San Lucas 23:5 - Biblia Guarani Tumpa Iñee

⁵ Jayave jae reta jeiete jei: —Omboemboe tëta guasu pegua reta. Oporomboe opaete Judea rupi. Omboɨpɨ Galilea pe jare añave ou oväe kuae pe.

Nuevo Testamento Guaraní Pe

⁵ Jayave jae reta jeiete jei: —Omboepochɨ tenta pegua reta. Oporomboe opaete Judea rupi. Omboɨpɨ Galilea pe jare añave ou ovae cuae pe oporomboe oi —jei reta.

San Lucas 23:5 ပူးပေါင်းရင်းမြစ်များ

SALMOS 22:16

Echa yaɨmba reta rami cheöva reta, jeta jeko kavimbae reta cheöva; omombu reta chepo jare chepɨ.

SALMOS 57:4

Cherekove oï yaguapope reta ipɨte pe rami, ayepɨso aï oporou vae reta ipɨte pe; jäi reta mii rami jare uvɨ rami, ikü, kɨsepuku oyeimbeegüe rami.

SALMOS 69:4

Cheäka re chea oï vae güi jeta yae cherekombae reve chemotareɨ vae reta; jëia yae oyeapo cherovaicho reta, cherekombae reve chemokañɨtei vae reta, oipota omboepɨuka reta cheve, mbaetɨ añomi vae.

San Mateo 11:1

Jare Jesús opa ma omboe kavi jókuae doce jemimboe reta yave, jae ojo joko güi oporomboe vaerä jare omombeu vaerä Tumpa iñee jókuae ɨvɨ pegua tëta guasu reta rupi.

San Mateo 2:1

Jesús oa tëta Belén ɨvɨ Judea pegua pe, Herodes oiko yave mburuvicha guasurä. Jayave yogüeru oväe Jerusalén pe kuimbae reta yasɨtata re oyemboe vae reta kuaraɨ oëa kotɨ güi.

San Mateo 27:24

Jare Pilato oecha yave mbaetɨ ipuere mbae oyapo, echa judío reta jeiete osapúkai. Jare jei güeru vaerä chupe ɨ javoi oyepoe yatɨ vae reta jóvai, jei reve chupe reta: —Che mbaetɨ anoi teko kuae kuimbae jupi vae imano re. Perei ma ko oï.

San Mateo 4:23

Jare Jesús ojo opaete Galilea rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi.

San Marcos 1:14

Juan oñoña reta ma yave tembipɨɨrɨru pe, ojo Jesús Galilea pe, jare omombeu ñee ikavigüe vae Tumpa iporookuaía regua.

San Lucas 11:53

Kuae jaɨkue rupi mborookuai re oporomboe vae reta jare fariseo reta pochɨ yae chupe, jare omboɨpɨ oparandu chupe jeta mbaembae re.

San Lucas 23:23

Ërei jeieteño täta osapúkai reve jei reta oikutuuka vaerä kurusu re. Jare jae reta iñee jare sacerdote reta itenondegua reta iñee omoamɨri Pilato.

San Lucas 23:6

Pilato oendu yave jei reta Galilea, oparandu Galileaɨgua ra jókuae kuimbae vae.

San Juan 1:43

Pɨareve pe Jesús oipota ojo Galilea pe. Jare oväe Felipe Betsaida pegua. Andrés jare Pedro jëta guasu pegua. Jesús jei Felipe pe: —Eyu cherupíe.

San Juan 19:15

Jayave jae reta osapúkai reve jei: —¡Tomano, tomano! ¡Eikutuuka kurusu re! Pilato oparandu chupe reta: —¿Aikutuukata pa peruvicha guasu kurusu re? Jayave sacerdote reta itenondegua reta jei: —Jaeño ko César oreruvicha guasu.

San Juan 2:11

Jesús kuae oyapo Caná, Galilea pegua pe. Körai jae omboɨpɨ oechauka iyemboetea. Jare jemimboe reta güɨrovia jese.

San Juan 7:41

Ïru vae reta jei: —Kuae kuimbae jae ko Cristo. Ërei amogüe vae jei: —¿Galilea güi ra oëta Cristo?

San Juan 7:52

Ïru reta jei chupe: —¿Nde jae vi pa Galileaɨgua? Emongeta kavi Tembikuatía, jare eecha mbaetɨi ko metei ave ñeemombeúa oë Galilea güi vae.

Hechos 10:37

Pe reta peikuaa ko, jërakua opaete ɨvɨ Judea rupi vae oyemboɨpɨ Galilea güive, Juan omoërakua güire yembobautisa re;

Hechos 23:10

Jare ikaviä yae ma oyoaka reta ramo, sundaro jeta vae juvicha oyemongeta güɨramoi oyuka retata Pablo, jare oyókuai isundaro reta yogüeru vaerä güɨraja Pablo jae reta ipɨte güi sundaro rëta pe.

Hechos 5:33

Kuae oendu reta yave, pochɨ chupe reta jare oipota oyuka.

Hechos 7:54

Jare mburuvicha reta kuae oendu yave, iyarasɨ yae, jare jäi ombokɨrɨrɨu reta Esteban kotɨ.

Hechos 7:57

Jayave jae reta täta osapúkai reve iyapɨsa oyopia. Jayave metei rami oepeña reta Esteban oipɨɨ.