San Lucas 16:15 - Biblia Guarani Tumpa Iñee

¹⁵ Jayave Jesús jei chupe reta: —Pe retaiño peyembojupi ïru vae reta jóvai vae ko pe. Ërei Tumpa oikuaa pepɨa pe oï vae. Echa kuimbae reta ombotuicha yae vae, Tumpa peguarä ikavimbae yae ko.

Nuevo Testamento Guaraní Pe

¹⁵ Jayave Jesús jei chupe reta: —Pe reta peñembojupi iru vae reta jovaque. Erei Tumpa oicuaa pepɨa pe oi vae. Jare yepe tei iru vae reta pemboete yae, erei Tumpa oicuaa peyapo vae icavi mbae yae co —jei—.

San Lucas 16:15 ပူးပေါင်းရင်းမြစ်များ

1 CRÓNICAS 29:17

CheRu Tumpa, che aikuaa nde reecha ko opaete vae ipɨa jare sɨmbi vae ndemboyerovia. Jáeramo chepɨa sɨmbi reve amee ndeve chepɨa-kɨ̈reɨ ngatu reve opaete kuae mbaembae reta. Jare añave yerovia katu reve aecha tëta ndembae kuae pe oyemboatɨ ñogüɨnoi vae omee ndeve mbota ipɨakavi reve.

2 CRÓNICAS 6:30

nde eendu ara güi, reikoa güi, neɨ̈ro chupe jare emboekovia chupe oguata kavi rupi, echa ndeño reikuaa opaete kuimbae reta ipɨa jare iyemongeta.

SALMOS 10:3

Echa jeko kavimbae oyemboete ipɨa jemimbota reño, imbaepotarai vae iñee kaviä, jare nereröɨro cheYa.

SALMOS 49:13

Kuae oikogüe mbaeä etei ko; ërei jeseve, iñemuña reta güɨrovia katu jae reta iñee.

SALMOS 49:18

Yepe tëi oikove oiko ramboeve, oyerovia katu, jare imbaeyekou jeko pegua omboete yae vae.

SALMOS 7:9

¡Topa mo añave jeko kavimbae reta jembiapo, ërei emomɨ̈rata, jupi yogüɨreko vae reta! Echa nde, Tumpa jupi vae ko, reikuaa yemongeta kia iyɨvɨte pe güɨnoi vae.

PROVERBIOS 16:5

YandeYa pe ikaviä yae ko, opaete ipɨayemboete vae, ngaraai opɨta oiporarambae.

PROVERBIOS 20:6

Jeta kuimbae reta jei iyeupe ipɨakavi yae ko vae, ërei kuimbae añete vae, ¿kia pa oväeta?

PROVERBIOS 21:2

Kuimbae pe ikaviecha opaete mbae oyapo vae, ërei yandeYa ko oikuaa opaete mbae oyeapo vae.

JEREMÍAS 17:10

Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

MALAQUÍAS 3:15

Jare yae añave: ‘Oyembopɨa pochɨ vae reta oyerovia yae, ikavimbae oyapo vae reta ikavi yogüɨreko, ojäa reta tëi Tumpa ipɨaguasu, ërei mbaetɨ oiporara reta.’ ”

San Mateo 23:5

Echa jókuae oporomboe vae reta mbae oyapo yave, ïru vae reta oecha vaeräño ko oyapo. Echa jae reta mborookuai oyekuatiagüe oñono iyé vae jɨru, ombopɨguasu kavi reta iyeupe jare jemimonde jopea ombopuku reta iyeupe.

San Mateo 6:16

Peyekuaku tembíu güi yave, agüɨye perovambuae pemboyekuaa jova mókoi vae reta oyapo rami. Echa jae reta jovambuae omboyekuaa ïru vae reta pe oyekuaku ko ñogüɨnoi tembíu güi vae. Añete che jae peve, jókuae rupi jepɨ ma ko chupe reta.

San Mateo 6:2

Jáeramo, rembopota paravete vae reta yave, agüɨye eyapo opaete vae reta ndereecha vaeräño, jova mókoi vae reta oyapo rami, judío reta itupao reta pe jare kaye rupi, ïru vae reta omboete vaeräño. Añete che jae peve, jókuae rupi jepɨ ma ko chupe.

San Mateo 6:5

Reyerure Tumpa pe yave, agüɨye eyerure jova mókoi vae reta oyapo rami, echa omomora oyemboɨ reta oyerure judío reta itupao pe jare kaye reta iekina pe. Oipota kia reta oecha vaeräño. Añete che jae peve, jókuae rupi jepɨ ma ko chupe reta.

