San Lucas 18:9 - Biblia Guarani Tumpa Iñee

⁹ Jare Jesús oïa pe ñogüɨnoi amogüe oyererovia katu jupi ko jare oporogüɨröɨro vae reta. Jesús jei chupe reta ombojaanga reve:

Nuevo Testamento Guaraní Pe

⁹ Jare Jesús oia pe ñogüɨnoi amogüe oñembojupi iñemongueta pe vae. Jae reta güɨroɨro iru vae reta. Jare Jesús jei chupe reta omojaanga reve:

San Lucas 18:9 ပူးပေါင်းရင်းမြစ်များ

PROVERBIOS 30:12

Oime amogüe, mbaetɨ etei jeko omae iyé vae, ërei mbaetɨ ave yepe oyetɨo oï iyoa güi.

ISAÍAS 65:5

Jei reta: ‘Joko peño, agüɨye cheavɨkɨ, oñeñono tee kavi yae vae ko, che ndegüi.’ Jókuae nunga reta, tätati omboasɨ cheresa vae rami ko, tata ikaaru jendɨ yave vae rami ko.

ISAÍAS 66:5

Pe, pemboete yandeYa iñee vae, peendu iñee: “Amogüe, kuae perëta pegua reta pemotareɨ vae, jare opa pemombo iyeugüi reta perovia cheré vae jeko pegua, jare jei reta: ‘Toyekuaa, yandeYa imbaemboetea, omee vaerä peve yerovia.’ Ërei, jae reta oñemomaraiukata opɨta.

LEVÍTICO 13:32

Jare chiu araa pe sacerdote tomae ipere re, jare jókuae pire mbaerasɨ ókui vae äka regua ani tañɨka regua mbaetɨ oñemoai yave, mbaetɨ ia ani jaa iyu äve ani ipire oyeu yave,

San Lucas 10:29

Ërei jókuae mborookuai re oporomboe vae oipota oyereroviauka jupi vae rami ramo, oparandu Jesús pe: —¿Kia pa ko jae cherapicha?

San Lucas 15:2

Jayave fariseo reta jare mborookuai re oporomboe vae reta iñeenguru jese, jei reta: —Kuae kuimbae oñemoïru jeko kavimbae vae reta ndive, jare okaru jae reta ndive.

San Lucas 16:15

Jayave Jesús jei chupe reta: —Pe retaiño peyembojupi ïru vae reta jóvai vae ko pe. Ërei Tumpa oikuaa pepɨa pe oï vae. Echa kuimbae reta ombotuicha yae vae, Tumpa peguarä ikavimbae yae ko.

San Lucas 18:11

Fariseo oyemboɨ jare oyerure oyembotuicha reve körai: ‘Cheru Tumpa, amee yasoropai ndeve. Echa che mbaetɨ aiko ïru kuimbae reta rami. Jókuae reta imonda, mbaetɨ jupi, oyapo aguasa. Mbaetɨ vi che kuae mburuvicha peguarä okovara vae rami.

San Lucas 19:7

Jare opaete vae reta kuae oecha yave, iñeenguru reta, ojo opɨta metei kuimbae iyoa vae jo pe vae re.

San Lucas 7:39

Jare fariseo Jesús pe oparea vae kuae oecha yave, jei ipɨa pe: “Kuae kuimbae, ñeemombeúa ko yave, oikuaata mbae nunga ko kuae kuña vae. Echa iyoa vae ko.”

San Juan 8:48

Jayave judío reta jei: —Roe ma, nde ko jae metei Samariaɨgua, jare aña oya nderé vae ko. Añetete yepe roe.

San Juan 9:28

Jayave judío reta oñeengata jókuae kuimbae pe, jei reve: —Nde ko jae jemimboe. Ore ko Moisés jemimboe reta.

San Juan 9:34

Jayave judío reta jei chupe: —Nde rea mbaeyoa pe voi vae, ¿oremboeta ra? Jayave omombo reta joko güi.

Hechos 22:21

Jayave jae jei cheve: ‘Ekua. Echa che romondota mombɨrɨ judiombae vae reta kotɨ.’ ”

Romanos 10:3

Echa mbaetɨ oecha reta Tumpa iporombojupi, oeka reta kërai jae aeño oyembojupi vaerä. Mbaetɨ oyeko reta Tumpa iporombojupi re.

Romanos 14:10

Nde ¿maera pa reyangao jayave nerëtara?, jare nde ¿maera pa reporogüɨröɨro? Echa opaete yande yayemboɨta Cristo jóvai, ñanejäa vaerä.

Romanos 14:3

Opaete mbae jou jouiño vae, agüɨye togüɨröɨro mbaetɨ mbae jou jouiño vae. Jare jókuae mbaetɨ mbae jou jouiño vae, agüɨye toyangao opaete mbae jou vae re. Echa Tumpa imbae ko.

Romanos 7:9

Tenonde yave mbaetɨ aikuaa mborookuai jei vae yave, aiko güɨraveño; ërei aikuaa ma yave mborookuai jei vae, aikuaa cheyoa ko jare aikuaa amano ko.