San Lucas 22:37 - Biblia Guarani Tumpa Iñee

³⁷ Echa che jae peve, oyeapotai ko cheve Tumpa Iñee pe oyekuatía oï cheré vae. Echa jei körai: “Oyepapa iyoa vae reta ndive.” Echa oyekuatía oï cheregua vae, oyembopota ko.

Nuevo Testamento Guaraní Pe

³⁷ Echa che jae peve, oyeapota co cheve Tumpa iñee pe oyecuatía oi vae. Echa oyecuatía oi corai: Jei reta jae co mboroócuai oyavɨ vae. Jocorai oyecuatía oi. Jare opaete cheré oyecuatía oi vae oyeapota co cheve —jei.

San Lucas 22:37 ပူးပေါင်းရင်းမြစ်များ

ISAÍAS 53:12

Jáeramo, che ameeta chupe oï vaerä jëia yae vae reta ndive, jare imbaepuere vae reta ndive omboyaota ñeraroa pe mbae opɨ̈rogüe; echa omee ramo jekove omano regua, jare oyepapa iyoa vae reta ndive, güɨraja ramo jeta vae reta iyoa, jare oyerure iyoa vae reta re.

San Marcos 15:27

Jare sundaro reta oikutu vi kurusu re mókoi imonda vae reta Jesús ndive, metei iyakatu kotɨ jare ïru iyasu kotɨ.

San Marcos 15:28

Jökorai oyembopo Tumpa Iñee jei vae: “Oyepapa iyoa vae reta ndive.”

San Lucas 18:31

Jayave Jesús oenɨi jókuae doce jemimboe reta, jare jei chupe reta: “Mase, ko yaja Jerusalén kotɨ, jare opaete ñeemombeúa reta oikuatía che Kuimbaerä oyeapo vae regua vae, oyembopota ko cheré.

San Lucas 22:22

Añete ko, che Kuimbaerä ayeapo vae pe oyeapo ñotai ko Tumpa jei oyeapota cheve vae. Ërei, ¡paravete jókuae kuimbae chemboeterengata vae!

San Lucas 22:36

Jayave Jesús jei ye chupe reta: —Ërei añave: Korepotirɨru güɨnoi vae togüɨraja, jare aporoka vi. Jare mbaetɨ güɨnoi kɨsepuku vae, tomee jemimonde, ogua vaerä metei kɨsepuku.

San Lucas 22:52

Jare Jesús jei sacerdote reta itenondegua reta, tupao iyangarekoa reta itenondegua reta jare tëta guasu pegua reta itenondegua reta yogüeru ikotɨ vae reta pe: —¿Maera pa peyu kɨsepuku jare ɨvɨra reta ndive, imonda vae kotɨ rami?

San Lucas 23:32

Jare sundaro reta güɨraja vi Jesús ndive mókoi kuimbae ikavimbae vae iyapoa reta.

San Lucas 24:27

Jayave Jesús omboɨpɨ omombeu kavi chupe reta Moisés jembikuatía reta güive jare opaete ñeemombeúa reta oikuatiagüe, kërai opaete jókuae Tumpa Iñee imiari jese vae.

San Juan 10:35

Echa Tumpa iñee ou chupe reta vae pe, jae etei ombojee tumpa reta vae. Jare Tumpa Iñee pe oyekuatía oï vae añete ko.

San Juan 17:4

Che romboeteuka kuae ɨvɨ pe. Echa opa ma ayapo mbaravɨkɨ nde nemee ayapo vaerä vae.

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Gálatas 3:13

Ërei Cristo yandereepɨ ma mborookuai iyepopeyu güi, echa jae oyemboekouka yanderekovia pe. Echa oyekuatía oï körai: “Tijeko ɨvɨra re osagüɨu omano vae.”