San Lucas 15:29 - Biblia Guarani Tumpa Iñee

²⁹ Jayave jei tu pe: ‘Mase, jeta año ma ayeokuai ndeve. Jekuaeño ayapo ndeporookuai. Ërei mbaetɨi remee cheve kavara raɨ yepe, avɨa vaerä chevɨa-ïru reta ndive.

Nuevo Testamento Guaraní Pe

²⁹ Jayave taɨ tenondegua vae jei tu pe: Mase, jeta año ma ayeócuai ndeve. Jecuaeño ayapo ndeporoócuai. Erei mbaeti etei remee cheve cavara-raɨ yepe, ayapo vaera arete cheamingo reta ndive —jei, jei—.

San Lucas 15:29 ပူးပေါင်းရင်းမြစ်များ

ISAÍAS 65:5

Jei reta: ‘Joko peño, agüɨye cheavɨkɨ, oñeñono tee kavi yae vae ko, che ndegüi.’ Jókuae nunga reta, tätati omboasɨ cheresa vae rami ko, tata ikaaru jendɨ yave vae rami ko.

ZACARÍAS 7:3

Jare Sacerdote reta yandeYa Imbaepuere yae ete vae jo pe ñogüɨnoi vae reta pe jare ñeemombeúa reta pe oparandu körai: “¿Jekuaeñota pa orepɨatɨtɨ pandepoa yasɨ pe, jare royekuaku tembíu güi año ñavo, royapo roiko rami?”

MALAQUÍAS 3:14

Körai pere: ‘Yayeokuaiiño ma Tumpa pe, ¿mbae pa ñanoita yayapo yave iporookuai, jare yayembopɨatɨtɨ yave yandeYa Imbaepuere yae ete vae jóvai?’

San Mateo 20:12

jei reve: ‘Kuae taɨkue rupi omboɨpɨ oparavɨkɨ vae reta metei oraño oparavɨkɨ. Ërei remboyovakeño ore ndive remboepɨ chupe reta, ore yepe tëi roparavɨkɨ täta kuaraɨ jasɨ reve.’

San Lucas 15:28

Jayave taɨ tenondegua vae iyarasɨ jare mbaetɨ oipota oike o pe. Jayave tu oë o güi jare omoñera oike vaerä.

San Lucas 15:30

Ërei kuae nderaɨ opaiño omokañɨtei ndembaembae kuña iyaguasa pota vae reta re vae ou ye yave, reyuka chupe toro taɨrusu vae ikɨra vae.’

San Lucas 15:7

Che jae peve, jökoraiño vi ara pe oimeta yerovia tuichagüe metei iyoa vae oeya yave iyemongeta ikavimbae vae ipɨa pe oï vae. Jókuae noventa y nueve jupi vae reta güi. Jókuae mbaetɨ mbae jeko pegua oyepoepɨ vaerä vae reta.

San Lucas 17:10

Jaeramiño vi pe reta peyapo ma opaete Tumpa jei peve peyapo vaerä vae yave, pere: ‘Ayapoä mbae ayemboeteuka vaerä. Echa jaeño ayapo, cheokuai ayapo vaerä vae.’ ”

San Lucas 18:9

Jare Jesús oïa pe ñogüɨnoi amogüe oyererovia katu jupi ko jare oporogüɨröɨro vae reta. Jesús jei chupe reta ombojaanga reve:

San Lucas 19:21

Echa akɨɨye ndegüi ndepɨarai ramo. Nde repɨ̈ro mbaembae ïru vae reta güi jare rearɨvo ïru vae reta oñotɨ vae.’

Romanos 10:3

Echa mbaetɨ oecha reta Tumpa iporombojupi, oeka reta kërai jae aeño oyembojupi vaerä. Mbaetɨ oyeko reta Tumpa iporombojupi re.

Romanos 3:20

echa mborookuai jei vae oyapo vae rupi mbaetɨ kia ipuere oyembojupiuka Tumpa jóvai. Echa mborookuai rupi yaikuaa mbaeyoa re.

Romanos 3:27

Jayave, ¿ketɨ pa opɨta kuimbae reta oyembotuicha jese vae? Opa ko okañɨ. ¿Mbae nunga mborookuai rupi pa? ¿Mborookuai oyeapo vae rupi pa? ¡Mbaetɨ ko! Jaeño mborogüɨrovia rupi.

Romanos 7:9

Tenonde yave mbaetɨ aikuaa mborookuai jei vae yave, aiko güɨraveño; ërei aikuaa ma yave mborookuai jei vae, aikuaa cheyoa ko jare aikuaa amano ko.

Apocalipsis 2:17

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae maná oñeomi oï vae, jare ameeta vi chupe metei ita raɨ tïi vae. Jókuae ita re oime metei tee ipɨau vae oyekuatía oï, jókuae tee mbaetɨ etei kia oikuaa, jaeño omboresive vae.’

Apocalipsis 3:17

Echa nde rere: Aikokatu ko, jeta mbaembae anoi, mbaetɨ etei mbae oata yandeve. Ërei mbaetɨ reikuaa, ndepɨatɨtɨ yae, ndeporiau, ndeparavete, nderesambae jare nenandi.