San Lucas 23:35 - Biblia Guarani Tumpa Iñee

³⁵ Jare opaete vae reta omae ñogüɨnoi Jesús re. Jare tëta guasu pegua reta itenondegua reta ave oyóyai Jesús, jei reve: —Jae oepɨ ïru vae reta. Toyeepɨ vi, jae ko Cristo, Tumpa jembiparavo yave.

Nuevo Testamento Guaraní Pe

³⁵ Jare tenta pegua reta oñemboɨ ñogüɨnoi jocoropi omae Jesús re. Jare tenta pegua reta itenondegua joco pe ñogüɨnoi vae reta oyóyai Jesús. Jei reta: —Jae oepɨ iru vae reta. Añave toyeepɨ, jae co Cristo yave, jae co Tumpa oiparavo vae yave —jei reta.

San Lucas 23:35 ပူးပေါင်းရင်းမြစ်များ

SALMOS 22:17

¡Chepuere aipapa opaete chekägüe chepiru ramo! Jökorai ramboeve jae reta omae ñogüɨnoi cheré;

SALMOS 35:15

Ërei che cheamɨri yave, opaete cheyóyai yóyai vae. Oporomotareɨ vae reta oyomboatɨ chekotɨ, che mbaetɨ aikuaa vae reta, jasɨ katu avei rupi cherereko reta.

SALMOS 4:2

Pe kuimbae reta, ¿kërai yave regua pa perekota cheyemboetea ñemomarai pe? ¿Kërai yave regua pa peipota jare peekata mbaetɨ mbaerä osirive vae jare añetembae vae?

SALMOS 69:26

Echa oiporarauka reta, nde reiporarauka chupe vae pe; jare oyóyai yóyai reta nde rembopere vae.

SALMOS 71:11

Jei reta: “¡Peaɨkuemoña jare peipɨɨ, echa Tumpa oeya ma, mbaetɨ ma kia oepɨ vaerä!”

ISAÍAS 42:1

“Mase, ko oï cherembiokuai, che ayangarekota jese vae; cherembiparavo, chepɨa oyerovia jese vae; jese añono cheEspíritu; jae güeruta jupi vae opaete tëtaguasu reta peguarä.

ISAÍAS 49:7

YandeYa, oPoroepɨ vae, Tumpa Iyoambae Israel pegua, jei oñemotareɨuka ïru tëtaguasu reta pe vae pe, ipɨarai vae reta jembipɨɨrä oiko vae pe: “Mburuvicha guasu jare mburuvicha reta ndereecha yave, opüata jare ndemboeteta; echa che ndeYa, Tumpa Iyoambae Israel pegua jupi vae ko, che ko roparavo.”

ISAÍAS 53:3

Oñereröɨro jare oyemombo kuimbae reta ipɨte güi, kuimbae oiporara vae, tembiporara oikuaa; jare yanderova ñañomi chugüi rami, ñaröɨro jare mbaetɨ yaaɨu.

LAMENTACIONES 3:14

Opaete cherëtaɨgua reta cheyóyai yóyai; ara ñavo cheyóyai yóyai reta vaerä aiko.

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

San Mateo 12:18

“Mase, ko oï cherembiokuai, cherembiparavo. Cherembiaɨu. Chemboyerovia yae vae. Ameeta chupe cheEspíritu, jare jae omoërakuata jupigüe vae judiombae vae reta pe.

San Mateo 3:17

Jare oyeendu ñee ara güi jei: “Kuae ko jae cheRaɨ aaɨu yae vae. Chemboyerovia yae vae.”

San Lucas 16:14

Jare fariseo reta kuae oendu vi yave opaete kuae mbaembae, oyóyai reta Jesús. Echa jae reta imbaepotarai yae ko.

San Lucas 23:13

Jayave Pilato omboatɨuka sacerdote reta itenondegua reta, mburuvicha reta jare tëta guasu pegua reta.

San Lucas 23:39

Jare metei kuimbae ikavimbae iyapoa kurusu re oï vae jei ikavimbae vae Jesús pe: —Nde ko jae Cristo yave, eyeepɨ jare orereepɨ vi.

1 Pedro 2:4

Peyemboya yandeYa re, jae ko jókuae ita oikove vae, ɨvɨ pegua reta güɨröɨro jókuae ita. Ërei Tumpa peguarä ko oyeparavogüe jare ikavigüe.