa, embopo neñee, arakae güive rerökuavee nderee re mboroparareko oreñemuñagüe Abraham jare Jacob pe vae!

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

NÚMEROS 21:14

Jókuae re ko jei tembikuatía rɨru yandeYa iñeraro reta regua pe: “Ɨguasu Pɨ̈ta vae pe oyapo vae, jare Arnón ɨ̈aka rupi vae;

San Marcos 4:34

Jare mbaetɨi imiari chupe reta ombojaangambae reve. Ërei jemimboe reta pe oikuaauka kavi mbae oipota jei vae jaeiño ñogüɨnoi yave.

San Lucas 24:25

Jayave Jesús jei chupe reta: —¡Yarakuaambae reta! Mbegüe rupi yae perovia opaete ñeemombeúa reta jei vae.

San Lucas 24:44

Jayave jei chupe reta: —¿Mbaetɨ pa pemaendúa pe reta ndive aiko ramboeve che jae peve vae re? Kërai oyembopo tai ko cheré Moisés iporookuai, ñeemombeúa reta oikuatiagüe jare Salmo reta pe jei vae.

San Juan 1:45

Jayave Felipe oväe Natanael jare jei chupe: —Roväe jókuae Moisés oikuatía jesegua mborookuai pe vae. Jare ñeemombeúa reta. Jae ko Jesús, José Nazaret pegua taɨ.

San Juan 12:41

Isaías kuae jei, oecha yave Tumpa iyemboetea. Jáeramo imiari jökorai jese.

San Juan 5:37

CheRu chembou vae jae etei imiari cheré. Yepe tëi mbaetɨi peendu cheRu iñee ani mbaetɨi peecha jova.

San Juan 5:39

Pe reta peyemboe kavi Tumpa Iñee re. Echa peyemongeta pɨpe peväeta tekove opambae vae. Ërei jae ko imiari cheregua.

Hechos 10:43

Kuae regua ko omoërakua opaete ñeemombeúa reta. Jae reta jei Tumpa iñɨ̈rota opaete jese güɨrovia vae reta pe iyoa re Jesús jee re.

Hechos 3:18

Ërei jökorai oyapo Tumpa, opaete ñeemombeúa reta rupi jei rami. Echa jei Cristo oiporara ñotai ko.

Hechos 3:22

Echa Moisés jei ñaneñemuñagüe reta pe: YandeYa Tumpa omopüata peve ñeemombeúa perëtara reta güi, chembou rami. Peyeapɨsakata jese opaete jeita peve vae re.

Hechos 3:24

Jökorai vi jei opaete ñeemombeúa reta Samuel güive. Opaete metei rami omoërakua reta kuae ara reta re.

Hechos 7:37

Moisés jei Israel pegua reta pe: “YandeYa Tumpa omopüata peve ñeemombeúa perëtara reta güi, che chembou rami. Peyeapɨsaka jese.”

Hechos 8:35

Jayave Felipe omboɨpɨ kuae eunuco omongeta vae güi omombeu chupe ñee ikavi vae Jesús regua.

DEUTERONOMIO 1:45

Jare peyerova peyaeo reve yandeYa jóvai, ërei yandeYa mbaetɨ oendu peñee, mbaetɨ vi oyeapɨsaka peré.

DEUTERONOMIO 18:15

YandeYa Tumpa omopüata pepɨte güi ñeemombeúa che rami vae, jese peyeapɨsaka jare peyapo jeigüe.

Apocalipsis 19:10

Jayave ayetavatɨka chetindɨasɨ reve araɨgua jóvai amboete vaerä, ërei jae jei cheve: “Agüɨye chemboete. Che Tumpa pe ayeokuai vae vi ko, nde jare nderɨvɨ reta imiari Jesús regua vae reta rami. Emboete Tumpa.” Echa Jesús regua oyemombeu vae, ñeemombeúa reta omoërakua vae ko.