San Lucas 22:41 - Biblia Guarani Tumpa Iñee

⁴¹ Jayave Jesús osɨrɨ katu chugüi reta, ita oyemombo vae oa ojo ramía pe, jare oyetavatɨka oyerure Tumpa pe.

Nuevo Testamento Guaraní Pe

⁴¹ Jayave Jesús ojo mombɨrɨ catu chugüi reta, jare oyeatɨca oyerure Tumpa pe.

San Lucas 22:41 ပူးပေါင်းရင်းမြစ်များ

San Mateo 26:39

Jayave Jesús osɨrɨ katu chugüi reta, jare oyetavatɨka itindɨasɨ ɨvɨ re jare oyerure, jei reve: “CheRu, nde reipota yave, emboasa chegüi kuae aiporarata vae. Ërei toyeapo cheve nde rere vae. Agüɨye toyeapo che jae vae.”

San Marcos 14:35

Jayave Jesús osɨrɨ katu chugüi reta, jare oyetavatɨka ɨvɨ re. Oyerure Tumpa pe, Tumpa oipota yave, omboasa vaerä chugüi jókuae oyeapota chupe vae.

San Lucas 18:11

Fariseo oyemboɨ jare oyerure oyembotuicha reve körai: ‘Cheru Tumpa, amee yasoropai ndeve. Echa che mbaetɨ aiko ïru kuimbae reta rami. Jókuae reta imonda, mbaetɨ jupi, oyapo aguasa. Mbaetɨ vi che kuae mburuvicha peguarä okovara vae rami.

San Lucas 18:13

Ërei jókuae mburuvicha peguarä okovara vae oyemboɨ oï mombɨrɨño, mbaetɨ ikɨ̈reɨ jovaɨva kërai yepe ara kotɨ. Jaeño okua okua ipɨtía re jei reve: ‘CheRu Tumpa, cheparareko. Echa che cheyoa vae ko.’

Hechos 20:36

Jare kuae opa jei güire, Pablo oyetavatɨka jare oyerure Tumpa pe opaete jae reta ndive.

Hechos 21:5

Jókuae ara reta oasa yave, opaete oporogüɨrovia vae reta jembireko reta jare imichia reta ndive oremoïru reta tëta guasu güi ikatu pe, jayave royetavatɨka ɨembeɨ pe royerure Tumpa pe.

Hechos 7:60

Jayave oyetavatɨka, jare iñeeäta reve jei: “CheYa, agüɨye eiporarauka chupe reta kuae mbaeyoa re.” Jare kuae jei yave, omano.

Hechos 9:40

Jayave Pedro omoë opaete joko pe ñogüɨnoi vae reta. Jare oyetavatɨka oyerure Tumpa pe. Javoi omae tëogüe re jare jei: —¡Tabita, epüa! Jayave kuña omae, jare oecha Pedro yave, opüa oguapɨ.

Hebreos 5:7

Cristo kuae ɨvɨ pe oiko ramboeve, iñeeäta jare jesaɨ reve jeta oyerure ipuere tëi omboasa mano güi vae pe. Jare iñeereendu ramo Tumpa oendu chupe iyerure.