San Lucas 10:29

Ërei jókuae mborookuai re oporomboe vae oipota oyereroviauka jupi vae rami ramo, oparandu Jesús pe: —¿Kia pa ko jae cherapicha?

San Lucas 11:39

Jayave yandeYa jei chupe: —Pe fariseo reta, pe reta ko jae tasa jare ñae ikupe rupiño oyoe vae rami. Ërei pepɨa tɨnɨe ko oï monda pe jare ikavimbae vae pe.

San Lucas 18:11

Fariseo oyemboɨ jare oyerure oyembotuicha reve körai: ‘Cheru Tumpa, amee yasoropai ndeve. Echa che mbaetɨ aiko ïru kuimbae reta rami. Jókuae reta imonda, mbaetɨ jupi, oyapo aguasa. Mbaetɨ vi che kuae mburuvicha peguarä okovara vae rami.

San Lucas 18:14

Che jae peve, Tumpa iñɨ̈ro jókuae mburuvicha peguarä okovara vae pe iyoa re, jökorai ojo ye jëta pe. Ërei mbaetɨ iñɨ̈ro jókuae fariseo pe iyoa re. Echa kia nunga oyembotuicha vae, oñemomichiukata ko. Jare oñemomichi vae, oyembotuichaukata ko.”

San Lucas 18:21

Jayave jae jei chupe: —Chetaɨrusu güive aiko opaete kuae mborookuai reta jeigüe rupi.

San Lucas 18:9

Jare Jesús oïa pe ñogüɨnoi amogüe oyererovia katu jupi ko jare oporogüɨröɨro vae reta. Jesús jei chupe reta ombojaanga reve:

San Lucas 20:20

Jare oipïaro reta Jesús. Jáeramo omondo vi ïru vae reta oipïaro vaerä Jesús; jae reta oyeapo jupi vae rami oyavɨuka vaerä chupe iñee rupi aeño, ipuere vaerä omboeterenga mburuvicha ipo pe.

San Lucas 20:47

Jare jae reta opɨ̈ro imemano vae reta güi opaete imbaembae, jare oyereroviauka vaerä puku oyerure reta Tumpa pe añetegüe nunga. Jáeramo oiporara yae retata ko.”

San Juan 2:25

Jae mbaetɨ oeka kia omombeu vaerä chupe ɨvɨ pegua reta regua. Echa jae oikuaa kavi ɨvɨ pegua reta ipɨa pe oï vae.

San Juan 21:17

Jesús jei ye chupe mboapɨa ma: —Simón, Jonás taɨ, ¿cheraɨu pa? Pedro ipɨatɨtɨ. Echa mboapɨa ma Jesús jei chupe: “¿Cheraɨu pa?” Jayave jei ye: —CheYa, nde reikuaa opaete. Nde reikuaa ko che roaɨu ko vae. Jesús jei chupe: —Emongaru chevecha reta.

Hechos 1:18

Ërei jae ikavimbae oyapo vae jepɨgüe re ogua metei ɨvɨ. Joko pe oa ɨvate güi, jare jɨe osoro, opaetei ichuri oyekuavo.

Hechos 1:24

Jayave oyerure reta Tumpa pe körai: “OreYa, nde reikuaa opaete ipɨa vae, eechauka oreve kia nunga ra reiparavo ma kuae mókoi kuimbae güi,

Hechos 15:8

Tumpa ko oikuaa opaete vae ipɨa vae, jae oechauka jae reta güɨrovia ko. Echa omee chupe reta Espíritu Santo, yandeve omee rami.

Romanos 3:20

echa mborookuai jei vae oyapo vae rupi mbaetɨ kia ipuere oyembojupiuka Tumpa jóvai. Echa mborookuai rupi yaikuaa mbaeyoa re.

Romanos 8:27

Tumpa oikuaa opaete vae iyemongeta vae, oikuaa vi Espíritu Santo mbae ko oipota jei vae. Echa Espíritu Santo oyerure Tumpa jemimbota rupi kavi, imbae vae reta re.

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

1 Pedro 3:4

jaeño tipöra peɨvɨte, pepɨa pe, oikomeguambae vae pe. Ñemomichi pe jare mbɨakatu pe, kuae ko ikavi yae Tumpa pe.

1 Pedro 5:5

Pe taɨrusu reta, peiko petenondegua reta jeia re. Jare opaete vae peiko kavi oyoupi peñemomichi reve; echa: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”