San Lucas 2:38 - Biblia Guarani Tumpa Iñee

³⁸ Jae ou José jare María jare Jesús ñogüɨnoia pe. Jayave jae vi omee yasoropai Tumpa pe, jare imiari Jesús re opaete yeyora oäro ñogüɨnoi Jerusalén pe vae reta pe.

Nuevo Testamento Guaraní Pe

³⁸ Jae ou ovae José jare María jare Jesús ñogüɨnoia pe. Jayave jae vi omee yasoropai ñandeYa pe, jare imiari Jesús re opaete Jerusalén pegua oaro ñogüɨnoi Cristo ou oepɨ vaera vae reta pe.

San Lucas 2:38 ပူးပေါင်းရင်းမြစ်များ

San Marcos 15:43

metei kuimbae tëta guasu Arimatea pegua José jee vae oipoɨumbae reve ojo Pilato oïa pe, oyerure chupe Jesús jetegüe re. José jae ko mburuvicha imboetea vae. Jae oäro vi oiko Tumpa iporookuaía.

San Lucas 1:68

“Toyemboeteuka yandeYa Israel iTumpa, echa jae ou omborɨ jare oepɨ tëta imbae.

San Lucas 2:25

Jare jókuae ara oiko Jerusalén pe metei kuimbae Simeón jee vae; jókuae kuimbae jupi vae oäro oiko Israel pegua reta iyeyora. Jare Espíritu Santo oï jese.

San Lucas 2:36

Jare oï vi joko pe ñeemombeúa kuña Ana jee vae, Fanuel tayɨ. Fanuel jae ko ñemuña Aser pegua. Ana itɨ̈aro yae ma. Omenda güire jaeño chiu año oiko ime ndive.

San Lucas 23:51

(Jae oipotaä tëi ïru mburuvicha reta oyapo vaerä ikavimbae vae Jesús pe.) Jae oäro vi oiko Tumpa iporookuaía.

San Lucas 24:21

Ore rogüɨrovia jae ko oepɨta tëi Israel vae. Jare añave ko mboapɨ ara ma opaete kuae oasa güire.

2 Corintios 9:15

¡Yasoropai Tumpa pe mbota tuichagüe yae yaupitɨ rapembae kërai ñanemiari jese vae omee yandeve vae re!

Efesios 1:3

Toyemboete Tumpa, yandeYa Jesucristo Tu. Jae iporerekua yanderé opaete mborerekua ara pegua pe, Cristo re,