San Lucas 16:23 - Biblia Guarani Tumpa Iñee

²³ Jare omanogüe reta ñogüɨnoia pe kuimbae oikokatuse vae oiporara yae oï. Jayave oupi iñäka jare oecha Abraham mombɨrɨ oï chugüi. Oecha vi Lázaro oï Abraham ndive.

Nuevo Testamento Guaraní Pe

²³ Jare cañɨtei pe cuimbae oicocatuse vae oiporara yae oi. Jayave jovaɨva jare oecha Abraham mombɨrɨ oi chugüi. Oecha vi Lázaro Abraham ndive —jei—.

San Lucas 16:23 ပူးပေါင်းရင်းမြစ်များ

SALMOS 16:10

echa ngaraa chereeya omanogüe reta ñogüɨnoia pe; ngaraa remaeño che reñono tee vae cheretegüe oikomegua vaerä.

SALMOS 49:15

Ërei ngatu Tumpa chereepɨta omanogüe reta ñogüɨnoia imbaepuere güi. Echa jae chererajata jupíe.

SALMOS 86:13

Echa ndeporoparareko tuicha yae ko chekotɨ, ¡reroasayepe cherekove omanogüe reta ñogüɨnoia pe aja vaerägüe!

SALMOS 9:17

Jeko pɨ̈chɨi vae reta, opaete vae iñakañɨ Tumpa güi vae, oyererajaukata omanogüe reta ñogüɨnoia pe.

PROVERBIOS 15:24

Yarakuaa vae pe, tape tekove pegua ojo ɨvate kotɨ, jökorai opia agüɨye vaerä ojo ɨ́vɨkotɨ, omanogüe reta ñogüɨnoia pe.

PROVERBIOS 5:5

Jupíe ojo vae güɨraja mano kotɨ; oporogüɨraja omanogüe reta ñogüɨnoia kotɨ.

PROVERBIOS 7:27

Jëta jape, jae ko mano kotɨ oporogüɨraja vae.

PROVERBIOS 9:18

Ërei jae reta mbaetɨ oikuaa, ñogüɨnoi ma ko omanogüe reta ñogüɨnoia pe, jókuae oyeparea chupe vae reta.

ISAÍAS 14:15

¡Ërei rea ko omanogüe ñogüɨnoia kotɨ, ɨvɨgüɨasɨ kotɨ!

ISAÍAS 14:9

Omanogüe reta ñogüɨnoia pe, ipɨakañɨ reta nderé, tëogüe reta opüa nderapependo vaerä, opaete ɨvɨ pegua mburuvicha reta opüa iguapɨka güi, jare opaete mburuvicha guasu tëtaguasu pegua reta opüa oyemboɨ.

San Mateo 11:23

Jare nde Capernaum, ndeyemongeta pe tuichagüe yae ko reï. Ërei reyemomboukata omanogüe reta ñogüɨnoia pe. Echa mɨakañɨ reta ayapo pepɨte pe vae, ayapo yave mona Sodoma pe, oimeñota tëi ko añave rupi.

San Mateo 18:9

Jaeramiño vi nderesa oyapouka yave mbaeyoa ndeve, eekɨ emombo ndeyeugüi. Echa jaekaviño ko renoi vaerä tekove nderesa jovaichombae reve tata guasu opambae vae pe mókoi nderesa reve reo vaerägüe güi.

San Mateo 23:33

¡Pe reta ko jae mboi reta rami! Ngaraa etei peasayepe peiporarata tata guasu pe vae güi.

San Mateo 5:22

Ërei che jae peve, oime yave kia pochɨ japicha pe vae, oñejäaukata ko. Jare oime yave kia jei japicha pe ‘osirivembae’, oñejäaukata judío reta iporojäa renda pe. Jare oime yave kia jei japicha pe ‘yaɨmba’, tata guasu pe oiporarata.

San Mateo 5:29

Nderesa ndeakatu kotɨgua oyapouka yave mbaeyoa ndeve, enoe emombo ndeyeugüi. Echa jaekavi ko ndeve metei mbae oata nderete pe, tata guasu pe opaetei nderete okañɨtei vaerägüe.

San Mateo 8:29

Jare jae reta iñeeäta reve jei: —¿Maera pa reyu oreve Jesús, Tumpa Taɨ? ¿Reyu pa reiporarauka oreve, ndei ara oväe mbove?

San Lucas 16:24

Jayave osapúkai reve jei: Cheru Abraham, cheparareko. Embou Lázaro tomoäkɨ ipoäka ɨ pe omoröɨsa vaerä chekü. Echa aiporara yae aï kuae tata pe.

San Lucas 16:28

Echa oime anoi pandepo cherɨvɨ reta. Emondo omombeu vaerä chupe reta, agüɨye vaerä jae reta vi yogüeru kuae aiporara aïa pe.’

San Lucas 8:28

Kuae kuimbae oecha Jesús yave, osapúkai jare oyetavatɨka itindɨasɨ jóvai. Jayave iñeeäta reve jei: —¿Maera pa reyu cheve Jesús, Tumpa Tuichagüe yae vae Taɨ? Romoñera agüɨye eiporarauka cheve.

1 Corintios 15:55

Mano ¿ketɨ pa aipo reï? ¿ketɨ pa oime nepɨ̈pia reporomoamɨri pɨpe vae?”

2 Pedro 2:4

Echa Tumpa mbaetɨ iñɨ̈ro araɨgua iyoa vae reta pe. Jae omombo ara güi tata guasu pe. Joko pe oñeapɨti ñogüɨnoi pɨtumimbi pe jare oäro ñogüɨnoi Tumpa ojäa reta vaerä.

Apocalipsis 20:10

Jare aña guasu ombotavɨ reta vae oyemombouka tata guasu azufre ndive jendɨ vae pe, mbaemɨmba guasu jare ñeemombeúa raanga ñogüɨnoia pe. Jare joko pe oiporara retata ara rupi jare pɨ̈tu rupi jekuaekuae avei rupi.