San Lucas 23:7 - Biblia Guarani Tumpa Iñee

⁷ Jare oikuaa mburuvicha guasu Herodes iɨvɨ pegua ko yave, omondo Herodes pe. Echa Herodes jókuae ara reta pe oime oï Jerusalén pe.

Nuevo Testamento Guaraní Pe

⁷ Jayave omombeu reta Pilato pe Galilea pegua co Jesús. Jayave Pilato güɨrajauca Jesús Herodes pɨri. Echa Herodes co jae Galilea pegua reta juvicha guasu. Jare jocuae ara reta pe Herodes opou oi Jerusalén pe.

San Lucas 23:7 ပူးပေါင်းရင်းမြစ်များ

San Mateo 14:1

Jókuae ara reta rupi mburuvicha guasu Herodes oendu Jesús jërakua yae vae regua.

San Mateo 14:3

Echa Herodes yepe oipɨɨuka Juan, oipokuauka karena pe, jare oñoñauka tembipɨɨrɨru pe, Herodías jeko pegua. Echa Herodías jae ko Herodes tɨvɨ Felipe jembireko.

San Mateo 14:6

Ërei Herodes iara iaño oupitɨ ye vae omboaretea pe, Herodías imemɨkuña ou opɨrae mbɨtea pe, jare omboyerovia yae Herodes.

San Marcos 6:14

Mburuvicha guasu Herodes oendu ma Jesús regua, echa jërakua yae opaete rupi, jare jei: —Juan oporombobautisase vae oikove ye omanogüe vae reta ipɨte güi. Jáeramo ko güɨnoi mbaepuere oyapo vaerä kuae mɨakañɨ reta.

San Lucas 13:31

Jókuae ara yogüeru Jesús oïa pe amogüe fariseo reta, jare jei reta chupe: —Ekua kuae güi, echa Herodes oipota ndeyukauka.

San Lucas 23:6

Pilato oendu yave jei reta Galilea, oparandu Galileaɨgua ra jókuae kuimbae vae.

San Lucas 3:1

Tiberio César quince año ma oiko mburuvicha guasurä yave, Tumpa omomiari Juan. Juan jae ko Zacarías taɨ, jare oiko ñuu pe. Jókuae ara reta pe Poncio Pilato oiko Judea pegua reta juvicha guasurä, jare Herodes oiko Galilea pegua reta juvicha guasurä, jare Herodes tɨvɨ Felipe oiko ɨvɨ Iturea pegua reta jare ɨvɨ Traconite pegua reta juvicha guasurä, jare Lisanias oiko ɨvɨ Abilinia pegua reta juvicha guasurä. Jare sacerdote tenondegua eterä yogüɨreko Anás jare Caifás.

San Lucas 9:7

Jare mburuvicha guasu Herodes oendu opaete Jesús oyapo vae regua. Jayave ipɨakañɨ. Echa amogüe vae jei: —Juan oikove ye omanogüe vae reta ipɨte güi.

Hechos 4:27

Echa añetete ko, Herodes, Poncio Pilato, judiombae vae reta jare Israel pegua reta oyomboatɨ kuae tëta guasu pe ndeRaɨ iyoambae Jesús kotɨ. Jae ko nde reiparavo vae.