San Lucas 2:11 - Biblia Guarani Tumpa Iñee

¹¹ Echa kuae pɨ̈tu oa oporomboasa vae David jëta pe. Jae ko yandeYa Cristo.

Nuevo Testamento Guaraní Pe

¹¹ Echa cuae pɨtu oa oporomboasa vae David jenta pe. Jae co ñandeYa Cristo —jei araɨgua chupe reta—.

San Lucas 2:11 ပူးပေါင်းရင်းမြစ်များ

GÉNESIS 3:15

Añonota ñemotareɨ peyokotɨ, peñomotareɨ vaerä kuña ndive, neñemuña ndive jare kuña iñemuña ndive; jae ndembopereta neäka pe, jare nde rembopereta ipɨta pe.

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

SALMOS 2:2

Mburuvicha guasu ɨvɨ pegua reta oñomopüa jare oyovaicho, tenondegua reta oyomboatɨ yandeYa kotɨ jare jembiparavo kotɨ, jei reve:

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

San Mateo 1:16

Jare Jacob taɨ jae José; María ime. Jare María imembɨ jae Jesús; jae ko jee Cristo.

San Mateo 1:21

María imembɨta metei kuimbae raɨ, jare rembojeeta Jesús. Echa jae omboasata imbae vae reta imbaeyoa reta güi.”

San Mateo 16:16

Jayave Simón Pedro jei chupe: —Nde ko jae Cristo, Tumpa oikove vae Taɨ.

San Mateo 16:20

Jayave Jesús oyókuai jemimboe reta agüɨye vaerä omombeu kia pe ave, jae ko Cristo vae.

San Lucas 1:43

Jare ¿kia pa che, cheYa ichɨ ou vaerä chépɨri?

San Lucas 1:69

Jae ombou yandeve jembiokuai David iñemuña pegua metei Oporogüɨroasayepe vae imbaepuere yae vae.

San Lucas 2:26

Jare Espíritu Santo oikuaauka ma yepe chupe kërai ngaraa omano ndei oecha mbove yandeYa Jembiparavo.

San Lucas 2:4

Jare José vi ojo Nazaret Galilea pegua güi tëta Belén Judea pegua pe. Echa jae ko David iñemuña reta pegua, echa David jëta ko jae Belén.

San Juan 1:41

Andrés, tenonde oeka tɨkeɨ Simón, jare jei chupe: —Roväe ma Mesías (kuae oipota jei: Cristo.)

San Juan 1:45

Jayave Felipe oväe Natanael jare jei chupe: —Roväe jókuae Moisés oikuatía jesegua mborookuai pe vae. Jare ñeemombeúa reta. Jae ko Jesús, José Nazaret pegua taɨ.

San Juan 11:27

Marta jei chupe: —Arovia, cheYa. Añave arovia nde ko jae Cristo, Tumpa Taɨ, reyu kuae ɨvɨ pe vae.

San Juan 20:31

Ërei kuae oyekuatía ko, perovia vaerä Jesús ko jae Cristo, Tumpa Taɨ, jare penoi vaerä tekove jese perovia yave.

San Juan 4:25

Jayave kuña jei Jesús pe: —Aikuaa Mesías outa ko, jókuae Cristo jee vae; jae ou yave omombeuta oreve opaete mbaembae regua.

San Juan 4:42

Jayave jei reta kuña pe: —Mbaetɨ roporogüɨrovia nde rere oreve güiño, roporogüɨrovia ko ore etei roendu ramo, jare añave roikuaa kuae ko jae ɨvɨ pegua reta Omboasa vae, Cristo jee vae.

San Juan 6:69

Rogüɨrovia ma nderé jare roikuaa nde ko jae Cristo, Tumpa oikove vae Taɨ.

San Juan 7:41

Ïru vae reta jei: —Kuae kuimbae jae ko Cristo. Ërei amogüe vae jei: —¿Galilea güi ra oëta Cristo?

Hechos 10:36

Tumpa ombou ñee ikavi vae Israel iñemuña reta pe. Jae omombeu chupe reta oime mbɨakatu Jesucristo re. Jesucristo ko jae opaete vae iYa.

Hechos 13:23

Kuae David iñemuña reta güi Tumpa omee Jesús jae güɨrökuavee rami. Jae ko Israel pegua reta Imboasaa.

Hechos 17:3

oechauka jare oikuaauka kavi reve Tumpa Iñee rupi, kërai Cristo oiporara ñotai ko jare oikove ye ñotai ko omanogüe reta ipɨte güi vae. Jei: —Kuae Jesús, che amoërakua peve vae ko jae Cristo.

Hechos 2:36

Israel iñemuña reta, peikuaa kavi kuae, jókuae Jesús peikutu kurusu re vae, añetete ko Tumpa oyapo ma yandeYarä jae Cristo ramo.”

Hechos 5:31

Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

1 Corintios 15:47

Kuimbae tenondegua vae ɨvɨ pegua ko. Echa Tumpa oyapo ɨvɨ güi. Ërei kuimbae taɨkuegua vae ko jae yandeYa ara güi ou vae.

Filipenses 2:11

jare opaete vae jei vaerä Jesucristo ko jae opaete vae iYa. Kuae rupi yandeRu Tumpa oyemboete vaerä.

Filipenses 3:8

Jökoraiño vi opaete ïru mbaembae mbaeä etei cheve cheYa Cristo Jesús aikuaa vae jeko pegua. Jae aaɨu vae jeko pegua mbaeä etei jare ɨtɨ rami ko cheve opaete mbaembae, amongana vaerä Cristo,

Colosenses 2:6

Jáeramo, pemboresive ma yandeYa Jesucristo mborogüɨrovia rupi vae, jekuaeño vi peiko perovia reve jese;

1 Juan 4:14

Jare ore roecha jare romoërakua Tumpa ombou Taɨ ɨvɨ pegua reta Omboasa vae.

1 Juan 5:1

Opaete güɨrovia Jesús ko jae Cristo vae reta güɨnoi ko tekove Tumpa güi. Jare oaɨu yandeRu Tumpa vae oaɨu vi Tumpa taɨ reta.