San Lucas 21:12 - Biblia Guarani Tumpa Iñee

¹² Ërei ndei kuaekuae reta oasa mbove, ïru vae reta pepɨɨta jare oyapota ikavimbae vae peve, pereraja retata itupao reta pe jare peñonota tembipɨɨrɨru pe, jare pererajata mburuvicha guasu reta jare ïru mburuvicha reta jóvai chereko pegua.

Nuevo Testamento Guaraní Pe

¹² Erei ndei cuae oyeapo mbove, iru vae reta pepɨɨta jare oyapota icavi mbae vae peve. Jae reta pererajata itupao reta pe jare peñonota tembipɨɨrɨru reta pe, jare pererajata mburuvicha guasu reta jóvai chereco pegua —jei—.

San Lucas 21:12 ပူးပေါင်းရင်းမြစ်များ

San Mateo 22:6

Jare ïru reta oipɨɨ mburuvicha guasu jembiokuai reta, oyapo ikavimbae vae chupe reta jare oyuka reta.

San Mateo 24:8

Ërei kuae tembiporara reta ko oyemboɨpɨ ramo oï.

San Lucas 21:11

Oimeta ɨvɨkana tuichagüe. Oimeta karuai reta jare mbaerasɨ reta oipota rupi; oimeta kɨɨye jare mbaembae yavaetegüe oyekuaa ara re.

San Juan 15:20

Pemaendúa che jae peve vae re: “Metei tembiokuai mbaetɨ ko ma yae iya güi.” Echa che chemotareɨ reta yave, pe reta pemotareɨta vi. Ërei oyapo reta che jae chupe vae yave, oyapota vi pe reta pere chupe reta vae.

San Juan 15:21

Ërei opaete kuae mbaembae oyapo retata peve cheré perovia ramo. Echa jae reta mbaetɨ oikuaa chembou vae.

Hechos 22:30

Jare pɨareve pe sundaro jeta vae juvicha oipota oikuaa kavi mbae re ra judío reta omboeko Pablo. Jáeramo oyora Pablo, jare oyókuai sacerdote reta itenondegua reta jare opaete mburuvicha judío reta oyemboatɨ vaerä. Jayave güɨnoe Pablo oñono jae reta jóvai.

Hechos 5:40

Jare kuae Gamaliel jei vae ikavi chupe reta. Jayave oenɨi reta temimondo reta, jare oinupa güire oyopia yeyé agüɨye ye vaerä ma imiari Jesús jee re, jare oyora reta.

Hechos 8:3

Ërei Saulo oiporarauka yae oporogüɨrovia vae reta pe. Echa o ñavo rupi oike jare ombotɨrɨrɨ güɨraja kuimbae reta jare kuña reta oñono tembipɨɨrɨru pe.

Hechos 9:4

Jare Saulo oa ɨvɨ re, jare oendu ñee jei chupe: “Saulo, Saulo, ¿maera pa reñemopüa chekotɨ?”

1 Pedro 2:13

YandeYa perovia ramo peyapo opaete mburuvicha reta ɨvɨ pegua jei vae; mburuvicha guasu, echa peruvicha ko,

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.