San Lucas 22:20 - Biblia Guarani Tumpa Iñee

²⁰ Jaeramiño vi oipɨɨ kopa, opa ma okaru reta yave, jei reve: —Kuae vino ko jae morogüɨrökuavee päve ipɨau vae cherugüɨ rupi oyeapota vae. Oyepɨyereta peré vae.

Nuevo Testamento Guaraní Pe

²⁰ Jae ramiño vi oipɨɨ vaso, opa ma ocaru reta yave, jare jei: —Cuae vino co jae morogüɨrocuavee ipɨau vae cherugüɨ pe ayapota vae. Cherugüɨ oyepɨyereta peré —jei—.

San Lucas 22:20 ပူးပေါင်းရင်းမြစ်များ

ÉXODO 24:8

Jayave Moisés oipɨɨ tugüɨ jare oñapiramo opaete Israel iñemuña reta iárambo, jei reve: —Kuae ko jae tugüɨ morogüɨrökuavee päve regua, yandeYa oyapo pe reta ndive, opaete kuae mbaembae reta regua vae.

JEREMÍAS 31:31

YandeYa jei: “Mase, oväeta ara ayapo vaerä morogüɨrökuavee päve ipɨau vae Israel pegua reta jare Judá pegua reta ndive.

ZACARÍAS 9:11

YandeYa jei körai: “Nde Jerusalén tugüɨ morogüɨrökuavee päve pegua pe reyemboasaukata, che ko anoeta tembipɨɨ reta ɨrɨru güi.

San Mateo 26:28

echa kuae jae ko cherugüɨ morogüɨrökuavee päve ipɨau vae pegua, oyepɨyereta Tumpa iñɨ̈ro vaerä jeta vae reta pe iyoa reta re.

San Marcos 14:24

Jare jei chupe reta: —Kuae ko jae cherugüɨ morogüɨrökuavee päve ipɨau vae pegua, oyepɨyereta jeta vae reta peguarä.

1 Corintios 11:25

Jaeramiño vi yandeYa oipɨɨ kopa opa ma okaru reta yave, jei reve: “Kuae vino ko jae morogüɨrökuavee päve ipɨau vae cherugüɨ pe ayapo vae, kuae peu ñavo, peyapo pemaendúa reve cheré.”

2 Corintios 3:6

Jae ko omee oreve orepoki vaerä royeokuai chupe morogüɨrökuavee päve ipɨau pe. Mbaetɨ ko oyekuatiagüe, Espíritu pegua ko; echa mborookuai oyekuatiagüe oporoyuka, ërei Espíritu oporomoingove.

Hebreos 12:24

jare Jesús re, oporomoñoövaiti morogüɨrökuavee päve ipɨau ndive vae re, jare Jesús jugüɨ yandetɨo vae re, jókuae tugüɨ ikavi yae Abel jugüɨ omee vae güi.

Hebreos 13:20

Tumpa mbɨakatu omee vae, yandeYa Jesucristo omoingove ye omanogüe reta ipɨte güi vae, vecha reta iyangarekoa tuichagüe vae, tugüɨ morogüɨrökuavee päve opambae vae pegua rupi vae,

Hebreos 9:15

Jare jókuae jeko pegua jae oï ñanemoñoövaiti vaerä Tumpa ndive morogüɨrökuavee päve ipɨau vae rupi vae. Echa Cristo omano omboepɨ vaerä tenondegua morogüɨrökuavee päve pe mbaeyoa oyapo vae reta re. Jáeramo Tumpa oenɨi vae reta güɨnoita imbaerä güɨrökuavee chupe reta vae.

Hebreos 9:17

Echa kuimbae omano yave ramo jae reta ipuere güɨnoi imbaerä jókuae mbaembae. Ërei mbaetɨta omboresive iyarä vae, mbaembae iya oikoveño ramboeve.