San Lucas 23:33 - Biblia Guarani Tumpa Iñee

³³ Jare yogüɨraja oväe Äkagüe-renda jee vae pe. Joko pe sundaro reta oikutu kurusu re Jesús jare kuimbae reta ikavimbae vae iyapoa reta. Oñono reta metei Jesús iyakatu kotɨ jare ïru iyasu kotɨ.

Nuevo Testamento Guaraní Pe

³³ Jare yogüɨraja ovae Acagüerenda jee vae pe. Jayave joco pe sundaro reta oicutu curusu re Jesús jare cuimbae reta icavi mbae vae oyapo vae. Oñono reta metei vae Jesús iyacatu cotɨ jare iru vae Jesús iyasu cotɨ.

San Lucas 23:33 ပူးပေါင်းရင်းမြစ်များ

SALMOS 22:16

Echa yaɨmba reta rami cheöva reta, jeta jeko kavimbae reta cheöva; omombu reta chepo jare chepɨ.

ZACARÍAS 12:10

Jare che apɨyereta David iñemuña reta re jare Jerusalén pegua reta re mbɨakavi jare kɨ̈reɨ yerure pegua. Jayave omae retata cheré, jae reta oikutu vae re, jare oyaeo retata, kia nunga oyaeo membɨ jae vaeño re rami, ipɨatɨtɨ reve jese, kia nunga vae ipɨatɨtɨ membɨrɨpɨ re rami.

San Mateo 20:19

jare chemeeta judiombae vae reta ipo pe. Jae reta cheyóyai yoyaita, chenupata retata chikote pe, jare chekutu retata kurusu re. Ërei mboapɨ araa pe aikove yeta.

San Mateo 26:2

—Pemaendúa mókoi araño ma ko oata Pascua iara oväe vaerä, che Kuimbaerä ayeapo vae chemee retata amano vaerä kurusu re.

San Lucas 24:7

echa jei: “Che kuimbaerä oyapo vae chemeeta iyoa vae reta ipo pe vae jare chekutu retata kurusu re. Ërei aikove yeta mboapɨ ara rupi.”

San Juan 18:32

Jökorai jei reta, oyembopo vaerä Jesús jei ma oyeapota chupe vae. Echa Jesús omombeu ma këraita ko omano vae.

San Juan 3:14

Moisés arakae oupi mboi iä ɨvɨra re ñuu pe rami, jökoraitai ko ïru vae reta chereupi,

Hechos 13:29

Jare jae reta opa ma oyapo chupe opaete jese oyekuatía oï vae yave, ombogüeyɨuka reta kurusu güi, jare oñonouka tɨvɨa pe.

Hechos 2:23

Kërai Jesús oñemee peve, oyembopo vaerä Tumpa jei jare oikuaa voi ma oyeapo vaerä vae yave, pe reta peipɨɨ peikutuuka kurusu re kuimbae iyoa vae reta pe, jökorai peyukauka.

Hechos 5:30

Ñaneñemuñagüe reta iTumpa omoingove ye Jesús, pe reta peikutu kurusu re peyuka vae.

Gálatas 3:13

Ërei Cristo yandereepɨ ma mborookuai iyepopeyu güi, echa jae oyemboekouka yanderekovia pe. Echa oyekuatía oï körai: “Tijeko ɨvɨra re osagüɨu omano vae.”

DEUTERONOMIO 21:23

agüɨye pemaeño tipɨ̈tu jetegüe ɨvɨra re; jókuae ara voi peñotɨ; echa Tumpa iyepopeyu rupi ko omano, ɨvɨra re osagüɨu omano vae; agüɨye pemongɨa peɨvɨ yandeYa Tumpa omee peveguarä vae.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.