San Lucas 19:47 - Biblia Guarani Tumpa Iñee

⁴⁷ Jare Jesús oporomboe tupao pe ara ñavo. Ërei sacerdote reta itenondegua reta jare mborookuai re oporomboe vae reta jare tëta guasu pegua reta itenondegua reta oeka kërai oyuka vaerä.

Nuevo Testamento Guaraní Pe

⁴⁷ Jayave Jesús oporomboe Tumpa jo pe ara ñavo. Erei sacerdote reta itenondegua reta jare mboroócuai re oporomboe vae reta jare tenta pegua reta itenondegua reta oeca quirai ipuere oyucauca Jesús.

San Lucas 19:47 ပူးပေါင်းရင်းမြစ်များ

San Mateo 21:23

Jesús ou oväe yave tupao pe, sacerdote reta itenondegua reta jare tëta guasu pegua reta itenondegua reta yogüeru jae oïa pe oporomboe oï yave, jare oparandu reta chupe: —¿Mbae nunga mbaepuere ndive pa kuae mbaembae reyapo? ¿Kia pa omee ndeve kuae mbaepuere?

San Mateo 26:55

Jayave voi Jesús jei jókuae yogüeru vae reta pe: —¿Maera pa peyu kɨsepuku jare ɨvɨra ndive chepɨɨ vaerä, imonda vae kotɨ rami? Ara ñavo aguapɨ pe reta ndive tupao pe aporomboe. Jare mbaetɨ chepɨɨ.

San Marcos 11:18

Jayave mborookuai re oporomboe vae reta jare sacerdote reta itenondegua reta kuae oendu yave, oeka reta kërai oyuka vaerä Jesús. Echa jae reta okɨɨye chugüi, opaete vae ipɨakañɨ iporomboe re ramo.

San Marcos 12:12

Jayave jókuae oyeapɨsaka jese vae reta oipota tëi oipɨɨ Jesús. Echa oikuaa reta, jókuae ombojaanga reve jei vae ikotɨ reta ko jei. Ërei okɨɨye reta tëta guasu pegua reta güi. Jáeramo oeyaño, jare yogüɨraja.

San Marcos 14:1

Mókoi araño ma oata arete Pascua oyeapo vaerä. Jókuae arete pe judío reta jou mbɨyape oyembovumbae. Jare sacerdote reta itenondegua reta jare mborookuai re oporomboe vae reta oeka kërai oipɨɨ vaerä yembotavɨ rupi Jesús, oyukauka vaerä.

San Marcos 14:49

Ara ñavo aporomboe aiko pepɨte pe tupao pe. Jare mbaetɨ chepɨɨ. Ërei oyeapo kuae oyembopo vaerä Tumpa Iñee jei vae.

San Lucas 19:48

Ërei mbaetɨ jëgua chupe reta oyuka vaerä. Echa opaete tëta guasu pegua reta oyeapɨsaka avei jese.

San Lucas 20:19

Jayave jupivei sacerdote reta itenondegua reta jare mborookuai re oporomboe vae reta oipota tëi oipɨɨ Jesús. Echa oikuaa jókuae ombojaanga reve jei vae ikotɨ reta ko jei. Ërei okɨɨye tëta guasu pegua reta güi.

San Juan 10:39

Jayave judío reta oipota ye tëi oipɨɨ Jesús, ërei jae ojo chugüi reta.

San Juan 18:20

Jayave Jesús jei chupe: —Che chemiari ko opaete vae jovake. Aporomboe avei judío reta itupao reta pe jare tupao pe, judío reta jeta oyemboatɨa pe. Mbaetɨi chemiari vɨari.

San Juan 7:19

¿Moisés omeeä pa ko peve mborookuai? Ërei metei ave pe reta peyapoä mborookuai jei vae. ¿Maera pa peipota cheyuka?

San Juan 7:44

Jare amogüe reta oipota tëi oipɨɨ Jesús, ërei mbaetɨ kia ave oipɨɨ.