San Lucas 21:37 - Biblia Guarani Tumpa Iñee

³⁷ Jare opa ara rupi Jesús oporomboe tupao pe. Ërei pɨ̈tu ma yave ojo joko güi opɨta ɨvɨtɨ Olivo pe.

Nuevo Testamento Guaraní Pe

³⁷ Jare ara ñavo Jesús oporomboe oi Tumpa jo pe. Erei jave ma yave ojo joco güi opɨta ɨvɨtɨ Oliva re.

San Lucas 21:37 ပူးပေါင်းရင်းမြစ်များ

ZACARÍAS 14:4

Jókuae ara ogüeyɨta ɨvɨtɨ Olivo jee vae re, Jerusalén jóvai kuaraɨ oëa kotɨ oï vae re; jare ɨvɨtɨ Olivo jee vae oyemboyaota mbɨte rupi, kuaraɨ oëa kotɨ jare oikea kotɨ rupi, jare opɨtata ɨvɨtɨ päu ipe kavi jare ɨvɨtɨ jovaichogüe opɨtata ɨvɨtuguasu kotɨ, jare ïru jovaichogüe opɨtata arayevɨ kotɨ.

San Mateo 21:1

Köiño ma Jerusalén güi ñogüɨnoi yave, yogüɨraja oväe tëta raɨ Betfagé iyɨpɨ pe ɨvɨtɨ Olivo pe. Jayave Jesús omondo mókoi jemimboe reta:

San Mateo 21:17

Jayave Jesús oeya reta. Ojo Jerusalén güi Betania pe, jare opɨta joko pe.

San Mateo 26:30

Jare opa yave otairari reta Tumpa pe, oë reta yogüɨraja ɨvɨtɨ Olivo kotɨ.

San Mateo 26:55

Jayave voi Jesús jei jókuae yogüeru vae reta pe: —¿Maera pa peyu kɨsepuku jare ɨvɨra ndive chepɨɨ vaerä, imonda vae kotɨ rami? Ara ñavo aguapɨ pe reta ndive tupao pe aporomboe. Jare mbaetɨ chepɨɨ.

San Marcos 11:12

Pɨareve pe, yogüɨraja ye Betania güi yave, Jesús iyɨmbɨaɨ.

San Marcos 11:19

Jare pɨ̈tu ma yave, Jesús jare jemimboe reta yogüɨraja ye Jerusalén güi.

San Marcos 14:49

Ara ñavo aporomboe aiko pepɨte pe tupao pe. Jare mbaetɨ chepɨɨ. Ërei oyeapo kuae oyembopo vaerä Tumpa Iñee jei vae.

San Lucas 19:29

Jare yogüɨraja oväe ɨvɨtɨ Olivo pe, köiño tëta raɨ reta Betfagé jare Betania güi. Jayave Jesús omondo mókoi jemimboe reta.

San Lucas 19:37

Jare omboɨpɨ reta ogüeyɨ ɨvɨtɨ Olivo güi. Köiño ma yogüeru Jerusalén güi. Jayave opaete Jesús jupiegua reta omboɨpɨ oyerovia. Omboete reta Tumpa osapúkai reve opaete mɨakañɨ oecha Jesús oyapogüe re,

San Lucas 19:47

Jare Jesús oporomboe tupao pe ara ñavo. Ërei sacerdote reta itenondegua reta jare mborookuai re oporomboe vae reta jare tëta guasu pegua reta itenondegua reta oeka kërai oyuka vaerä.

San Lucas 22:39

Jayave Jesús oë ojo ɨvɨtɨ Olivo pe, ojoñoi rami. Jare jemimboe reta vi yogüɨraja jae ndive.

San Juan 12:1

Ova araño ma oata arete Pascua oväe vaerä yave, Jesús ojo Betania pe. Lázaro oikoa pe, jae ko Jesús omoingove ye omanogüe vae reta ipɨte güi vae.

San Juan 18:2

Jare Judas, jae ko omee jovaicho reta pe vae oikuaa vi jókuae kó raɨ. Echa joko pe Jesús oyemboatɨñoi yepi jemimboe reta ndive.

Hechos 1:12

Jayave temimondo reta yogüeru ye Jerusalén pe ɨvɨtɨ Olivo jee vae güi. Jókuae ɨvɨtɨ köiño oï Jerusalén güi. Ara mbutuu pe oyeguata rami.